Stóð Kaupþing tæpt?

Var SPRON sett á hausinn til að styrkja Kaupþing? Í ljósi þessarar fréttar hlýtur maður að velta því fyrir sér. Ef Kaupþing lendir í vandræðum út af því að viðskiptavinir SPRON hverfi þaðan aftur þá hefur Kaupþing staðið tæpt fyrir.

Hitt er svo annað mál hvort þessir fyrrum SPRON viðskiptavinir hlaupi upp til handa og fóta og færi sig yfir til einkabanka. Slíkt verður að teljast hæpið. Fólk er komið með nóg af einkabönkum að sinni. Líklega hefur skilanefnd SPRON ekki verið í takti við stjórnvöld þegar hún ákvað að selja Margeiri Péturssyni útibúanetið og Netbankann. Nú er verið að kippa í spotta, enda ekki kominn tími til að einkavæða bankakerfið aftur, ef það þá verður gert einhverntímann. Ríkið þarf að eiga afgerandi hlut í bankakerfinu. Reynslan hefur kennt okkur það.

Óttast áhlaup á Kaupþing

Óafsakanleg mótmæli á röngum stað

Það er góðra gjalda vert að mótmæla í lýðræðisríki og vel má vera að mótmælendur hafi nokkuð til síns máls. Í það minnsta hefur manni oft fundist að farin væri einfaldasta leiðin hér á landi til að losna við hælisleitendur úr landinu aftur.

Þegar mótmælin beinast að heimilum embættismanna er of langt gengið. Embættismenn eru yfirleitt að framkvæma stefnu stjórnvalda og eru því bara að vinna vinnuna sína. Látið heimili fólks í friði og notið annan vettvang til mótmæla. Þetta eru ruddaleg og óafsakanleg mótmæli á röngum stað.

Mótmælendur enn í haldi

Hið besta mál

Það hlýtur að vera hið besta mál að þessum krimmum tókst að plata eitt öflugasta lögreglulið veraldar. Vonandi verður þetta til þess að Scotland Yard rannsakar feril fjársvikaranna og kemur þeim þangað, sem þeir eiga skilið að vera.

Scotland Yard tapaði á falli Landsbankans

Farið hefur fé betra

Þótt fyrr hefði verið er óhætt að segja. Þáttur Valgerðar í hruni þjóðarbúsins er mikill. Hún ákvað að einkavinavæða bankana og var bankamálaráðherra þegar Finnur Ingólfsson og Ólafur Ólafsson vinir hennar og flokksbræður fengu Búnaðarbankann á silfurfati og Björgólfarnir fengu íhaldshlutinn í bankakerfinu. Hún var líka ásamt Finni í þeirri stjórn sem fór með fjármuni Samvinnutrygginga og þetta lið stal öllum þeim peningum. - Ekki er minnst á í fréttum að hún hafi beðið þjóðina afsökunar á öllu þessu klúðri. Farið hefur fé betra. 

Valgerður kvaddi

Bjóðum hann velkominn strax

Bjóðum þennan snilling velkominn til landsins og það sem allra fyrst. Bandaríkjamenn hafa ekki oft verið skynsamir við forsetakosningar en núna kusu þeir sannarlega skynsaman mann til valda. Obama beitir sér nú fyrir því að nýta umhverfisvæna orku, sem gnægð er til af óbeyslaðri í Bandaríkjunum. Forveri hans neitaði að skrifa undir Kyoto bókunina og fór auk þess með stríðshanska og morðtól um heiminn. Obama vill nýta sér þekkingu okkar og reynslu við beislun vatnsfalla og jarðhita. Tökum hann á orðinu og kynnum honum allt sem við getum í þessum efnum.

Obama vill til Íslands

Sögu- og söngstundir Sjálfstæðismanna

Já þetta er hárrétt hjá Lúlla. Það var til dæmis kostulegt að heyra í Öbbu, þingflokksformanni Sjálfstæðisflokks í fyrrakvöld þegar hún vældi yfir því í ræðustóli að þingmenn kæmust ekki heim til sín á miðnætti; til barna sinna og fjölskyldna. Á sama tíma voru nær eingöngu sjálfstæðismenn á mælendaskrá. Ekki var það forseta alþingis að kenna.

Hér fyrir neðan er færsla sem ég setti inn kl 8:17 í morgun og tengdi við frétt sem sagði frá því að allir 26 þingmenn Sjálfstæðisflokks væru á mælendaskrá. Stuttu síðar var þeirri frétt kippt út af mbl.is. Ekki veit ég ástæðuna en það hvarflaði að mér að einhver hefði kippt í spotta. Að þetta væri ekki nógu hagstæður fréttaflutningur fyrir Sjálfstæðismenn. Hef grun um að almennir flokksmenn séu farnir að skammast sín fyrir framkomu þingmanna. Í það minnsta bloggar Stebbi Fr. nú um bruna í Vestmannaeyjum en ekki pólitík.

