Ekki undarlegt að óhöpp verði

Mér finnst ekki undarlegt að óhöpp verði í hálku hér á Akureyri. Í nótt snjóaði talsvert og í dag var hitinn rétt undir frostmarki og dálítil snjókoma. Í morgun hefði þurft að renna yfir allar helstu götur og ryðja burt þeim snjó sem kominn var áður en umferð hófst. Í staðinn þjappast snjórinn undan umferðinni og hjólför myndast með tilheyrandi vandræðagangi fyrir ökumenn. Svo rífast menn hér endalaust um hvort salta eigi götur eða sanda. Hvorugt þarf að gera ef ruðningstæki eru sett af stað snemma morguns áður en umferð hefst. 

Staurinn lá óvígur eftir

Athugasemdir

[Anna Guðný , 26.2.2008 kl. 19:01]

Það þurfa ekkert að verða óhöpp. Bara passa sig og vera vel skóaður.

[Haraldur Bjarnason, 26.2.2008 kl. 19:46]

Þá hefur strætóskrattinn verið illa skóaður og ljósastaurinn ekki passað sig nógu vel.

[Anna Guðný , 26.2.2008 kl. 21:49]

Já, gæti passað

[Haraldur Bjarnason, 26.2.2008 kl. 22:39]

Var að lesa það núna að annar strætó lenti í árekstri á Akureyri í kvöld. Að þessu sinni við fólksbíl á Drottningarbrautinni og tveir fluttir á sjúkrahús - ekki gott mál og umhugsunarefni.