Vilja pukrast með samfélagsgjöldin

Það er merkilegt með þessa Sjálfstæðismenn. Þeir vilja hafa allt í leynum. Auðvitað er það sjálfsagt að almenningur fái að vita hvað hver og einn borgar til samfélagsins.

Það, hvað hver og einn borgar til samfélagsins, þarf ekki endilega að segja til um hverjir einkahagir hvers og eins eru. Því miður eru leiðirnar til undanskots margar og þær jafnvel löglegar. Dæmið um einkahlutafélögin er það gleggsta á síðustu árum en eigendur þeirra geta komist upp með að borga sér lúsarlaun en hirða þeim mun meiri arð út, sem aðeins er borgaður 10% skattur af og ekkert til sveitarfélagsins. Þetta vita auðvitað Sjálfstæðismenn. Þess vegna vilja þeir að gjöld til samfélagsins sjáist hvergi því þrátt fyrir allt skammast þeir sín fyrir þetta. Þeir vilja geta pukrast með þetta.

Skattstjóri sýknaður

Er nóg pláss í skýlinu?

Ætli það sé nóg pláss í flugskýlinu fyrir langtímageymslu þessara nýju og fullkomnu flugvélar? Miðað við fjársvelti Landhelgisgæslunnar þarf ekki að búast við að hægt verði að kaupa steinolíu á þessa vél frekar en hráolíu á varðskipin. Hvað verður svo um safngripinn, nær hálfrar aldar gamla Fokker F-27?

Ný flugvél Gæslunnar kemur í júlí

Öflugir öldungar

Það er bara kraftur í gamla rafveitustjóranum, Erling Garðari og greinilegt að hann er ekki sestur í helgan stein þótt hættur sé hjá RARIK vegna aldurs. Þetta er hið besta mál og munar heldur betur um þau ríflega hundrað störf sem þessi bygging þarfnast. Vona sannarlega að eldra fólk geti losnað við eignir sínar til að kaupa þarna en samkvæmt fréttinni eru þetta ekki dýrar íbúðir, sem er öfugt við það sem hingað til hefur verið með íbúðir fyrir eldri borgara.

Sitja ekki og bíða með hendur í skauti

Hlustum ekki á þetta rugl

Framkvæmdastjórn ESB er þarna að taka undir ruglið í Norðmönnum, sem aldrei hafa sætt sig við neinar veiðar Íslendinga. Samningar við þá um síldveiðar hafa aldrei gengið neitt og nú eru þessir yfirgangsseggir með ESB í vasanum að leggjast gegn makrílveiðum. Það kostulega við þetta er að mjölið sem til varð úr makrílnum fer til að ala eldisfisk Norðmanna og þeir geta ekki án þess verið. Íslendingar hafa margoft óskað eftir að komast að samningaborði en Norðmenn hafa aldrei viðurkennt að makríll gangi inn í íslenska lögsögu. Þeir eins og margir fleiri gera sér ekki grein fyrir breytingum í hafinu sem hafa orðið til þess að ýmsir fiskistofnar leggja nú leið sína hingað og aðrir fjalægjast. Hlustum ekki á þetta rugl.

ESB gagnrýnir makrílveiðar Íslands

Hvernig geta blaðamenn brotið bankaleynd?

Hvernig geta blaðamenn brotið bankaleynd? Það geta þeir einfaldlega ekki nema að þeir starfi í banka líka. Bankaleynd snýr fyrst og fremst að bankastarfsmönnum. Þeir vita allt sem fram fer á þeirra sviði í viðkomandi banka og yfir þá ná lögin um bankaleynd. Voru ekki Agnes og Þorbjörn eingöngu að skýra frá staðreyndum? Ég gæti skilið fjármálaeftirlitið ef þau hefðu verið að fara með staðlausa stafi en þau voru að vitna í gögn frá Kaupþingi og Glitni.

Satt að segja hélt ég að Fjármálaeftirlitið hefði mörg þarfari verk að vinna heldur en að agnúast út í blaðamenn sem eingöngu voru að upplýsa almenning um staðreyndir. Staðreyndir sem þurfa að koma upp á borðið núna.

