sexþúsundfjögurhundruðsjöutíuogtveir

........var það ekki annars atkvæðafjöldinn á bak við Ólaf?

Fylgi D-lista aldrei minna

Er ekki Sjómannadagurinn á morgun?

Er það ekki rétt munað hjá mér að á morgun sé Sjómannadagurinn. Hann hefur alla tíð frá því ég man eftir mér verið fyrsta sunnudag í júní, nema þegar hvítasunnudag ber upp á þann dag þá færist hann aftur um viku. Nú kallar fólk helgina "Hátíð hafsins,", held það hafi verið byrjað á þessu fyrir nokkrum árum í Reykjavík, eflaust vegna þess að hitt var ekki nógu fínt.

Sjómannadagurinn er stór hátíð fyrir austan og t.d. á Norðfirði hafa hátíðarhöld staðið yfir í þrjá til fjóra daga hvert ár og brottfluttir hópast heim. Þar er t.d. núna sjóstangaveiðimót en það hefur verið haldið á þessum tíma í rúm 20 ár. Svona rétt til að minna á þá hefur oft verið hálka og snjór í Oddsskarði þegar sjóstangaveiðimenn hafa mætt á staðinn.

Hátíð hafsins á Austurlandi

Skjálfti í liðinu

Úbbss!!!......greinilega einhver skjálfti í mönnum þarna. - Kannski opnuðu þeir ríkið of fljótt????

Ólæti á Selfossi

Takk Moggi!!

Það verður að segjast eins og er að þessi vefur mbl.is er verulega góður. Oft hef ég gagnrýnt málfarið á fréttunum en það fer líka batnandi. - Takk Moggi fyrir að færa okkur þessa viðbót í tjáninguna.

Gífurleg aðsókn að mbl.is

Geir og Solla í góðum málum

Miðað við þessa frétt eru Geir og Solla að standa sig vel. Vonandi að þetta sem sagt var gangi eftir. Það er alveg ljóst að fólk hefur orðið fyrir gífurlegu tjóni á Suðurlandi og alls ekki víst að allir fái bætur frá sínum tryggingum. Þá hefst baráttan við kerfið og hún getur orðið snúin, allskonar flækjur þar.

Samstiga í að veita aðstoð

Djö..... munur...

...menn þurfa þá ekki að þynnast upp þarna án átaka.....ætli það sé til Skjálfti????

Vínbúðirnar á Selfossi og í Hveragerði opnaðar á morgun

Hvalavinur með derring

Hún er óforbetranleg þessi hrísgrjónakerling. Ekki nóg með að nægar upplýsingar séu um pyntingar í þessum fangabúðum heldur hafa Kanar engan rétt til að halda föngnu fólki sem engar sönnur eru um að eigi aðild að einu eða neinu ólöglegu. Þetta eru ekki Bandaríkjamenn, heldur fólk víða að. Sem betur fer er valdatíma hennar og Bússa að ljúka westra en auðvitað á Ingibjörg Sólrún að hunsa svona fólk.

Hvernig var annars með hvalina? Ætli Solla hafi spurt hana út í mótmæli Kana við hrefnuveiðunum?

Rice tók ásakanir um mannréttindabrot óstinnt upp

Björgunarsveitir eru lykilatriði, eru þær á litaðri olíu?

Þegar maður fylgist með fréttum af þessum hamförum á Suðurlandi þakkar maður fyrst og fremst fyrir hve gott fólk við eigum sem fórnar sér í sjálfboðavinnu endalaust. Það er ekki til sú þjóð í heiminum sem á eins frábært björgunasveitalið og við. Fólk sem fórnar sér og vinnur allt án endurgjalds, þetta eru fagmenn. - Vonandi að Vegaeftirlitsmenn séu ekki að stoppa þá núna og tékka á hvort þeir keyra á litaðri olíu eða ekki. - Mér fannst Björn Bjarnason koma vel fram áðan í viðtali í útvarpinu, jarðbundinn og vita sitt hlutverk. - Það er nefnilega þetta sem við eigum að leggja áherslu á; gott heilbrigðisstarfsfólk og björgunarsveitr, ekki her eða vopn. - Fjölmiðlar standa sig vel, að vísu er fréttastofa Sjónvarps svoldið á hælunum, kannski vegna þess að búið er að leggja niður tengslanet, það þarf að hafa nokkra klára í myndatöku á hverjum stað á landinu. - Fréttastofa útvarpins fer á kostum, Broddi kann sitt fag.

Stærðin á bilinu 6,1 til 6,2 stig

Sjónvarpið tók við sér

Sjónvarpið komið af stað með aukafréttatíma. Gott hjá þeim en svoldið seinir á ferðinni miðað við viðbragðsflýti Sjónvarpsins þegar hryðjuverkin voru framin í Bandaríkjunum...en Stöð 2 er ennþá með teiknimynd!!!

Flokkast sem Suðurlandsskjálfti

Hvar er sjónvarpið?

Kveikti á sjónvarpinu núna um það bil korteri eftir mikinn jarðskjálfta. Þar er verið senda út frá umræðum á Alþingi...........greinilega er enginn í tengslum hvorki á þingi né fréttastofu Sjónvarps....Stöð 2 með teiknimynd....... Fréttastofa útvarps stendur sig hinsvegar vel og flytur fréttir eins og mögulegt er....vonum bara að ekki hafi orðið slys á fólki

Afar öflugur jarðskjálfti