Tal um Tal frá Tali til Tals

Lesið fréttina og skoðið málfræðikunnáttu þess sem skrifar. "Ragnhildur tekur við Tal" (Tali) - "Ragnhildur Ágústsdóttir hefur verið ráðinn (ráðin) framkvæmdastjóri Tal (Tals)" - "var forstöðumaður vöruþróunar Tal (Tals) - Svo er farið að beygja nöfn fyrirtækja í lok fréttarinnar þegar sagt er að Ragnhildur hafi gegnt stöðu framkvæmdastjóra Ódýra Símafélagsins. Af hverju ekki: framkvæmdastjóra Ódýra símafélagið. Það hefði verið í samræmi við hina vitleysuna.

Ragnhildur tekur við Tal

Athugasemdir

[, 2.1.2009 kl. 23:48]

Já það er ótrúlegt hvað blaðamenn geta leyft sér lélega íslenskukunnáttu.

[Guðrún Jónsdóttir (IP-tala skráð) 3.1.2009 kl. 00:04]

Mikið er ég fegin, að það ekki bara ég sem heyri þegar vitlaust er farið með íslenskt mál.

Guðrún Jónsdóttir.

[Jakobína Ingunn Ólafsdóttir, 3.1.2009 kl. 00:48]

Það ekki furða að fréttaflutningur sé lélegur ef fréttamenn þurfa að vera með athyglina við að fletta upp í orðabókum.

[Elvar (IP-tala skráð) 3.1.2009 kl. 04:53]

Það á enginn að þurfa fletta upp í fræðum um eigið móðurmál.

[Haraldur Bjarnason, 3.1.2009 kl. 07:03]

Það er ekkert athugavert við að fletta upp í orðabók. Það geri ég daglega og hef gert í áratugi við vinnu mína. Hins vegar þarf kunnátta í íslensku máli að vera til staðar hjá þeim sem skrifa texta í fjölmiðla. Þetta, að kunna ekki beygja einföld orð eða að vita ekki hvers kyns þau eru, flokkast ekki undir lágmarks kunnáttu í íslensku. Orðabók leysir ekki svona einfeldningshátt.

[Víðir Benediktsson, 3.1.2009 kl. 08:00]

Þetta er ekki mín sérgrein en ég sá strax beygingarvillurnar á Tali.  Svo spyr ég þig Halli með kyngreininguna, annars vegar er manneskjan nefnd á nafn og er greinilega kona (kvk) og svo er hitt að hún verður framkvæmdastjóri (kk) Er þetta ekki svona hippum happs hvort þetta er rétt eða rangt? Ekki í vafa að ég hefði sjálfur dottið í þessa gildru.

[Víðir Benediktsson, 3.1.2009 kl. 08:03]

En eftir að hafa hugað aðeins betur sé ég að þetta er laukrétt hjá þér. Það er "hún" sem er ráðin.

[Haraldur Bjarnason, 3.1.2009 kl. 08:07]

Í þessu tilfelli er það nafn konunnar sem ræður. Hún er ráðin. Hafi hins vegar staðið Framkvæmdastjóri var ráðinn. Þá horfir málið öðru vísi við Víðir. Auðvitað sástu þetta þegar þú skoðaðir það.  

[Ólafur Jóhannsson, 3.1.2009 kl. 11:34]

Ég sem hélt að þetta hefði átt að vera Ragnhildur [Steinunn] tekur viðtal...

[Hólmdís Hjartardóttir, 3.1.2009 kl. 12:43]

gott að benda á þetta

[Haraldur Bjarnason, 3.1.2009 kl. 12:43]

Já kannski var þetta bara við-Tal.