Sannleikanum verður hver sárreiðastur

Sannleikanum verður hver sárreiðastur. Þannig er það. Ályktun VG sýndi nokkuð glögga mynd af því sem verið hefur að gerast hjá RÚV. Hins vegar er alveg hægt að taka undir með stjórn RÚV hvað varðar niðurskurð á eyrnamerktum peningum til stofnunarinnar. Það er til skammar að byrja strax að krukka í útvarpsgjaldið til að nota í annað.

Ekki er hægt að sjá á ályktun þeirra vinstri grænna að verið sé að vega að starfsmönnum RÚV, þvert á móti. Svo er spurning hvort stjórn RÚV hefði ekki í þessari sömu ályktun átt að upplýsa hvað réði uppsögnum á starfsfólki núna og hvernig sé valið. Líka hvort ekkert eigi að hrófla við bitlingum æðsta prestsins á staðnum.

RÚV harmar ályktun VG

Útvarpsgjaldið notað í annað

Útvarpsgjaldið var fyrst og fremst sett á vegna óánægju fólks með afnotagjaldið því það borguðu einungis þeir sem skráðir voru fyrir sjónvarpstækjum. Forsvarsmenn RÚV höfðu hins vegar lengi vel viljað afnotagjaldið frekar en nefskatt að ótta við að nefskattur myndi ekki renna óskertur til RÚV eins og dæmi eru um með fleiri gjöld, t.d. gjöld á bensín sem renna ekki nem að litlum hluta til þeirra verkefna sem þau eiga að fara í. Nú er að koma í ljós að þessi ótti var ekki af ástæðulausu. Ríkið ætlar að hirða 10% af útvarpsgjaldinu í annað.

Nóg hefur verið skorið niður hjá RÚV og víst er að almennir starfsmenn þar eiga ekki sök á uppsöfnuðu tapi. Þar er valinn maður í hverju rúmi en því miður hafa þegar of margir horfið á braut, ýmist verið sagt upp eða farið sjálfviljugir. Þessari herför gegn reyndu fólki þarf að linna.

Við eigum að hafa ríkisútvarp eins og aðrar þjóðir í Evrópu. Það þarf traustan og fastan grunn í fjölmiðlun í landinu þó ekki væri nema til að veita öðrum aðhald.

RÚV kynnir brátt niðurskurð

Rétt að leita

Nú já. Kannski best að leita að miðaskrattanum sem ég keypti í shellskálanum Skaganesti á laugardaginn.

Lottóvinningur upp á 44,6 milljónir til Íslands

Búið að venja fólk af lambakjötsáti

Með okurverði á lambakjöti er smá saman að takast að venja Íslendinga af neyslu þess. Fólk kaupir einfaldlega það kjöt sem er mun ódýrara, bæði svínakjöt og kjúklinga. Það er ekki bara unga kynslóðin sem kaupir ekki orðið lambakjötið heldur einnig fólk á miðjum aldri sem alist hefur upp við lambakjötið.

Eina leiðin til að venja fólk á neyslu lambakjöts á ný er að lækka verðið. Það gerist með því að fækka milliliðum og einfalda söluferlið. Það er alveg ljóst að sauðfjárbændur verða ekki ríkir af því sem þeir fá fyrir kjötið. Arðurinn af því lendir hjá öðrum.

Minnsta sala á lambakjöti sem sögur fara af

Einkahagkerfi Eyjamanna

Þau eru nokkuð kostuleg ummælin sem höfðu eru eftir bæjarstjóranum í Vestmannaeyjum: "Elliði Vignisson bæjarstjóri segir að boðuð breyting á skötuselskvóta ein og sér kosti hagkerfi Eyjanna um 400 milljónir króna á ári og útflutningsálagið kosti samfélagið í Vestmannaeyjum um 200 milljónir."

Hve mikið af þessum 400 milljónum, sem Elliði talar um vegna skötusels, eru leigutekjur? Málið er að það verður enginn skötuselskvóti tekin af Eyjamönnum. Þeir halda sínu. Viðbótarkvóti vegna breyts göngumynsturs og aukningar skötusels hér við land verður einfaldlega leigður út af ríkinu. Veit Elliði ekki að einn kvótahæsti skötuselsbáturinn, Gullfaxi VE, var gerður út frá Grundarfirði í sumar. Það var vegna þess að mest af skötuselnum var í Breiðafirðinum en ekki út af Suðurlandi eins og var fyrst þegar hann var veiddur. Hvers eiga Snæfellingar að gjalda? Af hverju mega þeir ekki veiða skötusel í fjöruborðinu hjá sér? - Málið er einfalt. Útgerðarmenn í Eyjum geta boðið í viðbótarkvótann eins og aðrir. Það er mun eðlilegra að ríkið leigi þann kvóta út en einstaklingar í Eyjum.

