Sukk og bruðl í skjóli stjórnar OR

Ofursukk stjórnenda Orkuveitu Reykjavíkur á liðnum árum er nú að koma við pyngju neitenda á orkusvæðinu, sem nær langt út fyrir Reykavík. Fáránlegar fjárfestingar í einu og öðru, sem ekkert hefur með orkuöflun, sölu eða dreifingu orku að gera, kemur nú fram í hækkaðri gjaldskrá. Peningasukkið hefur verið á fleiri sviðum og höll orkuveitunnar í Reykjavík ber vott um bruðlið og spjátrungsháttinn. 

Sveitarstjórnarmenn sitja í stjórn Orkuveitunnar og auðvitað hafa þeir vitað að þessi hækkun stóð til fyrir kosningarnar um síðustu helgi. Þeir kusu hins vegar að þegja um það. Sumir þeirra fengu að vísu skell í kosningunum en ekki allir. Við Akurnesingar eigum aðeins 5% hlut í orkuveitunni en höfum átt þar fulltrúa í stjórn. Hans flokkur fékk skell en sjálfur situr stjórnarmaðurinn enn í bæjarstjórn og getur væntanlega svarað fyrir sukkið þar.

Orkuveita Reykjavíkur er fyrirtæki sem hefur alla burði til að vera stöndugt og á að geta veitt notendum orku ódýra og góða þjónustu. Spjátrungsháttur stjórnenda þar síðustu árin er að eyðileggja þetta öfluga fyrirtæki.

Heita vatnið þarf að hækka um 37%

Traktorar unglömb miðað við fiskiskipin

Og hvað með það? Er nokkuð hundrað í hættunni þótt ekki hafi verið fluttir inn traktorar nýlega? Fyrst 383 slíkir voru skráðir 2007 hlýtur traktoraflotinn að vera í sæmilegu lagi. Nema Glitnir og Lýsing séu búin að hirða þetta allt saman. Þá er lítið gagn af þeim sem þar liggja.

Til samanburðar má nefna að meðalaldur íslenskra fiskiskipa yfir 100 brúttótonnum er 32 ár. Traktorar landsmanna eru þvi unglömb miðað við skipin og sjómenn greinilega mun nægjusamari á atvinnutæki sín en bændur.

Hrun í sölu dráttarvéla

Að hefja sig til sunds

Skemmtilega tekið til orða í þessari frétt: Kópurinn hóf sig strax til sunds. Það er algengt að tala um að fuglar hefji sig til flugs en að segja að kópur hefji sig til sunds er fáheyrt. 

Svamlað um í selalauginni

Í einkabísniss að maka krókinn á ríkinu

Sérfræðilæknar ætla greinilega ekki að bíða með launahækkanir eða taka á sig skerðingu eins og flestir aðrir í þjóðfélaginu. Flestir þeirra eru að vinna inn á sjúkrahúsunum og auk þess að praktísera út í bæ. Það er athyglisvert að ef farið er til sérfræðilækna á sjúkrahúsi þá eru reikningarnir frá þeim undantekningalítið merktir einhverju einkahlutafélagi. Ehf-væðingin kemur víða við og sú staðreynd að með því komast menn hjá því að greiða gjöld eins og útsvar til samfélagsins. Úr einkahlutfélögunum taka menn fyrst og fremst arð sem eingöngu fjármagnstekjuskattur greiðist af. Svo er einfalt að færa ýmsan kostnað á þau líka. Hvað skyldu svo þessir læknar borga fyrir aðstöðuna, öll tækin og símaþjónustuna sem þeir hafa á sjúkrahúsunum? Það væri fróðlegt að vita. Þeir eru greinilega ríki í ríkinu eins og margir smákóngarnir í einkabísniss sem maka krókinn á ríkisjötunni.

Verð fyrir þjónustu sérfræðilækna hækkar

Mikið líf vegna strandveiðanna

Strandveiðarnar hafa hleypt miklu lífi í sjávarbyggðir landsins og hafnirnar iða af lífi þegar bátarnir koma að landi. Þegar svona gerist að margir bátar eru settir á sjó, sem ekki hafa verið notaðir til fiskveiða í mörg ár, má búast við einhverjum skakkaföllum. Stundum fara menn af stað af meira kappi en forsjá. Þessir 556 bátar sem eru að veiðum hljóta allir að hafa fengið skoðun og haffæriskírteini svo ef eitthvað er að búnaði þeirra er við skoðunarfyrirtæki að sakast.

