Gat verið.....falstónar Kananna hljóma enn

Gat verið....Bandarískir þingmenn að mótmæla veiðum á nokkrum hrefnum....er þetta ekki að kasta steinum úr glerhúsi. Bandaríkjamenn drepa margfalt fleiri smáhveli en Íslendingar + allt fólkið sem þeir skjóta....svo segja þeir mengun ógna heiminum en neita að taka þátt í samþykktum og aðgerðum alþjóðasamfélagsins til að sporna við mengun.

Getur einhver tekið mark á svona rugli frá Kananum? - Tvískinnungurinn og falsið er svo ótrúlegt að það nær ekki nokkru tali.

Bandaríkjaþing gagnrýnir hvalveiðar Íslendinga

Athugasemdir

[Brattur, 19.6.2008 kl. 22:55]

... við verðum aldrei betri þó einhver annars sé verri... hvalveiðar eru algjörlega ónauðsynlegar fyrir íslenskt þjóðarbú og gera ekkert annað en að skemma ímynd okkar...

[Hólmdís Hjartardóttir, 19.6.2008 kl. 23:02]

Ég held að Bandaríkjamenn ættu að fara varlega í gagnrýni á aðra.

[Róbert Björnsson, 19.6.2008 kl. 23:11]

Tek undir með Bratti... ömurlegur stríðsrekstur Bandaríkjamanna hefur nákvæmlega EKKERT með réttmæta gagnrýni þeirra á hvalveiðar að gera og er því þessi röksemdarfærsla algerlega "ad hominem"!

En takirðu ekki mark á Bandaríkjamönnum, þá kannski hlustarðu á gagnrýni nánast allra annarra þjóða heims, utan Noregs og Japan, og alþjóðlegar samþykktir Sameinuðu Þjóðanna!

[Haraldur Bjarnason, 19.6.2008 kl. 23:12]

Brattur ef við ætlum að stunda fiskveiðar áfram þurfum við að gæta jafnvægis í lífríki hafsins. Ef hvalnum fjölgar þá eykst samkeppnin við okkur um fiskinn. Hún er of mikil nú þegar. - Við erum hluti af náttúrunni og okkur er ætlað að lifa á henni og með henni rétt eins og fiskunum og hvalnum. Hvalveiðar eru því nauðsynlegar fyrir íslenskt þjóðarbú ef við viljum verða sjálfum okkur næg um matvæli, svo ég tali nú ekki um að útvega matvæli til annarra, nægur er nú skorturinn á þeim ekki síst eftir að Kanar og fleiri fóru að nýta matvæli til eldsneytisframleiðslu.

[Haraldur Bjarnason, 19.6.2008 kl. 23:18]

Róbert veistu ekkert um alla hörfungana sem kanar eru að drepa, margfalt fleiri en hrefnurnar hér, sem eru orðnar sjö eða átta núna og kjötið af þeim selst allt? Er það ekki tvískinnungur að drepa fólk í ömurlegum stríðsrekstri, eins og þú segir og mótmæla svo veiðum á nokkrum hrefnum úr stofni sem er langt í frá útrýmingarhættu? Í pistli á þínu bloggi talar þú um morðóða Íslendinga sem drepi hvali og ísbirni. - Þú ert greinilega orðin smitaður af of miklu samneyti við Kananna og þeirra stjórnmálamenn sem svo sannarlega geta kallast morðóðir og það á menn.