Næsta búbótin

Það skyldi ekki þó ekki verða að þessi agnarsmái fiskur verði okkur góð búbót á næstu árum. Ekki er langt síðan kolmunninn bættist við og nú síðast makríll. Ekki veitir af að hafa nógu margar tegundir til skiptana þótt margir telji nú næga loðnu í sjónum. Það dugar ekki til frekar en með þorskinn. Samþykki Hafró þarf til og ef kvikindin synda ekki inn í reiknilíkön Hafró eru þau víst ekki til.

Huginn VE með fyrsta gulldeplufarminn

Þetta er ekkert nýtt

Það er nú ekkert nýtt að einhver útlend náttúruverndarsamtök beiti hótunum vegna hvalveiða. Ekki verður nú séð að það hafi borið árangur hingað til. Hvalveiðar eru hins vegar nauðsynlegar hér við land og þá fyrst og fremst til að halda jafnvægi í lífríki sjávar. Æ fleiri dæmi eru um hvalagöngur inn á firði hér við land. Aldrei hafa fleiri hvalrekar verið hér við land. Bendir þetta ekki til að of mikið sé af hval við landið? Ef við ætlum að halda áfram fiskveiðum þarf að grisja hvalastofninn, bæði stórhveli og smáhveli. Hér á Akranesi gætu auk þess skapast tugir starfa við úrvinnslu hvalafurða á ný því hrefnuveiðimenn hafa lýst áhuga á að leggja upp hér og fá aðstöðu til úrvinnslu kjötsins.

Hóta viðskiptabanni vegna hvalveiða

Bakkfirðingar olíufurstar Íslands

Jæja, þá er tími Bakkfirðinga kominn aftur eftir hremmingar í sjávarútvegi og gjaldþrot stærstu fiskverkunarinnar þar. Bakkfirðingar verða væntanlega olíufurstar Íslands ásamt næstu nágrönnum sínum á Vopnafirði.

Olíuleit á Drekasvæðinu boðin út

Gott hjá Guðmundi

Gott hjá Guðmundi. Það hefur verið allt of algengt að fólk sem skipt hefur um flokka sitji áfram á alþingi og í sveitarstjórnum, þótt það hafi í raun misst umboð þeirra sem kusu það.

Tekur ekki sæti á Alþingi

Á Halann?

„Við vorum beðnir um að kíkja aðeins vestur á Hala, þar var togari sem varð var við loðnu í trolli,“ segir Albert Sveinsson, Hvers vegna vestur á Hala? Loðnan gengur upp að Norðaustanverðu landinu. Fer svo austur með suður og vestur.

Enn er leitað loðnu

Óli kann að koma orðum að því

Ólafur Sigurðsson bæjarstjóri á Seyðisfirði kann að koma orðum að hlutunum: "Í mínum huga eru þetta ekkert nema ótýndir glæpamenn.  Þeir hafa ekki bara rústað mannorði íslenskrar þjóðar á erlendri  grund heldur steypt þjóðinni á kaf í skuldafen sem næstu kynslóðir eiga að borga.    Hvers eiga börnin okkar og barnabörnin  að gjalda?  Hver gaf þessum mönnum leyfi til að nota þessa spilapeninga? Hver gaf þeim leyfi til að veðsetja okkur langt í framtíðina?  Og enn hefur enginn lýst sig ábyrgan.  Ekki bankastjórarnir, Fjármálaeftirlitið eða Seðlabankinn.  Ekki ríkisstjórnin eða Alþingi.   Einu aðilarnir sem virðast nú hafa verið með þetta algerlega á hreinu að svona myndi fara er auðvitað stjórnarandstaðan.  Já og svo auðvitað allir hagfræðingarnir sem sáu þetta allt fyrir og voru búnir að vara við þessu fyrir mörgum mánuðum, jafnvel árum." 

Þessi orð Óla um útrásarvíkingana og stjónvöld þessa lands segja allt sem segja þarf.

	Aukinn afgangur af vöruskiptum
Ábyrgðarmaður færslu Tenging við þessa frétt hefur verið rofin vegna kvartana.

Gömul frétt

Er þetta ekki hundgömul frétt? Þetta var ábyggilega í mbl.is á nýársdag og kallað rekstrarbilun, hvað sem það nú þýðir. Lesa menn á mbl.is ekki það sem skrifað hefur verið?

Rekstrarbilun eða skriftarbilun?

1.1.2009 | 18:38

Hvað er rekstrarbilun? Bilaði einhver rekstur? Hvernig lýsir rekstrarbilun sér? Þetta er nýyrði sem ég hef ekki heyrt áður. Kannski er þetta skriftarbilun? - Annars kemur ástæða rafmagnsleysisins fram í lok fréttarinnar. Það bilaði hugbúnaður í virkjuninni.

Rekstrarbilun olli rafmangsleysi

Hlaupsekúnda olli rafmagnsleysi

Þessir andsk.............

Þessir andsk...láta sér ekkert nægja.

Ísrael svarar skeytum Líbana

Verði þér að góðu

Skiptir þetta einhverju? Framsókn er hvort sem er handónýtt apparat. Verði Bjarna að góðu að bjóða fram sér. Það er eingöngu til að dreifa atkvæðum. Þá verður Framsókn, sem betur fer, ekki neitt. Verði þér að góðu Bjarni.

Bjarni sagði sig úr Framsóknarflokknum

Yfirklór

Það leysir engin mál að sameina heilbrigðisstofnanir. Reksturinn þarf jafn mikla peninga þótt eitt nafn verði á mörgum stofnunum. Fyrir mörgum árum voru allar heilbrigðisstofnanir á Austurlandi sameinaðar undir nafni Heilbrigðisstofnunar Austurlands. Þrátt fyrir það hefur verið tuga milljóna taprekstur á því batteríi og sér ekki fyrir endann á því. Guðlaugur Þór getur ekki klórað yfir eigin skít  með þessu. Það þarf að tryggja heilbrigðiskerfinu peninga af almennu skattfé en ekki með því að rukka þá sem þurfa að leggjast inn á sjúkrahús. Til dæmis mætti setja á hátekjuskatt sem rynni beint í heilbrigðiskerfið. Það væri táknrænt.

Heilbrigðisstofnanir sameinast