Hvað er íslenskt?

Mér finnst það hreinlega spurning hvort ekki eigi að setja einhver skilyrði fyrir því hvaða vörumerki geta talist íslensk. Sé ekki nokkurn hag í því fyrir þjóðina að siglt sé undir fölsku flaggi í þessum efnum. Hér á landi er nægt hráefni til að vinna úr og nægur starfskraftur. Það er því engin afsökun fyrir þessi fyrirtæki að láta sauma flíkurnar í Asíu og kaupa hráefnið þar. Ástæðan er einföld hjá þeim. Vinna og hráefni eru ódýrari í skjóli þrældóms á fólki og pyntinga á dýrum.

Harma umfjöllun um Cintamani

Athugasemdir

[Víðir Benediktsson, 3.1.2009 kl. 17:19]

Og fólki.

[Hulda Elma Guðmundsdóttir, 3.1.2009 kl. 17:22]

Opinber starfsmaður í stjórnunarstöðu gaf starfsfólkinu "sínu" Cintamani úlpur, til að gefa íslenskt. Hver úlpa kostar um 20 þúsund krónur. Hann sagði í viðtalinu sem birt var við hann að hann teldi þetta ekki dýrar gjafir. Fólk þyrfti skjólgóðar flíkur á þessum tíma. Ætli starfsfólk ríkisskattstjórans fara allt fótgangandi?

[Haraldur Bjarnason, 3.1.2009 kl. 17:22]

já þrældóms á fólki meinti ég Víðir, bæti því inn núna.

[Óskar Þorkelsson, 3.1.2009 kl. 17:37]

Cintamani er ekki íslenskt.. ekkert við þetta fyrirtæki hljómar íslenskt eða er framleitt á íslandi..

Ég tel að sömu sögu megi segja um 66°N  

[, 3.1.2009 kl. 17:38]

Mér finnst í hæsta máta óviðeigandi að opinber stofnun gefi starfsmönnum svona dýrar gjafir. Eitthvað yrði sagt ef allar opinberar stofnanir vildu gefa öllu sínu starfsfólki gjafir á þessu verði um hver jól. Og mjög fátt íslenskt er í raun 100% íslensk framleiðsla. Ora baunir eru t.d. baunir sem ræktaðar eru og þurrkaðar í öðru landi en síðan fluttar inn, bleyttar upp og soðnar hér á landi. Það afsakar samt ekki vörukaup frá landi sem ekki virðir mannúð,hvorki við menn né dýr.

[Ragnheiður Arna Magnúsdóttir (IP-tala skráð) 3.1.2009 kl. 17:55]

Cintamani og 66° er ekki ÍSLENSK VARA! Til þess að þetta flokkist sem "made in Iceland" þá þarf hráefnið og framleiðslan að vera hér á landi.....

Það er ekkert sem réttlætir þetta okur verð sem þessi fyrirtæki leggja á vörur sínar!

Halló! ein úlpa made in INDONESIA með kraga gerðann úr einhverju dýri sem gæti verið í útrýmingarhættu á 50 þús kall!!! ekki eðlileg verðlagning!

[Óskar Þorkelsson, 3.1.2009 kl. 18:55]

Ég gleymdi zo on í upptalningunni.. þetta gildir að sjálfsögðu fyrir þá líka..

[Jakobína Ingunn Ólafsdóttir, 3.1.2009 kl. 19:37]

Hárrétt þessi fyrirtæki notfæra sér mannréttinda og dýraverndunarleysi annarra þjóða.

[Magnús Sigurðsson, 3.1.2009 kl. 21:55]

Það er töff  að ganga ekki í merkjavöru, jafnvel þó hún sé "íslensk". Þar að auki er það einnig mun ódýrara.   

En þetta er nú bara svona kreppuráð.

[corvus corax, 4.1.2009 kl. 06:49]

Fyrirtæki sem auglýsir ZO ON sem íslenskan útivistarfatnað lýgur blákalt að neytendum með því að auglýsa vöruna sína sem íslenska. Það er ekkert íslenskt við þessa vöru en hallærislegir tilburðir einhvers heimsks auglýsingafífls með upplestri úr íslenskum þjóðsögum er greinilega tilraun til að sanna lygina. Kaupum ekki þessi íslensk-útlensku merki ef við viljum styðja íslensk framleiðslufyrirtæki. Varð ekki allt brjálað í haust af því að grænmetissali auglýsti grænmeti sem íslenskt af því að það var þvegið upp úr íslensku vatni? Lygaþvæla um íslenska framleiðslu fatnað frá Cintamani, ZO ON, 66°N og fleiri heitir á góðri íslensku VÖRUSVIK!

