Ríkisstjórn og seðlabankastjórn mæti

Gott mál. Legg til að ríkisstjórnin mæti og bjóði seðlabankastjórninni með. Davíð og félagar hafa ábyggilega ekki efni á að borga sig inn!!!! -  Dalai Lama er ekki bara trúarleiðtogi heldur líka mikill heimspekingur og snillingur. Spurning hvort einhver álíka lögregluviðbúnaður verður og þegar Falung Gong kom hingað til lands. Kínversk stjórnvöld verða örugglega ekki sátt og láta andstöðu sína kurteislega í ljósi eins og þeirra er háttur.

Dalai Lama kemur til Íslands

Athugasemdir

[Valsól (IP-tala skráð) 9.2.2009 kl. 22:44]

Þarf að borga sig inn? Ég á ekki til orð, þetta er eins og mér datt í hug, þetta snýst bara um peninga þegar upp er staðið alveg eins og hjá öllum öðrum trúarbrögðum. Enda lifðu Lamar á undan honum í ríkidæmi á meðan þjóðin sjálf svalt, en þannig var nú ástandið löngum hjá Tíbetum, er það það sem við viljum, frelsa Tíbeta svo Lamar geti ráðið öllu og fólkið verður að sitja og standa eins og þeir vilja? Nei ég er bara svona að velta þessu fyrir mér. Það kæmi s.s. hver Dalai Lama á fætur öðrum eins og þetta var, einn tók við þegar sá fyrri lést, og þannig koll af kolli. Síðan myndu þeir lifa í vellistingum á meðan þjóðin sýpur dauðann úr skel.

[Haraldur Bjarnason, 9.2.2009 kl. 23:22]

Hvern fá menn hingað án þess að þurfi að borga sig inn. Ekki var frítt á Clinton um árið! Hins vegar legg ég til að ríkisstjórnin fái frítt inn og Davíð líka.

[Arngrímur Jón Sigurðsson (IP-tala skráð) 10.2.2009 kl. 01:06]

Valsól, ég sé að þú ert búinn að vera ansi duglegur að senda athugasemdir varðandi heimssókn Dalai Lama hingað til lands. Ég legg til að þú kynnir þér málin til hlýtar áður en þú tjáir þig á þennan hátt.

Það er hverjum þeim augljóst sem hefur eitthvað kynnt sér Dalai Lama eða hugmyndafræði hans, að hann er ekki að berjast fyrir sjálfstæðu Tíbet þar sem hann og hans menn færu einir með völd á kostnað kúgaðrar alþýðu. Reyndar hefur aldrei verið þannig fyrirkomulag í Tíbet.

Tíbet var sjálfstætt land sem var hertekið af Kínverjum 1950.  Kínverjar hafa beitt Tíbeta ótrúlegu harðræði, og talið er að mörg hundruð þúsund manns hafi látið lífið síðustu áratugi. Þeir stunda enn gróf mannréttindabrot og mismunun. Tugir voru skotnir í mótmælunum í mars á síðasta ári.  Þú getur frætt þig nánar um ástandið á heimasíðu Human Rights Watch.

Dalai Lama hlaut friðarverðlaun Nóbels 1989. Hann er baráttumaður fyrir aukinni sjálfsstjórn í Tíbet og auknum mannréttindum um heim allan.