Hvernig væri að líta í eigin barm?

Ég er svo sem sammála Össuri og leiðarahöfundi Morgunblaðsins að ljótt orðbragð og svívirðingar í netpistlum og athugasemdum við þá eru ekki til fyrirmyndar. Ekki heldur nafnleysi þar. Fólk á einfaldlega að koma kurteislega fram og þora að standa við sín orð með nafni.

Hitt er annað, sem Össur og leiðarahöfundur Moggans, mega hafa í huga. Þessi óþverragangur á Moggablogginu hefur aukist jafnt og þétt í hlutfalli við ólguna í þjóðfélaginu. Þessi ólga er fyrst og fremst komin til af aðgerðarleysi ríkisstjórnarinnar, sem Össur situr í, sem og þeim áherslum sem ríkisstjórnin hefur sett í nýjum fjárlögum; auknum álögum á þá sem minna mega sín.  Þeir tveir, ritstjóri Moggans, sem er málsvari Sjálfstæðisflokksins og Samfylkingarvaraformaðurinn, ættu því að líta í eigin barm þegar þeir leita sökudólga.

Umræðuhættir á netinu

Klúður

Það væri eftir öðru að ríkisstjórnin félli á tíma í þessu máli. Það er algjört klúður að láta ekki reyna á það fyrir alþjóðlegum dómstólum hvort Bretum hafi verið heimilt að nýta sér hryðjuverkalög við árásir á íslensk fyrirtæki í Bretlandi. Framsóknarformannsframbjóðandinn Sigmundur Davíð kemur nú sterkur inn með því að vekja athygli á þessum seinagangi íslensks stjórnkerfis.

Fresturinn að renna út

Iðnaðarráðuneytið?

Iðnaðarráðuneytið hefur verið látið fylgjast með þróun mála, að sögn Þorsteins. „Það eru eðlileg vinnubrögð vegna þess að við heyrum undir það." Þetta kemur fram í fréttinni. Ég hélt nú að ferðaskrifstofur heyrðu undir Samgönguráðuneytið  Kannski að þetta sé komið út af hinu endalausa tali um ferðaiðnað eða ferðamannaiðnað í stað ferðaþjónustu

Farþegar þurfa ekki að óttast

Gott skref, en hvað segir samstarfsflokkurinn?

Það er svo sem gott að Ingibjörg Sólrún tekur af skarið og fordæmir þessi níðingsverk Ísraelsmanna. Það getur hins vegar orðið þrautinni þyngra fyrir hana að sannfæra ráðherra hins stjórnarflokksins um þetta ef marka má orð Þorgerðar Katrínar í hádegisfréttum útvarps. Það er líka umhugsunarvert fyrir hana og fleiri sem börðust fyrir inngöngu í öryggisráð Sameinuðu þjóðanna að þar beittu Bandaríkjamenn neitunarvaldi gegn tillögu um fordæmingu þessara aðgerða. Enda eru það Bandaríkjamenn sem kosta allan stríðsrekstur Ísraelsmanna.

Fordæmir innrás á Gasa

Hvers eiga tunnurnar að gjalda?

Hvers eiga ruslatunnurnar að gjalda? Þær eru mikið þarfaþing og gera umtalsvert gagn. Nokkuð sem ekki er hægt að segja um útrásarvíkingana. En þetta er samt táknrænt eins og utanríkisráðherra sagði um hátekjuskattinn. Ef hins vegar ætti að setja nafn Davíðs og ríkisstjórnarinnar á ruslahirslur þá duga ekkert minna en gámar.

Ruslatunnur í sparifötum

Batnandi mönnum er best að lifa

"Jóhann Óli Guðmundsson, stjórnarmaður í Tali og einn eigenda fyrirtækisins, fullyrðir að Hermann Jónasson, fyrrverandi forstjóri Tals, hafi haft umboð stjórnar fyrirtækisins til að semja við Símann um reikisamtöl."

 Svona byrjar frétt sem er á mbl.is. Ég ætlaði að tengja þess frétt við blogg og hæla mbl mönnum fyrir að beygja nú nafn símafyrirtækisins Tals en einhverja hluta vegna er ekki hægt að tengja hana við blogg. Til hamingju mbl menn með þessa framför að nota fallbeygingar íslensks máls. Batnandi mönnum er best að lifa.

Hvað er íslenskt?

Mér finnst það hreinlega spurning hvort ekki eigi að setja einhver skilyrði fyrir því hvaða vörumerki geta talist íslensk. Sé ekki nokkurn hag í því fyrir þjóðina að siglt sé undir fölsku flaggi í þessum efnum. Hér á landi er nægt hráefni til að vinna úr og nægur starfskraftur. Það er því engin afsökun fyrir þessi fyrirtæki að láta sauma flíkurnar í Asíu og kaupa hráefnið þar. Ástæðan er einföld hjá þeim. Vinna og hráefni eru ódýrari í skjóli þrældóms á fólki og pyntinga á dýrum.

Harma umfjöllun um Cintamani

Slæm þróun

Það er slæm þróun að nú skuli nánast verið að eyðileggja þennan möguleika fólks á strætóferðum milli Akraness og Reykjavíkur. Þetta hefur verið góður kostur til þessa en nú er útlit fyrir að ódýrara sé að tveir til þrír sameinist um einkabíl á milli þessara staða. Sennilega er þetta vegna þess að önnur sveitarfélög lengra í burtu frá Reykjavík vilja nýta sér þetta frumkvæði Skagamanna. Auðvitað er gott ef hægt er að koma á strætóferðum austur fyrir fjall og upp í Borgarnes en það er slæmt að frumkvöðlarnir í þessu efni beri skaða af.

Fyrst mbl.is sýnir ekki þá sjálfsögðu kurteisi að "linka" á Skessuhorn sem flutti fréttina þá geri ég það hér með. http://www.skessuhorn.is/Default.asp?sid_id=24845&tId=99&Tre_Rod=001|002|&fre_id=81274&meira=1

 Strætó á ferð á Akranesi

Segjast þurfa að hætta að nota Strætóferðir

Gerðahverfi?

Í myndatexta með þessari frétt segir að mikill viðbúnaður hafi verið vegna vopnaðs manns í Gerðunum. Sama nafn var notað í fyrri frétt um málið og þá sagt frá því að maðurinn væri í Gerðahverfi. Ég man ekki eftir þessu hverfisnafni í Reykjavík. Ég man hins vegar eftir Gerðum í Garði en það var nafnið á þéttbýlinu á Suðurnesjum í eina tíð og íbúarnir kallaðir Gerðamenn. Þegar betur er að gáð kemur í ljós að maðurinn með byssuna sást í Breiðagerði. Þannig að hann hefur verið í því hverfi sem gjarnan hefur verið kallað Smáíbúðahverfi í gegnum tíðina eða Bústaðahverfi í seinni tíð. 

Byssumaður afhenti vopnið

Tal um Tal frá Tali til Tals

Lesið fréttina og skoðið málfræðikunnáttu þess sem skrifar. "Ragnhildur tekur við Tal" (Tali) - "Ragnhildur Ágústsdóttir hefur verið ráðinn (ráðin) framkvæmdastjóri Tal (Tals)" - "var forstöðumaður vöruþróunar Tal (Tals) - Svo er farið að beygja nöfn fyrirtækja í lok fréttarinnar þegar sagt er að Ragnhildur hafi gegnt stöðu framkvæmdastjóra Ódýra Símafélagsins. Af hverju ekki: framkvæmdastjóra Ódýra símafélagið. Það hefði verið í samræmi við hina vitleysuna.

Ragnhildur tekur við Tal