  

Strandveiðibátar eru af ýmsum stærðum og gerðum. Þessar myndir sýna strandveiðibáta á Arnarstapa og Akranesi.

Mikið annríki hjá Landhelgisgæslunni

Slíta stjórnmálasambandi strax

Nú gæti íslenska þjóðin tekið forystu á alþjóðavettvangi með því að slíta stjórnmálasambandi strax við þetta ofbeldifulla og hatursfulla ríki sem Ísrael er. 

Árás Ísraela rædd í utanríkismálanefnd

Enn er vitlaust sagt frá í mbl.is

Mbl.is virðist ekki geta flutt réttar fréttir af kosningaúrslitum á Akranesi. Sjálfstæðisflokkur og Framsókn voru þar ekki í meirihluta eins og segir í fréttinni. Sjálfstæðisflokkurinn var einn í meirihluta með 5 bæjarfulltrúa eftir að fulltrúi Frjálslynda flokksins gekk í Sjálfstæðisflokkinn á kjörtímabilinu. Fylgi Sjálfstæðisflokksins hrundi og hefur hann nú 2 bæjarfulltrúa. Samfylkingin vann stórsigur, er nú stærsti flokkurinn með 4 bæjarfulltrúa í stað 2 áður. Framsókn, sem nú bauð fram með óháðum, hefur tvo en Framsókn var með einn áður.

Meirihlutar féllu víða

Röng frétt um tap Sjálfstæðisflokks á Akranesi

Það er ekki rétt í þessari frétt að Sjálfstæðisflokkur hafi tapað tveimur bæjarfulltrúum á Akranesi. Sjálfstæðisflokkurinn tapaði þremur bæjarfulltrúum annars hefði hann ekki getað haft hreinan meirihluta í 9 manna bæjarstjórn. Bæjarfulltrúi Frjálslyndra gekk til liðs við Sjálfstæðisflokkinn á miðju kjörtímabili og var í framboði fyrir flokkinn núna. Sigurinn er stór bæði hjá Samfylkingu og Framsókn, sem bauð nú fram með óháðum. Báðir flokkar tvöfölduðu bæjarfulltrúatöluna.

Það er athyglisvert að fylgjast með því hvaða sveitarfélög RÚV velur fyrir beinar útsendingar utan höfuðborgarsvæðis. Akranes er langfjölmennasta sveitarfélagið í öllu Norðvesturkjördæmi og skoðanakönnun benti til stórra tíðinda í kosningunum þar. Bein útsending var hins vegar frá Ísafirði og fréttamaðurinn úr Borgarnesi sendur þangað með tilheyrandi kostnaði eftir að hafa tekið myndir á kjörstað á Akranesi kl. 10 í morgun. Síðan er beinar útsendingar frá Akureyri, sem er ósköp eðlilegt, enda tíðinda að vænta þar og bein útsending frá Vestmannaeyjum. Engin útsending hvorki af Vesturlandi, Norðurlandi vestra eða Austurlandi.

Meirihlutinn fallinn á Akranesi

Blankir í stöðugum málaferlum

Eitthvað hlýtur að hafa lent í vasa hans. Að minnsta kosti hefur hann, eins og aðrir skítblankir útrásargaurar, efni á að ráða rándýra lögfræðinga til  málareksturs gegn boðberum tíðinda af þeim.

Pálmi segir fréttir af sér uppspuna

Góður oddviti sveitarstjórnar Reykjavíkur

Með fullri virðingu fyrir öllum oddvitum framboða til sveitarstjórnar í Reykjavíkurhreppi þá bar Jón Gnarr af í þessum þætti. Einhvern tíma hefði maður orðið pirraður yfir því að sveitarfélag með rúman þriðjung íbúa þess lands fengi nær heilt föstudagskvöld í sjónvarpi allra landsmanna. Það var ég hins vegar ekki núna og allt er það Jóni Gnarr að þakka sem var yfirvegaður, hreinskilinn og laus við að taka orðið af öðrum sem voru í þættinum. Hann verður án efa góður oddviti sveitarstjórnar Reykjavíkurhrepps.

Vill hvítflibbafangelsi