Hvað með einstaklinga?

Þetta er svo sem góðra gjalda vert að ganga ekki hart að fyrirtækjunum. En hvað með lán almennings í ríkisbönkunum og hjá íbúðalánasjóði? Eru ekki fullir dráttarvexti á vanskilum þar? Svo má benda á að atvinnurekendur eru búnir að draga staðgreiðsluna af launum starfsmanna sinna.

Greiðslu álags á staðgreiðslu skatta frestað

Skynsamir Skagamenn

Hef alltaf vitað það að við Skagamenn berum höfuð og herðar yfir aðra. Jafnvel Sjálfstæðismenn á Akranesi gera það. Nú skora þeir á einn af tengdasonum Akraness, Geir Haarde, að taka raunhæfa ákvörðun. Gott hjá ykkur, bakarinn og co.

Stjórnendur Seðlabankans víki

Frábært

Þetta eru frábær úrslit. Fimleikafélagið lá núna. Til hamingju Akureyri!

Akureyri lagði FH í Krikanum, 34:32

Hann fór eftir leikreglum

Björgólfur Guðmundsson. mbl.is/Kristinn

Innlent |mbl.is | 13.11.2008 | 19:52

BJöggi  

 Svona var fyrirsögnin sem blasti við lesendum mbl.is þegar þetta er skrifað. Eflaust er þetta eitthvert vinnuheiti blaðamanns, en það er ekki afsökun. Fjölmiðill á að gera þá lágmarks kröfu til síns starfsfólks að það vandi vinnubrögðin. - Annars fannst mér Björgólfur nokkuð hreinskilinn í þessu Kastljóss viðtali. Þetta er góður karl, sem hefur margt gott látið af sér leiða.....en.......útrásin fór með hann. Hann bendir hins vegar á að hann og hans menn hafi alltaf farið eftir leikreglum. Hann hefur samúð með fólki sem lendir illa úti núna og ég er viss um að ef hann á einhverja möguleika til að hjálpa, þá gerir hann það. Hverjir bjuggu til leikreglurnar? - Hér á landi voru það Sjálfstæðisflokkurinn og Framsóknarflokkurinn.

Skuldir lenda ekki á þjóðinni

Hvernig er lítið fjölmenni?

Mikið fjölmenni er á almennum félagsfundi í VR sem haldinn er á Grand hóteli í kvöld. Svona byrjar frétt mbl.is. Þess vegna spyr ég: Hvernig er lítið fjölmenni? - Lágmarks kunnátta í íslensku á að vera krafa hvers fjölmiðils til starfsmanna sinna. Annars fagna ég því að félagar VR skuli fjölmenna á fund sem fjallar um siðleysi formannsins.

Burt með spillinguna

Fjölmenni á VR fundi

Solla, við erum hætt að trúa

Hve oft hafa ráðamenn þjóðarinnar sagt að málin séu að leysast í dag eða á morgun? - Þjóðin er hætt að trúa. Nú kemur í ljós að það sem Geir sagði um daginn að við myndum ekki láta kúga okkur var lygi. Alþjóðagjaldeyrissjóðurinn hefur verið gerður að innheimtustofnun fyrr Breta og Hollendinga og ekkert er horft til þess hvort okkur beri að borga þetta eða ekki. Þetta er kúgun. Andskotans Bretarnir eru alltaf samir við sig og hafa alltaf verið. Þetta fallna nýlenduveldi hefur alla tíð kúgað smáþjóðir og okkur tvisvar áður en þá sigruðum við. Nú ætlum við að láta undan. Solla ætlar meira að segja að leyfa Bretum að leika sér í stríðsleik hér á landi. Hafi hún skömm fyrir þessa undirlægju en við eigum samt að senda reikninginn til Björgólfanna og setja lög um að kyrrsetja eignir þeirra hvar sem til þeirra næst. 

Von um niðurstöðu í IceSave-deilu

Eins gott að heilbrigðiskerfið er ekki allt einkavætt

Eins gott að ekki er búið að einkavæða meira í heilbrigðiskerfinu. Þetta dæmi sýnir eins og mörg önnur einkavæðingardæmi að það má ekki sleppa takinu af ríkisrekstri í heilbrigðiskerfinu. Það er margfalt verra en bankahrun ef gjaldþrotahrina yrði í einkavæddu heilbrigðiskerfi. Er þetta ekki annars sama fyrirtækið og bauð í áfangaheimilarekstur fyrir áfengis- og vímuefnasjúklinga og einkavinir í borgarstjórn Reykjavíkur byrjuðu á semja við. Sem betur fer gat fyrirtækið ekki staðið við það tilboð og samið var við SÁÁ.  Vonandi er bankahrunið og allt sem því fylgir nægileg viðvörun til að einkavinavæðingardraumarnir leggist af.

Heilsuverndarstöðin í þrot

Á ekki að þurfa að ræða þetta

Tek fyllilega undir þessa samþykkt vinstri grænna Akureyringa. Þetta á að vera svo sjálfsagt að það þarf ekki einu sinni að ræða þetta. Bretar geta stundað sínar stríðsæfingar annarsstaðar, enda er erfitt að sjá hvernig og hvers vegna Bretar geti "verndað" okkur hryðjuverkamennina. Fyrir utan að þetta eftirlit með furðuega nafninu er algjörlega óþarft og hugsanlegir andstæðingar okkar vita alltaf fyrirfram af því og haga sér þá samkvæmt því. Það er því ástæðulaust að bruðla með peninga í svona sýndarmennsku, allra síst til Breta. 

Árétta andstöðu við loftrýmisgæslu Breta

Ruðning allan sólarhringin

Ég er ekki hissa þótt árekstrar verði hér á Akureyri og mér er alveg sama þótt mbl.is kalli þessa götu  Tryggvagötu, hef grun um að hún heiti Tryggvabraut. Horfði á beina útsendinu frá síðasta bæjarstjórnarfundi á Akureyri og það var ótrúleg upplifun. Þar reifst fólk um hvort nota ætti sand eða salt til að eyða hálku. Enginn minntist á að ryðja snjónum á burt áður en hann þjappast undan umferðinni. Akureyri er yfir 20.000 manna bær og því fylgir mikil umferð sem fer af stað upp úr klukkan sjö á morgnana. Þar þarf að ryðja snjó allan sólarhringinn en ekki að byrja klukka 6 eða 7 eins og gert er núna. Hreinsið snjóinn áður en umferðin býr til hálku, þá þarf hvorki salt né sand.

Harður árekstur á Akureyri

Er þetta svona Intrum?

Heldur forseti framkvæmdastjórnar Evrópusambandsins virkilega að Alþjóða gjaldeyrissjóðurinn sé eins og Intrum, einhverskonar rukkunarfyrirbæri? Kannski handrukkarar? Svona pólitískir, siðspilltir stjórnendur alþjóðastofnunar eiga ekki rétt á sér. Leitum til alþjóðadómstólsins í Haag. Látum ekki kúga okkar.

Burt með spillinguna!

Aðstoð háð sættum