Færslan við fréttina sem hvarf:

Allir 26 þingmenn Sjálfstæðisflokksins á mælendaskrá í dag. Já mikið liggur nú við hjá þeim að tefja störf Alþingis. Hvað ætli Árni Johnsen syngi úr ræðustóli. Líklega les Björn dáti eitthvað upp úr greinum í Mogganum líka.

Þessar sögu- og söngstundir Sjálfstæðisflokksins eru orðnar dýrar fyrir þjóðfélagið. Það yrði eitthvað sagt á öðrum vinnustöðum ef minnihluti starfsmanna tæki sig til og tefði framleiðslu í fyrirtæki. Þar yrði bara eitt gert: Viðkomandi yrðu reknir. Það er nákvæmlega það sem þjóðin þarf að gera í kosningunum 25. apríl. Það þarf að reka þessa kóna sem nú eru að vinna skemmdarverk á Alþingi þjóðinni til skaða. Svona framkoma á ekkert skilt við lýðræði.

 

Yfirgjammari þingsins

Enn og aftur Bónus

Var að renna yfir þessa verðkönnun í Mogganum. Enn og aftur er Bónus með lægsta verðið í langflestum tilfellum. Krónan er með svipað í nokkrum vörutegundum en ótrúlega miklu munar á öðrum. Niðurstaðan er sú að halda áfram að versla í Bónus.

Verðkönnun ASÍ: 102% verðmunur á lambalæri

Sögu- og söngstundir Sjálfstæðisflokksins

Allir 26 þingmenn Sjálfstæðisflokksins á mælendaskrá í dag. Já mikið liggur nú við hjá þeim að tefja störf Alþingis. Hvað ætli Árni Johnsen syngi úr ræðustóli. Líklega les Björn dáti eitthvað upp úr greinum í Mogganum líka.

Þessar sögu- og söngstundir Sjálfstæðisflokksins eru orðnar dýrar fyrir þjóðfélagið. Það yrði eitthvað sagt á öðrum vinnustöðum ef minnihluti starfsmanna tæki sig til og tefði framleiðslu í fyrirtæki. Þar yrði bara eitt gert: Viðkomandi yrðu reknir. Það er nákvæmlega það sem þjóðin þarf að gera í kosningunum 25. apríl. Það þarf að reka þessa kóna sem nú eru að vinna skemmdarverk á Alþingi þjóðinni til skaða. Svona framkoma á ekkert skilt við lýðræði.

Viðbót: Fréttinni, sem ég tengdi þessa færslu við, var hent út stuttu eftir að ég skrifaði færsluna í morgun. Þar kom fram að allir þingmenn Sjálfstæðisflokksins væru á mælendaskrá þegar þingfundur hæfist í dag. Kannski hefur verið einhver vitleysa í fréttinni. Ég ætla að vona að svo hafi verið. Ekki trúi ég að einhverjir hafi kippt í spotta og þótt þetta óheppilegur fréttaflutningur.

Óperuhús líka????

Augnablik! - Stóð til að reisa óperuhús líka? - Ég hélt satt að segja að þetta risabákn, sem tónlistarhúsið er, væri yfirdrifið nóg fyrir óperu líka. Ég vona að rokkarar fái að nýta þessa höll líka. Að ekki sé verið að hlaða undir einhverja örfáa með þessu mikla og rándýra bákni, sem tónlistarhúsið er.

Í athugun að óperan nýti tónlistarhúsið meira

Þjóðin er að refsa tvíeykinu Bjarni

Þannig fór um sjóferð þá. Bjarni og félagar komust aldrei á flott. Afsakanir Bjarna eru athyglisverðar. Hann vill meina að Samfylking og VG séu að breyta um kúrs í Evrópumálum. Það verður nú ekki séð af samþykktum landsfunda flokkanna. Bjarna er tíðrætt um fjórflokkanna í þessari frétt og segir athyglisvert að fólk vilji treysta á þá sem öllu klúðruðu. Honum væri nær að tala í þessu samhengi um Sjálfstæðisflokkinn og Farmsóknarflokkinn. Það voru þeir flokkar sem á síðustu áratugum bjuggu til leikreglurnar, færðu einkavinum bankana á silfurfati og klúðruðu þannig öllu sem hægt var að klúðra. Eftir situr þjóð á hausnum og ekki verður betur séð af niðurstöðum skoðanakannana en þjóðin sé að refsa þessu tvíeyki. Fylgi Sjálfstæðisflokks er í sögulegu lágmarki og Framsóknarflokkurinn er á hraðri niðurleið í núllið.

Hættir við þingframboð