Allt með hýrri há

Svei mér þá ég held að hér hafi bara allt verið með hýrri há á Írskum dögum á Akranesi. Fór smá rúnt um bæinn í morgun og sá ekki mikið rusl eftir nóttina, líklega búið að taka til. Ekki verður maður var við mikinn hávaða frá liðinu en nokkra sá ég á ferli upp úr kl. 8 morgun, svoldið svona sjoppulega. Annars eru þessar löggufréttir alltaf misjafnar, stundum virðist gert í því að krydda þær og þess á milli dregið úr. Líklega fer þetta bara eftir hver löggan er, sem er vakt og hver blaðamaðurinn er, sem skrifar.

Allt gekk eins og best verður kosið á írskum dögum

Athugasemdir

[Hulda Elma Guðmundsdóttir, 6.7.2008 kl. 10:37]

Hefði gjarnan viljað vera þar sem leikin er írsk tónlist, en verð að láta mér nægja Neistaflug. Það er rétt sem þú segir Halli, það er ekki sama hvernig fréttin er matreidd. Það þekkjum við bæði.

[Víðir Benediktsson, 6.7.2008 kl. 11:00]

Það er nú bara gott mál þegar allt fer vel fram. Held þú ættir að tækla þessa frétt. Það eru margir "aðilar " í henni

[Haraldur Bjarnason, 6.7.2008 kl. 14:47]

Kíkti á þetta Víðir. Þessi frétt er nú bara eitt alsherjar klúður og stíllinn í henni verri en hjá nokkrum barnaskólakrakka.

[Víðir Benediktsson, 6.7.2008 kl. 15:27]

Sammála, mesta torf sem ég hef lesið lengi. Ekki vantaði að tilefnið til að skrifa skemmtilega frétt var fyrir hendi.