Akureyringar taka vel á móti gestum

Auðvitað kunna andanefjurnar að meta gestrisni Akureyringa. Sú staðfasta trú hefur myndast meðal landans að Akureyringar séu seinteknir og erfiðir í viðkynningu. Það er einfaldlega rugl. Akureyringar eru gestrisnasta fólk og taka nýjum íbúum af kostgæfni. Það þekki ég af eigin reynslu. Ég er ekkert hissa á því að andanefjurnar skuli kunna vel við sig á Pollinum.

Gestalæti á Pollinum

Athugasemdir

[Jóhann Elíasson, 25.8.2008 kl. 22:19]

Ég hef ekki getað skilið þessa bábilju, ég var á Akureyri frá fimmtudegi til laugardags og fékk alveg stórkostlegar móttökur allstaðar sem ég kom og vil ég þakka öllum sem hlut áttu að þessari helgi mun ég seint gleyma.

[Steingrímur Helgason, 25.8.2008 kl. 22:30]

Ég bíð með 'zkutulinn' í hönd, eftir að þezzir ~geztir~ innferðiz leiðizt 'brynzuísþófið' & laumist út fjörðinn, enda fryztiskápurinn hálf tómur á að líta.

[Haraldur Bjarnason, 25.8.2008 kl. 22:39]

Zteingrímur heldurrrrrru að þessi kvikendi Zjeu æt?????

[Gísli Tryggvason, 25.8.2008 kl. 22:41]

Sama segi ég; ég bjó á Akureyri frá 3ja til 17 ára aldurs, og var ágætlega tekið en telst víst ekki Akureyringur þar sem maður þarf að vera fæddur þar í 3 ættliði í karl-legg til þess að bera nafn með rentu samkvæmt því sem mér var sagt.

[Hólmdís Hjartardóttir, 26.8.2008 kl. 02:22]

Ég fékk símhringingu í vetur. Kona kynnti sig og sagði svo : Þú ert Akureyringur.  "Nei" var mitt svar. Hún: Jú samkvæmt skilgreiningu ertu Akureyringur því þú ert fædd þar"

Hún var að selja Sögu Akureyrarþ

[corvus corax, 26.8.2008 kl. 14:31]

Já, það má nú segja að akureyringar taki vel á móti gestum, ég er sammála því, en verri umferðarómenningu og lélegri þjónustu í verslun hef ég ekki upplifað annars staðar og hef þó víða farið og margan manninn hitt. Á ferð minni um akureyri í sumar álpaðist ég inn í söluturn sem kallast Leirusjoppa eða Leirunesti til að kaupa kók og prins og Moggann. Þar inni biðu fjórir viðskiptavinir (eða viðskiptaþrælar) eftir afgreiðslu. Eftir nokkra stund kom afgreiðslustúlka með fýlusvip og rétti einum þeirra bakka með hamborgurum og gosi. Svo pantaði næsti hamborgara og samlokur og stúlkan með fýlusvipinn lagði af stað til að matreiða umbeðið góðgæti og spurði ég hana um leið hvort ekki væru fleiri að afgreiða. Nei, svo var ekki og kom í ljós að hún fór og matreiddi sjálf hverja pöntun fyrir sig eftir réttri röð að sjálfsögðu en ég spurði hina gestina hvort þeir ætluðu líka að panta mat. Jú, þeir játtu því og þá sá ég fram á að Mogginn yrði löngu úreltur þegar röðin kæmi að mér svo ég yfirgaf staðinn. Ég hef aldrei vitað lélegri þjónustu í sjoppu og ég ætla aldrei þarna inn aftur þótt ég eigi leið um akureyri í framtíðinni.

[Haraldur Bjarnason, 27.8.2008 kl. 02:54]

Corvus ég er sammála þér um þess sjoppu þarna inn á Leirunum. Líklega er þetta komið vegna þessarar fáránlegu lúgumenningar þeirra Akureyringa. Þeir sem nenna ekki út úr bílunum og láta þá ganga í hægagangi með tilheyrandi mengun hafa forgang þarna. Þetta er siðlaust og fáranlegt. Reykingabann var sett á veitingastaði til að vernda starfsfólk en hvernig ætli sé með starfsfólk í svona lúgusjoppum, það andar að sér ómældum koltvísýringi á hverjum degi. Þessi lúgumenning varð m.a. þess valdandi að Akureyringar báðu alltaf um "eina með öllu og allt undir" vegna þess að það hentaði illa að hafa sinnepið og tómasósuna yfir þegar rétt var út um lúguna. Andanefjurnar eru að dóla þarna rétt fyri utan Leirunesti og þær þurfa að hafa smá fyrir að ná í fæðið og kannski Moggann. - Út úr bílunum Akureyringar og drepið á vélinni meðan þið bíðið eftir pylsunni eða hammaranum og gestirnir Mogganum!