Af hverju landa þeir ekki á Akranesi?

Það er athyglisvert hjá HB-Granda að láta sigla með síldaraflann úr Breiðafirðinum til Vopnafjarðar þegar fyrirtækið á bæði frystihús og fiskimjölsverksmiðju á Akranesi, örstutt frá miðunum. Er kannski búið að henda út öllum búnaði til síldarverkunnar úr frystihúsinu á Akranesi? Satt best að segja hélt ég að HB-Grandi hafi verið að hugsa um nálægð við miðin þegar fjárfest var á Vopnafirði. Fyrir átti fyrirtækið frystihús og fiskimjölsverksmiðjur á Suð-Vesturlandi. Þannig á það að vera vel í sveit sett og geta sparað langar siglingar eins og í þessu tilfelli.

Frá Akranesi. Vitinn á Breiðinni og rauðmáluð hús HB-Granda

Ljónstygg síld á erfiðu veiðisvæði

Athugasemdir

[Jóhann Pétur Pétursson, 27.10.2008 kl. 18:30]

Nei veistu búnaðurinn er til staðar eins ótrúlega og það hljómar. En ég held hreinlega að fyrirtækið viti ekki hvernig eigi að snúa baki við ótrúlegum peningaaustri þarna á Vopnafyrði. Þarna er búið að byggja upp gríðarlega stóra vinnslu fyrir veiðar sem að eru mjög stopular. Þegar við erum að veiða Norsk-Íslensku síldina er hún yfirleitt ekki hæf til manneldis og þegar við veiðum Íslensku síldina þá er engin leið að segja til um hvar hún heldur sig. Undanfarin 2-3 ár hefur hún bara veiðst hér fyrir sunnan og þá helst í Grundarfyrði. En náttúrulega ætti HB-Grandi að vera með vinnsluskip. Það er með ólíkindum að jafn framsækið fyrirtæki og stórt skuli ekki vera með vinnsluskip.

[Hólmdís Hjartardóttir, 27.10.2008 kl. 18:40]

Er þetta ekki bara íslensk hagfræði?

[Haraldur Bjarnason, 27.10.2008 kl. 21:22]

Þetta er einaldlega rugl. Láta skipin sigla í sólarhring í stað 4-6 tíma með allri olíueyðslu og veiðitapi sem því fylgir. Svona fyrirtæki getur ekki verið sannfærandi.