[Hanna (IP-tala skráð) 4.1.2009 kl. 15:52]

Þið ættuð öll að kynna ykkur málin betur áður en þið farið að gaspra fáfræði ykkar yfir allt og alla.

Fyrst og fremst þá eru flest öll íslensk textílfyrirtæki að láta framleiða vörur sínar í öðrum löndum. Aðallega Eystlandi, Lettlandi og Kína. Þau aulýsa ekki íslensk framleiðsla, framleiðslulandið er á merkimiðum sem hanga á vörunum. Þetta eru íslensk fyrirtæki og íslensk hönnun sem seld er til annarra landa og ágóðinn af sölunni kemur til Íslands og þið njótið góðs af því.

Síðan er annað atriði sem mig langar að fræða ykkur um því að það virðist vera að í fráfæði ykkar þá haldið þið að Kína sé land þar sem allir eru í þræla vinnu fyrir vesturlönd. Þetta er nú alveg ótruleg fráfræðsla. Þið ættuð að kynna ykkur málin áður en þið vaðið um og úthrópið heila þjóð. Kína er stærsta land í heimi þar býr vel yfir milljarður manna sem eru af mjög ólíkum uppruna og tala ólíkt mál. Matargerð þar er einnig mjög ólík eftir landssvæðum sem og öll menning. Því finnst mér það kyndugt að fók eins og þið sem hér hafið skrifað getið leift ykkur í fáfræði ykkar og heimsku að halda því fram að allt sem framleitt er í Kína sé gert með þrælahaldi og illsku.

Ef eitthvað er hættulegt í heimi hér, þá er það fáfræðsla og heimska. Fólk sem úthrópar án þess að vita. Ég skora því á ykkur að fræðast um málefni áður en þið gasprið. Það á við um þetta ákveðna málefni og einnig öll önnur.

[Óskar Þorkelsson, 4.1.2009 kl. 16:04]

Ef eitthvað er hættulegt í heimi hér, þá er það fáfræðsla og heimska. Fólk sem úthrópar án þess að vita. Ég skora því á ykkur að fræðast um málefni áður en þið gasprið. Það á við um þetta ákveðna málefni og einnig öll önnur.

Takk fyrir þessa svakalegu fræðslu óskráða Hanna.. 

Ég vinn hjá fyrirtæki sem framleiðir vörur á íslandi og selur sem íslenskt.. sumt höfum við gert og hannað sjálf en látum framleiða erlendis en það fer EKKI á markað sem íslensk vara.. Það gerist ekki fyrr en við framleiðum vöruna hér úr hráefnum að utan..  

ekkert þessara fyrirtækja sem nefnd eru hér hafa saumastöfu á íslandi.. ef svo er vildi ég gjarnan fá að vita það því ég mundi beina mínum fatakaupum til þess fyrirtækis.

[corvus corax, 4.1.2009 kl. 16:11]

Ef fáfræði og heimska eru hættulegar ættir þú Hanna sem ritar athugasemd hér á undan að læra íslensku því fáfræði þín kemur berlega í ljós í hugtakinu fáfræðsla sem enginn veit hvað þýðir nema þú. Við hin sem höfum fengið fræðslu búum ekki við fáfræði ...hvað þá fáfræðslu.
Þú fullyrðir Hanna að íslensk textílfyrirtæki auglýsi ekki vöruna sína sem íslenska framleiðslu. Þarna ferð þú villur vegar því fyrirtækið sem selur ZO ON útivistarfatnað hefur auglýst vöru sína grimmt fyrir jólin sem íslenskan útivistarfatnað með tilvísun í íslenskar þjóðsögur á undan. Útivistarfatnaður, framleiddur í útlöndum úr útlendu efni og jafnvel seldur í útlöndum án þess nokkurn tíma að koma til Íslands, er að sjálfsögðu ekki íslenskur. Og hann verður ekki heldur íslenskur þótt hann sé seldur hér á landi. Að auglýsa svona tilkominn fatnað sem íslenskan er hrein lygi og vörusvik hvað sem þú reynir að afsaka það. Þú getur alveg eins flutt inn Nike fatnað, Adidas, Puma, eða hvaða annað erlenda fatnað sem er og reynt að ljúga að okkur að sá fatnaður sé íslenskur, hann verður það samt ekki. Það er spurning hvort Samkeppnisstofnun sé ekki skylt að skerast í leikinn þegar verið er að blekkja svona augljóslega og svíkja vöru inn á neytendur með yfirvegaðri lygi. Þetta heitir VÖRUSVIK!

[Haraldur Bjarnason, 4.1.2009 kl. 21:37]

Ég ítreka bara það sem ég segi í færslu minni að ríkisvaldið ætti að setja einhver skilyrði fyrir því hvenær vara telst íslensk og hvenær ekki.