Þetta gengur ekki

Þetta er nú eitt það alversta sem upp gat komið í kreppunni; Prins Póló laust Ísland. Við sem ólumst upp við að það var eina súkkulaðið, sem flytja mátti inn, getum bara ekki verið án þess. Skora á Seðlabankann að setja Prins Póló á forgangslista gjaldeyris. Þetta gengur ekki.

Prins Polo á þrotum?

Athugasemdir

[Hólmdís Hjartardóttir, 27.10.2008 kl. 13:11]

OG TÓBAKIÐ MAÐUR MINN

[(IP-tala skráð) 27.10.2008 kl. 13:17]

Prins pólóið  er ekki ætt lengur, eða ekki síðan því var breytt hér um árið og  gert útþynnt og lélegt, elitessið er hins vegar líkara gamla Prins. Svo þetta gerir ekkert til.

[Sigrún Jónsdóttir, 27.10.2008 kl. 16:20]

Mér fannst nú Konga betra......og það er löngu hætt að selja það

[Haraldur Bjarnason, 27.10.2008 kl. 16:39]

Skítt með tóbakið Hólmdís. Það verður þá kannski til þess að maður hætti að reykja. Búddi, lítil kók í gleri er enn til og meira að segja er því tapað á hér á Akureyri. Þetta eru að vísu ekki svona hnausþykkar glerflöskur eins og voru heldur þunnar einnota. Sigrún, það var aldrei neitt varið í þetta Konga en Malta var heldur skárra. Það jafnast ekkert á við Prins Póló og Sigurlaug ég er ekki sammála þér, að vísu er það þynnra en bragðið er sama.