Vonandi helst sjarminn

Staðarskáli hefur aldrei verið þessi dæmigerða ímynd vegasjoppu. Ég man eftir þegar maður stoppaði þarna fyrst, lítill skáli, Magnús nýkomin út úr flutningabílnum og farinn að afgreiða. Síðan þróaðist þessi skáli. Varð að veitingahúsi, þar sem hægt var að fá almennilegan mat í hádeginu og gott meðlæti með kaffinu þess á milli. Ég ætla rétt að vona að þessi sjarmi fari ekki af skálanum þótt hann færist aðeins. Vegabæturnar eru orðnar miklar, t.d. á Öxnadalsheiði, sem nánast er ekki heiði lengur og nú eru vegabætur í Hrútafirði en það er gott að stoppa einu sinni á leið milli Norðurlands og Suð- Vesturlands.

Gamli Staðarskálaandinn fylgir

Athugasemdir

[Gulli litli, 25.9.2008 kl. 22:21]

Þarna var ég í fædi í 12 ár...

[Haraldur Bjarnason, 25.9.2008 kl. 23:08]

..og nærðist þokkalega var það ekki, Gulli?

[Gulli litli, 25.9.2008 kl. 23:20]

Jú, hefdi vel getad lifad fleiri ár á Þessu fædi...

[Helga Guðrún Eiríksdóttir, 25.9.2008 kl. 23:20]

Ég minnist maltflösku og pylsu með bensínbragði með nostalgískri hlýju.

[Steingrímur Helgason, 25.9.2008 kl. 23:33]

Maggi heitinn & Bíbí frænka bjuggu til þennann sjarma sem þið minnist svo fallega & börnin þeirra tóku upp eftir þeim.  Ég á þrjúhundruð & eitthvað skemmtilegar minníngar þaðan frá minni bernzku & mun alltaf detta í einkvurn söknuð yfir ~skaðarstálanum~ mínum.

Í dag er nýji skálinn líklega bara n1tt dæmið um ekkert í ~zjarma~.

& hvað ég hágræt nú Brúarskálann minn, er ekkert fyndið ...

[Haraldur Bjarnason, 25.9.2008 kl. 23:42]

ÓttaZt þetta Zjarmaleyzi Zteini...bara N einn sjoppuskálinn.

[Sigrún Jónsdóttir, 25.9.2008 kl. 23:45]

Ég stoppaði nú oftar í Brúarskála og kem til með að sakna hans

[Jón Ingi Kr. (IP-tala skráð) 26.9.2008 kl. 10:16]

Nánast undantekningarlaust stoppaði ég í Staðarskála á leið norður eða til baka suður, fékk mér einhvern mat eða kaffi og með því og á góðum degi fór maður oft niður og út á pallinn sem er (var) þar og naut veðurs og hvíldar, mér er til efs að nýji N1 skálinn státi af þessari skjólgóðu aðstöðu, en ætla ekki að dæma fyrr en ég hef kannað aðstæður, líklega núna strax eftir næstu mánuðarmót, alltaf gaman að koma til Akureyrar

[AndriR (IP-tala skráð) 26.9.2008 kl. 12:29]

Ég held að flestir landsmenn eigi eftir að sakna staðarskála sárt, held ég hafi aldrei sleppt stoppi í staðarskála á leið minni þar framhjá.

[dvergur, 26.9.2008 kl. 18:24]

Það stefnir í fleiri nonstop ferðir hjá mér. Er ekkert sérstaklega hrifinn af N1 stöffinu, en það má svosem gefa þessu smá séns áður en maður dæmir.