Ríkisstjórn Reykvíkinga, eða???

Allt er nú notað í fýlunni. Er þetta ekki annars ríkisstjórn allra landsmanna? Það er ekkert náttúrulögmál að allt stjórnkerfið sitji í Reykjavík og að þar séu allir fundir haldnir. Ef ríkisstjórnin hefur farið með áætlunarvélum, sem hvort sem er eru á ferðinni er ekki verið að auka neina mengun. Hugsa jafnvel að 12 ráðherrabílar á ferð um höfuðborgarsvæðið mengi ekki minna, bæði vegna útblásturs og svifryks af þeirra völdum. Svo þurfa ráðherrar enga dagpeninga því flug til Akureyrar tekur rúman hálftíma hvora leið og fundurinn kannski klukkutíma. Mér líst vel á svona farandríkisstjórn sem lætur sjá sig víðar en á höfuðborgarsvæðinu. Það ætti að vera regla að ríkisstjórnarfundir væru með vissu millibili utan Reykjavíkur og þá ekki bara á Akureyri. Svo hafa alltaf einhverjir tekjur af svona ferðum, sem skilar sér aftur í sköttum. Þetta er ekki bara peningaeyðsla fyrir ríkið.

Yfirlýsing ómarktæk á fyrsta degi

Athugasemdir

[Finnur Bárðarson, 12.5.2009 kl. 11:54]

Mikið óskaplega er erfitt að gera fólki til hæfis. Allt er fært út á versta veg. Ég hélt að Akureyringar væru ánægðir með þetta sem og aðrir á landsbyggðinni.

[Haraldur Bjarnason, 12.5.2009 kl. 12:02]

Finnur þetta er bara dæmigert fyrir fýluna sem er í Ástu og samflokksmönnum hennar núna. Jú ég er viss um að Akureyringar og allir íbúar landsbyggðarinnar eru ánægðir með þetta.

[Kolla (IP-tala skráð) 12.5.2009 kl. 13:05]

Ásta Möller og restin af náhirðinni úr SjálftökuFLokknum ættu nú bara að nota verðskuldað orlof frá ríkisstjórn til að taka til í eigin ranni í stað þess að ausa migunni yfir aðra. Við höfum ekki gleymt hverjir settu landið á hausinn.

[Magnús Sigurðsson, 12.5.2009 kl. 13:07]

   

[Haraldur Bjarnason, 12.5.2009 kl. 13:08]

Helvíti ertu fúll á svippinn þarna á myndinni Maggi. Ertu í sömu fýlunni og Ásta Möller?

[Haraldur Bjarnason, 12.5.2009 kl. 15:39]

Alt þá gert er kostar einhverja peninga Skúli. Það má vera þín skoðun að það sé timaeyðsla að bregða sér bæjarleið hér innanlands til fundarhalda, skraf og ráðagerða. Ísland er nú einu sinni meira en 101 og samgöngur til Akureyrar góðar. Einum degi þar á ári fyrir ríkisstjórnina er ekki ofaukið.

[Magnús Sigurðsson, 12.5.2009 kl. 16:56]

 Þetta eru asnar Halli.  

[Haraldur Bjarnason, 12.5.2009 kl. 18:53]

Stöð tvö var með útreikninga á kostnaði við fundinn núna og sagði hann hafa kostað um 400 þúsund aukalega. Þar var reiknað með flugmiða á afslætti fram og til baka á 25.000 og 13 manns hefðu farið. Heldur betur gróft því samkvæmt vef Flugfélagsins er nettilboð milli Akureyrar og Reykjavíkur nú 5.800 eða 12.600 framog til baka. Helmingi lægra en Stöð talaði um. Þetta þykist vera ábyrg fréttastofa. Það mætti halda að ríkisstjórnin hafi verið að fara til útlanda.

[Haraldur Bjarnason, 12.5.2009 kl. 19:34]

11.600 átti þetta að vera.

[Eiður Ragnarsson, 14.5.2009 kl. 00:16]

Einn fund út á land í mánuði , aldrei á sama stað og með sveitarstjórnarmönnum svæðisins..........

[Haraldur Bjarnason, 14.5.2009 kl. 10:11]

Sammála Eiður. Þannig á ríkisstjórn fyrir alla landsmenn að virka. Kostnaðurinn við þetta er dropi í hafið í öllu þessu sukki sem búið er að vera.