Brutu þau bankaleynd?

Minnisvarði um græðgi og svik

Það er alltaf að koma betur og betur í ljós að ríkidæmi þessara útrásarkólfa byggðist ekki á neinu. Ekkert var á bak við. Þeir veltu á milli sín ímynduðum peningum til að allt liti vel út á við. Hlutabréfin hækkuðu við það eitt að einn lánaði öðrum eitthvað sem ekki var til. Þeir höfðu allt í hendi sér á öllum sviðum í skjóli eignarhalds yfir þessu sem var í raun ekkert. Sveitasetrið í Borgarfirði, sem eignað hefur verið Sigurði Einarssyni en hann í raun á ekkert í, er einn gleggsti minnisvarðinn um þetta rugl. Legg til að það verði varðveitt á því byggingarstigi, sem það er nú, og notað til að vara komandi kynslóðir við græðgi og svikum.

200 milljóna veð í sveitasetri

Sjálfstæðismenn í tómu tjóni en stjórnarskrárbreytingar mega bíða

Sjálfstæðisflokkurinn gerir allt til þess að tefja mál og ströggla þessa dagana. Þrátt fyrir það þá átta ég mig ekki alveg á því hve mikla ofuráherslu ríkistjórnin leggur á stjórnarskrárbreytingar núna. Ég held þær hljóti að mega bíða. Það er af nægum verkefnum að taka og sem betur fer er ríkisstjórnin farin að taka til hendinni í ýmsum verkum. Sjálfstæðismenn eru auðvitað í tómu tjóni eftir klúðurslegan messíasarlandsfund og reyna nú að gera allt hvað þeir geta til að vekja á sér athygli. Þannig er það nú.

Bullandi ágreiningur

Leiguverð á kvóta nærri jafnhátt fiskverði.

Fiskverð lækkar stöðugt, bæði fast verð og á mörkuðum. Nú er svo komið að kvótalausir eru hættir að róa því leiguverð á kvóta virðist ekki fara niður. Hef heyrt að það sé um 180 krónur á kíló og 200 krónur fáist fyrir þorskkílóið á mörkuðum. Er ekki kominn tími til að taka á þessum kvótabraskmálum? Fullur sjór af fiski og ekki hægt að róa.

 Haraldur Helgason við löndun úr Hellnavík AK-59. Útgerð hans byggir á leigukvóta og varla er orðið gerlegt að róa núna.

Enn lækkar fiskverð til sjómanna

Hvalirnir við Höfðavíkina

Ég vaknaði yfir mig áðan, ef svo má segja, við símhringingu vegna hvala sem sést höfðu inn við Höfðavík hér norðan til á Skaganum. Rauk af stað með myndavélina og var að koma heim aftur. Ég er ekki alveg viss um hvalategundina, þykist þó viss um að þetta eru ekki háhyrningar. Ég hallast helst að því að þetta sé lítil grindhvalavaða. Hvalirnir voru áðan rétt utan við Höfðavíkina og best var að sjá þá ofan af Elínarhöfðanum. Það hefur verið mikið fuglager hér norður af Skaganum að undanförnu og því liklega mikið æti, kannski að síld hafi gengið þarna inn. Læt fylgja með tvær myndir og gott væri að einhver gæti greint hvalategundina.

 Þessir komu næst landi

 Þessir fylgdu megin vöðunni utar

 

Er vegið of nærri bröskurum?

Sjálfstæðismenn sátu hjá. Það var þeim líkt. Þeir þykjast svo vera að taka ábyrgt á málum og byggja upp nýtt þjóðfélag. Þvílík hræsni. Sjálfstæðismenn geta ekki einu sinni tekið þátt í því að stuðla að gjaldeyrisstreymi inn í landið. Það er greinilega vegið of nærri bröskurum með þessum nýju lögum að þeirra mati.

Gjaldeyrisfrumvarp að lögum