Burt með Bangsa

Þetta er athyglisvert viðtal við Jóhann R. Benediktsson og aðstoðarmann hans. Af þessu virðist eitt ljóst. Það er einfaldara að dómsmálaráðherra segi af sér heldur en að hafa þá upplausn sem ríkir í lögreglumálunum í stærstu embættunum. Hafi Björn Bjarnason ekki manndóm í sér til þess þá á forsætisráðherra að skipta honum út. Karlinn er betur geymdur á eftirlaunum. Ekki nóg með að yfirmenn lögreglumála séu hver upp á móti öðrum. Sumir andsnúnir ráðherra en aðrir slefandi fyrir honum heldur er löggæsla á sjó í lamasessi. Varðskipin bundin við bryggju og ráðherra ráðalaus.

Flótti úr lögreglu Suðurnesja

Athugasemdir

[Jón Ingi Cæsarsson, 24.9.2008 kl. 18:46]

"og ráðherra ráðalaus." ráðherralaus.

[Hafsteinn Viðar Ásgeirsson, 24.9.2008 kl. 20:07]

Af með Bangsa og hann getur tekið með sér Halla ríkissjóðs, þeir verða góðir saman í einhverjum hermannaleik.

[Haraldur Bjarnason, 24.9.2008 kl. 20:28]

Já Hafsteinn. Þessi nafni minn þarna í ímynduðu embætti einhvers óþarfs ríkislögreglustjóra má svo sannarlega fjúka líka. En þeir eru auðvitað báðir á sínum stað núna vegna ættaveldis íhaldsins. - En Jón Ingi því miður er þessi ráðherra ekki ráðherralaus. Hann er þarna í skjóli þeirra ráðherra sem ráða í ríkissstjórninni, Geirs og Sollu.