Hjartalaga rauð ljós líka

Þetta hlýtur að vera frétt ársins. Hraðahindranir í Grímsey!! Kannski er það vissara svo þessir glannar keyri ekki út af eyjunni. Án efa verða svo komin umferðarljós þar og í Hrísey fljótlega og það með hjartalagi rauðu ljósi eins og í öðrum hverfum Akureyrarbæjar.

Hraðahindranir í Grímsey

Ungir framsóknarmenn

Satt að segja hélt ég að ungir bændur hefðu meiri metnað en þetta. Jón Bjarnason lendir í sömu vandræðunum með kvótakerfi í landbúnaði og sjávarútvegi. Munurinn er bara sá að hann vill halda því í landbúnaði en ekki í sjávarútvegi. Þessi framsóknarmennska hans háir honum núna. Burt með hverskonar kvótakerfi. Auðlindir í eigu þjóðarinnar og svo geta þeir sem eigu framleiðslutækin framleitt eins og þeir vilja. Hvort sem menn eiga skip eða kýr.

Framsóknarmennskan er liðin tíð. Hún át börnin sín, kaupfélögin, bændur, sjómenn og gamla sambandið. Það gerðist líka í Sovét sáluga.

Ungir bændur fagna frumvarpi

Auðvitað tökum við þetta stríð

Auðvitað tökum við bara þetta makrílstríð því allur réttur til veiða úr þessum fiskistofni er okkar. Makríllinn er vaðandi um allan sjó eins og sést hér. http://skessuhorn.is/default.asp?Sid_Id=24845&tid=99&fre_Id=105681&meira=1&Tre_Rod=001|002|

Spáir „makrílstríði" við ESB

Fjölga hraðamyndavélum

Það er hið besta mál að setja eigi upp hraðamyndavélar í tvennum jarðgöngum til viðbótar (ekki tveimur eins og segir í fréttinni). Hraðamyndavélarnar virka á ökumenn. Það sýnir sig best í Hvalfjarðargöngum og líka á þeim stöðum sem þær eru á þjóðvegunum. Svona myndavélar mætti setja upp mun víðar og sérstaklega þar sem umferðarslys, sem rekja má til hraðaksturs, hafa orðið.

Kaupa hraðamyndavélar í jarðgöng

Hvað er svona hættulegt við það?

Hvers vegna þetta stress núna þótt einhverjir útlendingar eigi stóran hlut í sjávarútvegsfyrirtæki? Það hefur tíðkast alla tíð. Ég man t.d. ekki betur en að olíufélög hafi verið stórir eigendur sjávarútvegsfyrirtækja á níunda áratugnum. Þessi sömu olíufélög voru þá að stórum hluta í eigu útlendinga. Þannig átti BP stóran hlut í Olís sem aftur átti stóran hlut í Síldavinnslunni svo dæmi séu tekin. Stóriðjufyrirtækin hér á landi eru að nýta aðra auðlind sem er orkan og þau eru í eigu útlendinga. Því er ekkert hættulegra að útlendingar eigi sjávarútvegsfyrirtæki.

Það sem þarf að tryggja er að þjóðin hafi vald yfir auðlindinni sjálfri og leigi síðan sjávarútvegsfyrirtækjunum kvótann. Kerfið eins og það er núna gerir það ekki og því fá útlendingar ókeypis aðgang að auðlindinni í hafinu.  

Vill vita hver eigi Storm Seafood

Jón bóndi tekur á málum

Jón bóndi er greinilega að taka á þessum málum og gefur ESB og Norðmönnum langt nef. Makríllinn er hreinlega um allan sjó við landið, jafnt upp í fjörum sem á hafi úti. Það á því ekkert að gefa eftir í þessum málum og veiða sem mest. Enn hefur ekkert heyrst frá Hafró um áhrif þessa fisks á lífríkið við strendur landsins frekar en áhrif skötuselsins, sem líka hefur flætt um allt.

Skylt að starfa saman við að vernda makrílstofninn

Sammála LÍÚ

Ýmislegt getur gerst og meira að segja það að maður verði sammála LÍÚ. Þetta er allt hárrétt sem segir í yfirlýsingunni og auðvitað ætti utanríkisráðherra að árétta þetta líka við Norðmenn og ESB.

Sendu yfirlýsingu til erlendra miðla

Heil króna. Til hamingju!

N 1 lækkaði um heila krónu. Þetta er rausnarlegt boð. Takk fyrir og til hamingju enn einn enn einu sinni. Ef maður fyllir venjulegan fjölskyldubíl sem var með tóman tank sparast um 40 krónur. Það munar um það í kreppunni.

Skeljungur hækkaði - N1 lækkaði

Formaður LÍÚ að átta sig

Mér sýnist Addi einfaldlega vera að átta sig á því að það þarf að ræða málin til að vita hvort ESB aðild er fýsilegur kostur eða ekki. Síðan verða spilin auðvitað lögð á borðið fyrir þjóðina og hún ákveður framhaldið.

Útgerðarmenn hafa barist fyrir því að komast að samningaborði við ESB og Norðmenn vegna makrílveiða og áður vegna síldveiða. Þrákelkni Norðmanna og ESB í þeim málum er óskiljanleg, en er þetta svolítið keimlíkt því sem andstæðingar aðildaviðræðna við ESB boða? Það má ekki ræða málin.

Svo eru nú íslenskar útgerðir með starfsemi í öðrum löndum. T.d. er Samherji með stóran hluta starfsemi sinnar og útgerð annarsstaðar í Evrópu og íslenskar útgerðir gera upp ársreikninga í Evrum. Tvískinnungur LÍÚ hefur því verið algjör í þessum málum, sem og svo mörgum öðrum eins og með frelsið til að veiða útshafsrækjuna og úthlutunina á skötuselskvótanum.

Það er ekki bæði sleppt og haldið Addi!

„Verðum að reyna að ná góðum samningi“

Afturkalla strax veiðiheimildir Norðmanna

Er ekki, í ljósi þess sem Norðmenn gera núna, eðlilegt að afturkalla loðnuveiðiheimildir þeirra í íslenskri lögsögu og það strax?

ESB og Norðmenn hafa ekki viljað semja við Íslendinga um makrílinn á þeirri forsendu að sá fiskur gangi ekki inn í íslenska lögsögu. Hvaða fisk eru þjóðirnar þá að tala um?

Þetta er nákvæmlega sama staða og uppi var um vorgotssíldina fyrir nokkrum árum. Norðmenn hafa alltaf verið Íslendingum verstir í samningamálum.

Ekkert nýtt við hótanir Norðmanna og ESB