Útflutningsálagið er nauðsynlegt til að tryggja fiskvinnslum hér á landi fisk. Óheftur útflutningur á óunnum fiski verður eingöngu til að rýra aðgang Íslendinga að fiski. Fiskvinnslur fá ekki hráefni á eðlilegu verði og almenningur þarf að borga meira fyrir fiskinn í búðunum. Ef þetta álag íþyngir Eyjamönnum þá selja þeir bara fiskinn á íslenskum mörkuðum. Það er styttra frá Eyjum til Íslands en Bretlands svo slíkt hlýtur að vera hagkvæmt.    

Auðvitað hafa Eyjamenn lagt sitt til samfélagsins með öflugum sjávarútvegi en svona rugl um eigið hagkerfi þeirra er út í hött. Þjóðhagslega eru breytingarnar hagkvæmar og af því njóta Eyjamenn góðs líka. Með auknum tekjum ríkissjóðs verður án efa fyrr hægt að ljúka Landeyjahöfn og kaupa nýjan Herjólf. Sá kostnaður er greiddur úr ríkissjóði en ekki einkahagkerfi Eyjamanna.

Baráttufundur í Eyjum gegn fyrningu og álagi

Vatnið?

"Prestur kirkjunnar blessaði vatnið fyrst með bæn á ströndinni og síðan með því að fara út í sjó og blessa vatnið," segir í fréttinni. Ég hef nú alltaf vanist því að kalla saltan sjóinn sjó og ferskt vatnið vatn. 

Kannski er þetta bara smámunasemi en kannski eigum við eftir að sjá skrifaðar fréttir um að togararnir eða nótaskipin hafi haldið út á vatnið til þorsk- eða síldveiða. Ef þróunin í fréttaskrifum er eins og í þessari frétt þarf það ekki að koma á óvart. 

Blessaði vatnið í Nauthólsvík

Sjálfboðaliðar sem ganga beint til verks

Viðbragðsflýtir íslensku sveitarinnar er enn athyglisverðari fyrir það að hér á landi vinna björgunarsveitarmenn í sjálfboðavinnu og nýta frítíma sinn til æfinga og björgunarstarfa, kostaðir af rakettuglöðum Íslendingum. Ríkar þjóðir eins og Norðmenn sem hafa yfir að ráða launuðum björgunarmönnum og her hafa hins vegar lent í basli með að komast á staðinn. Líklegast er kerfið hjá þeim of flókið og því lengri viðbragðstími. Össur á líka heiður skilinn fyrir að greiða fyrir ferð hópsins á fljótan og öruggan hátt. Með inngripi ráðherra er hægt að komast framhjá öllu kerfisliðinu, sem í flestum tilfellum tefur fyrir.

Norðmenn hrósa Íslendingum

Allt í plati

Er þetta ekki bara allt í plati? Er hann nokkuð til þessi Frjálslyndi flokkur, eða þá F-listinn, eða Borgarmálafélag Frjálslynda flokksins? Er þessi Ólafur F. kannski ekki til heldur?

Sverja af sér fund Ólafs

Gáfumenni talar um óvita

Það hljóta að vera gáfumenni sem geta talað um óvitaskap annarra. Þessa vegna veltir maður fyrir sér hvers vegna talsmaður útgerðarmanna, sem hafa valsað með sameign þjóðarinnar, getur leyft sér slíkt tal. Kvótakerfi var upphaflega sett á til að vernda fiskinn í sjónum og byggja upp auðæfin þar. Það hefur gjörsamlega mistekist og þeir sem fengu óheft leyfi til að valsa með auðlindina hafa misnotað það frelsi, sem þeim var gefið, og stundað brask og ofurveðsetningar svo sjávarútvegurinn er nú skuldsettari en nokkru sinni fyrr og það þrátt fyrir að fá veiðiheimildirnar réttar upp í hendurnar.

Þetta eru þá gáfumennirnir sem telja sig þess umkomna að lýsa þá óvita, sem vilja vinda ofan af þessu fáránlega kerfi og að þjóðin fái hóflegt gjald fyrir veiðileyfin.

Óvitaskapur í sjávarútvegsráðuneytinu

Þetta er það sem koma skal

Íslenskir skógar eru framtíð fyrir okkur og ljóst að fella þarf mikið af þeim í framtíðinni. Þetta er það sem koma skal og full not fyrir allt þetta timbur.

Stærsti timburstafli á Íslandi