Þarna á lúpínan heima

Þarna er einmitt rétt að sá lúpínu. Það er við aðstæður eins og á Landeyjarsandi sem mest gagn er af lúpínunni og hún á fullan rétt á sér. Því miður hefur verið farið offari við sáningu lúpínu hérlendis síðustu áratugi og henni oftar en ekki sáð þar sem engin þörf er fyrir hana. Glögg dæmi um þetta má sjá austur á Héraði, til dæmis meðfram veginum í Hallormstaðarskógi. Nú er svo komið að víða er farið að berjast gegn henni eins og hverju öðru illgresi með öllum tiltækum ráðum. Það er til dæmis verið að gera í Stykkishólmi þar sem hún þykir til óþurftar.

Lúpína í Landeyjasand

Er nema von?

Er nema von að blankheit herji á kirkjuna? Einhverjir tugir milljóna fara til Gunnars fyrir káfið og kjassið á Selfossi og svo einhverjar milljónir í skaðabætur til prestsins sem fékk ekki djobbið í Lundúnum enda í samkeppni við fjölskyldu æðsta prestsins. Er ekki kominn tími til að ríkið hætti afskiptum af þessu batteríi og þeir sem nota þessa þjónustu kosti og fjármagni hana sjálfir. Í dag er það þannig að almenningur greiðir í þetta batterí alla ævi en síðan þarf að punga út fullt af peningum þegar fólk er jarðsett. Í það minnsta þarf að taka rækilega til þarna bæði siðferðilega og peningalega.

Þjóðkirkjan þarf að skera niður um 161 milljón króna

Enn er mbl að forða slysum

"Þar voru beltin talin hafa forðað frekari slysum." - Nær daglega eru þeir sem skrifa fréttir á mbl.is að forða slysum eða tjóni. Hvorki slysi né tjóni verður forðað eitt eða neitt. Það er svo annað mál að oft er hægt að forðast slys eða tjón. - Annars er gott að þeir sem í þessum hremmingum lentu sluppu að mestu án meiðsla. 

Jeppi valt á Möðrudalsöræfum

Yfirbyggður húsbíll!

Gott að fólkið slapp vel úr þessum hremmingum. Blaðamennskan á mbl.is er söm við sig í vitleysunni:  "...þegar eldur kom upp í yfirbyggðum húsbíl...." - Hvernig er óyfirbyggður húsbíll?

Sluppu naumlega úr bruna

Er ekki Árni í Kúagerðisgöngu?

Í sjálfu sér er það besta mál að koma um gagnaverum hér á landi sem nota orku og mannskap en menga ekki. En hvaða orku ætlar Árni að nota í þetta? Er hann ekki einmitt núna í Kúagerðisgöngunni frá Vogum til Kúagerðis til að krefjast þess að fá frjálsar hendur með línulagnir yfir annarra lönd án afskipta nokkurs til að mata álver í Helguvík? - Kannski er hann að braska með sömu orkuna tvisvar. Þá er hún sko verulega endurnýjanleg.

180.000 fm fyrir gagnaver

Þá fjölgar ríkisjörðum

Alls konar lið sem kallað var auðmenn en voru í raun bara pappírstígrisdýr hefur á undanförnu árum eignast fullt af góðum jörðum á Íslandi, bæði góðum bújörðum og ekki síst jörðum sem hafa yfir náttúruauðlindum að ráða, eins og laxveiðihlunnindum. Bændur á þessum jörðum hafa svo oft á tíðum verið leiguliðar á jörðunum. Þessi pappírstígrisdýr eru nú með skottið á milli lappana og því líklegt að ríkisbankarnir eignist mikið af þessum jörðum. Ríkisjörðum fer því fjölgandi á ný en þeim hefur markvisst verið fækkað á liðnum áratugum með því að selja ábúendum þær. Að vísu eru nokkur dæmi um að ríkið hafi keypt jarðir. Það gerðist til að mynda á tímum framsóknarmanna í landbúnaðarráðuneyti og þá til þess að bjarga flokksgæðingum úr fjárhagsbasli.

Skulda milljarð út á jarðakaup

Rýrt en betra en ekkert

Rýrt var það en þó betra en ekkert. Hundrað þúsund tonn hefðu verið nær lagi því brýnt hlýtur að vera að grisja þessa gnótt síldar sem er inn á Breiðafirði til að minnka hættuna á að allur stofninn smitist og minnka mengunina sem verður af dauðri síld á sjávarbotni þar og á fjörum. Þetta er þó 40 þúsund tonnum meira en nokkur hafði ímyndað sér að Hafró myndi leggja til. Greinilega verið kippt í spotta miðað við fyrstu yfirlýsingar frá stofnuninni.

40.000 tonna síldarkvóti

Geðþóttaákvarðanir

Svo virðist sem starfsmenn ríkisbankanna vinni ekki eftir neinum ákveðnum reglum. Nú er erfitt fyrir almenning að leggja dóm á einstök mál en miðað við fréttaflutning að undanförnu þá virðast geðþóttaákvarðanir einstakra bankamanna ráða því hvaða fyritæki fá að lifa og hvaða eigendur fyrirtækja fá áfram að koma nálægt stjórn þeirra.

Segja bankann keyra lífvænlegt fyrirtæki í þrot

Noregsferðir kosta sitt

Það kostar nú sitt að ferðast. Einhversstaðar verður karlgreyið að ná í peninga fyrir Noregsferðunum og ekki situr hann fundi meðan hann er Noregi.

Mæting Sigmundar Davíðs gagnrýnd

....og hvað með það?

..og hvað með það? Get ekki séð meiri hættu frá Rússum en öðrum þjóðum. Blessaðar vinaþjóðirnar hafa nú ekki verið par góðar við okkur upp á síðkastið. Kannski við biðjum Breta og Hollendinga að verja okkur gegn "vondu" Rússunum. Mogginn hefur verið að hoppa aftur í tímann í fréttaflutningi af pólitík að undanförnu og nú er hann kominn alla leið í kalda stríðið.

Rjúfi Rússar lofthelgi er engin viðbragðsáætlun