Allt sem leysir Ice-Save er gagnlegt

" Gagnlegur fundur." Allt sem getur leyst Ice-Save er gagnlegt. Á því virðist framtíðin byggjast.

Steingrímur J.: Gagnlegur fundur

Breyta þarf kvótaúthlutun í takt við breyttar göngur

Makríllinn er kominn til að vera í íslenskri lögsögu og nú þarf að leyfa smábátum að veiða þennan úrvals matfisk líka. Ekki einangra kvótann við bræðsluaustur uppsjávarskipa í vor. Þetta er svipað og með skötuselinn. Nokkrar útgerðir á suður- og suðausturlandi ráða þar öllum kvóta í ljósi gamallra göngumynstra. Ef lögum verður ekki breytt kemur öll aukning í þeirra hlut og útgerðarmenn á Vesturlandi þurfa áfram að leigja af þeim kvóta þótt skötuselurinn veiðist nú aðallega fyrir Vesturlandi. Norðmenn hafa staðið í vegi fyrir samningum um makrílinn eins og þeir hafa löngum gert um vorgotssíldina. Þeir halda því fram að þessir stofnar séu ekki í íslenskri lögsögu. Nú veiddist öll vorgotssíldin í íslenskri lögsögu og hvað segja Norðmenn þá? Eitt er ljóst að úthlutun aflaheimilda, sem byggir á gamalli reynslu, er óréttlát með breyttu göngumynstri fiskistofna við hlýnun sjávar. Þetta á jafnt við um íslenska fiskveiðiráðgjöf og norskan samningavilja.

Makríll gefur milljarða

Arðbærar samgöngubætur

Samgöngubætur eru það arðbærasta sem ríkið getur ráðist í núna í kreppunni. Þær spara peninga, auka atvinnu og eru til lengri tíma það arðsamasta sem hægt er að gera. Vegurinn um Arnkötludal hefur verið opnaður og væntanlega verður það til þess að vetrarumferð til og frá Vestfjörðum og Ströndum verður öruggari en ella. Í upptalningu frá Vegagerðinni kemur fram að fyrir austan eru tveir fjallvegir lokaðir strax þótt október sé rétt að byrja. Þetta eru Hellisheiði eystri og Öxi.  Líklega verður ekkert gert til að opna þessa vegi í vetur í öllum sparnaðinum Báðir þessir vegir stytta vegalengdir verulega og því er spurningin hvort er hagkvæmara þjóðhaglega séð að hafa þessa vegi lokaða allan veturinn og auka þar með kostnað allra sem þurfa að nota vegina eða halda þeim opnum og spara þar með mikla peninga í tíma og eldsneyti.

Færð á vegum - opið um Arnkötludal

Hvað? hvers vegna? hvernig?

Við lestur þessarar fréttar vakna margar spurningar. Hvernig er hægt að lækka fargjöldin svona mikið þegar allur rekstrarkostnaður rútufyrirtækja hefur stórhækkað? - Voru fargjöldin alltof há fyrir? - Hvers vegna var Möllerinn þarna, kemur ríkið að þessu með einhverjar niðurgreiðslur? - Ætlar kannski rútufyrirtækið að ná þessu upp með tvöföldun farþegafjölda?

Annars er þetta hið besta mál fyrir þá sem nota þurfa þessa þjónustu. Borgnesingar, sem nýlega misstu sinn strætó, verða án efa ánægðir með þetta.

50% lækkun á fargjöldum

Ekki orsök þenslunnar

Hvað sem segja má um Kárahnjúkavirkjun þá er hún ótrúlegt mannvirki og í raun frábært afrek. Sjálfur hef ég aldrei getað sannfærst um nauðsyn þessa mikla mannvirkis hefði frekar kosið minni virkjun þar eystra. Virkjunin sjálf stendur framar vonum. Hún framleiðir 7% meiri orku en áætlað var í upphafi og leki úr Hálslóni er mun minni en gert var ráð fyrir, þannig að hún stendur undir væntingum og vel það. Ég átti þess kost að vinna þarna eitt sumar, að vísu við Hraunaveitu, sem er nokkurs konar hliðarvirkjun en það veitti mér betri innsýn en áður í þetta risaverkefni. Þrátt fyrir allt get ég ekki séð að Kárahnjúkavirkjun ein og sér sé ástæða þenslunnar í landinu á byggingarárum hennar. Þenslan var mest á höfuðborgarsvæðinu eins og kemur berlega í ljós núna í hruninu. Þar áttu bankarnir stærstan hlut og eftirlitsleysið með starfsemi þeirra.

            

Framkvæmdum við Kárahnjúkavirkjun lokið

Samskip - Samskipti

Þrisvar í þessari frétt er fjallað um fyrirtæki sem virðist heita Samskipti en annars um Samskip. Hvort nafnið er rétt mbl.is?

Tvö tilboð bárust, annað frá Vinnslustöðinni hf. og Vestmannaeyjabæ sameigin­lega og hitt frá Samskiptum. Við opnun tilboða í apríl á síðasta ári var talið að tilboð Samskipta uppfyllti ekki lágmarkskröfur útboðsgagna og var það því talið ógilt og ekki skoðað frekar. Vegna þessa var Samskiptum ekki greidd þóknun fyrir tilboðsgerð en í útboðsskilmálum kom fram að verkkaupi greiddi 2 milljónir króna fyrir gerð tilboðs sem teldist fullnægjandi.

Samskip fá ekki bætur fyrir tilboðsgerð

Gjöld innheimt á fölskum forsendum

Það var ekki að ástæðulausu að forsvarsmenn RÚV voru alltaf mótfallnir því að taka upp nefskatt og vildu halda í afnotagjöldin. Þeir höfðu fyrir augunum dæmi um vegagjald og fleiri gjöld sem ekki skiluðu sér í þau verkefni sem þau áttu að fara. Nú er sama að gerast með útvarpsgjaldið, hluti þess á að fara beint í ríkissjóð en ekki til RÚV. Skömm er, ef rétt er. Þetta er að innheimta gjöld á fölskum forsendum.

Hvernig var annars með jeppann sem  Palli Magg. var með? Er búið að selja hann? Palli getur séð um að koma sér í vinnuna sjálfur eins og aðrir starfsmenn RÚV. Þar gæti RÚV sparað nokkrar krónur.

Segir tekjur Rúv lækka - ekki hækka

Héðinsfjarðargöng

Er þetta ekki bara eðlileg þróun með komu Héðinsfjarðarganga?

Siglfirðingar slegnir

Svona ætti að vera í öllum lífeyrissjóðum

Svona lagað þarf að komast á hjá almennu lífeyrissjóðunum líka. Auðvitað eiga eigendur að kjósa stjórnina. Atvinnurekendur eiga ekkert í lífeyrissjóðunum og eiga því ekki að vera í stjórn þeirra. Það sem fer í þá er einfaldlega hluti af launum fólksins sem greiðir í sjóðina. Það eru bara atvinnurekendur sem sjá um að standa skil á þessu rétt eins og sköttunum.

Meirihluti stjórnar kosinn beint af sjóðfélögum

Ekki að undra

Þarf einhvern að undra að ráðning Davíðs vekji athygli ytra? Það að ráða einn af höfundum módelsins fyrir efnhagshrunið sem ritstjóra stærsta blaðsins. Blaðs sem á sama tíma þykist vera að fjalla um ástæður hrunsins, gæti hvergi í heiminum gerst nema á Íslandi.

Ráðning Davíðs vekur athygli ytra