Til hvers?

Sé ekki til hvers ætti að hafa þjóðaratkvæðagreiðslu um hvort ganga eigi til aðildarviðræðna. Er ekki rétt að hefja aðildarviðræður? Athuga hvað við fáum og hverju við þurfum að fórna. Síðan er komið að þjóðarakvæðagreiðslu um hvort við sækjum um eða ekki. Þjóðaratvæðagreiðsla kostar mikið og þessu fyrsta skrefi er auðveldlega hægt að sleppa. 

Umsókn í þjóðaratkvæði?

Athugasemdir

[Sigrún Jónsdóttir, 31.12.2008 kl. 08:31]

Sammála.

[Víðir Benediktsson, 31.12.2008 kl. 08:35]

Ja. Sko ef þjóðin vill ekki fara í þessar viðræður þá er hægt að slá þetta af strax. Það kostar líka mikið að standa í heljarinnar samningabatteríi sem verður svo skítfellt í þjóðaratkvæðagreislu.

[Haraldur Bjarnason, 31.12.2008 kl. 08:56]

Víðir. Við getum ekki kosið um eitthvað sem við vitum ekki hvað er. Fyrst þurfum við að fá að vita hvað er í boði og hverju þarf að fórna. Þetta hjá þér hljómar nákvæmlega eins og borðskapur LÍÚ furstanna að undanförnu. Gefa sér forsendur fyrirfram.

[Magnús Sigurðsson, 31.12.2008 kl. 09:30]

Það sem kemur fram í áramótaávörpum Geirs og Ingibjargar er varla annað en pólitískur hráskinnaleikur til að þjappa liðinu í egin baráttu við að halda völdum.  

Það þarf að vera númer eitt að losna við núverandi valdhafa áður en liðinu skipt í fylkingar um það sem í raun er aukaatriði í stöðunni eins og hún er núna. 

Fyrst þurfa allir flokkar að taka til hjá sér og endurstilla stefnuna á ástanið eins og það er, svo þarf þjóðina að fá að kjósa og getur þá kosið um það í leiðinni hvað það eiga að verða margar þjóðaatkvæðagreiðslur um þjóðaratkvæðagreiðslu.

[Hólmdís Hjartardóttir, 31.12.2008 kl. 10:28]

Sammála þér Halli þetta á að skoða. En er samt ekki sannfærð um að við eigum heima í ESB.....vil bara fá allt upp á borðið

Rafræn þjóðaratkvæðagreiðsla kostar ekki svo mikið

Eigðu frábæran Gamlársdeg

[Haraldur Bjarnason, 31.12.2008 kl. 11:42]

Eigum við ekki að hafa þjóðaratkvæðagreiðslu um hvort við eigum að hafa þjóðaratkvæðagreiðslu um aðildarviðræður að ESB? Þannig er hægt að teygja svolítið á þessu og allir verða ánægðir. Rafrænt eða ekki. Það verður aldrei alfarið rafræn kosning. Hvað með gamlingjana sem kunna ekki á tölvur Hólmdís?