Af hverju eru innfluttar mjólkurvörur ódýrari?

Nú þegar er mikið af mjólkurvörum flutt inn, meðal annars ís. Tók eftir því um daginn að innfluttir íspinnar og istoppar eru miklu ódýrari en þeir íslensku og það þrátt fyrir tolla og óhagstætt gengi fyrir innflutning.

Ef íslenskar mjólkurvörur eru svona góðar og hagkvæmar hlýtur að vera lag að flytja þær út. Norðmenn kunna t.d. vel að meta skyrið sem rokselst þar núna en það er framleitt í Noregi eftir íslenskri uppskrift.

Það er margt bogið við íslenskt landbúnaðarkerfi sem virðist vera bæði bændum og neytendum í óhag. Líklega myndu engir hér á landi hagnast eins vel á aðild að ESB og bændur

Áfram verði tollvernd

Kalmanstunga

Það vekur athygli við lestur þessarar fréttar að bæjarnafnið Kalmanstunga er alltaf skrifað  með tveimur n-um. Þetta bæjarnafn er eitt margra örnefna sem á ættir sínar að rekja til írskra landnámsmanna. Þau má t.d. finna í Borgarfirði og á Akranesi. Öll eru þau skrifuð með einu n-i. Dæmi um þetta, auk Kalmanstungu, eru. Kalmansvík á Akranesi, Bekansstaðir og Kjaransstaðir.

Varðandi efni fréttarinnar er slæmt til þess að vita að dýrbítum fjölgi. Það kemur ekki aðeins niður á sauðfénu heldur er refurinn stórtækur í fuglavarpi ásamt minknum.

Dýrbítur á ferð í Borgarfirði

Klúðursleg skrif

Full ástæða er til að taka undir með Íslenskri málnefnd. Nú er það hins vegar spurning hvort sá sem skrifaði innganginn að þessari frétt kemur úr háskólasamfélaginu. Í það minnsta er þetta klúðurslega skrifað og alls ekki á góðri íslensku:

Íslensk málnefnd óttast að ef ekki verði breyting á hvað varðar kennslu á íslensku í íslensku háskólasamfélagi þar sem námskeiðum og heilum námsbrautum á ensku fjölgar blasir við að verulega mun þá þrengt að íslenskri tungu í háskólasamfélaginu á Íslandi.

Óttast um íslenska tungu

Hárrétt hjá Jóni.

Auðvitað rétt hjá Jóni. Það kemur allt til greina. Borgarstjóri er bara framkvæmdastjóri.

Framkvæmdastjóri Reykjavíkurhrepps þarf ekkert að vera kjörinn af fólkinu frekar en framkvæmdastjórar annarra hreppa landsins.

Útilokar ekki að Dagur verði borgarstjóri

HB Grandi veðjaði rétt

Það sem HB Grandi hefur verið að gera á Vopnafirði er hreint út sagt frábært. Þar hefur öll vinnsla á uppsjávarfiski verið endurbætt og gerð svo vel úr garði að úr verða bestu afurðir. Þeir HB Granda menn veðjuðu á rétt byggðarlag því Vopnfirðingar kunna sitt fag þegar kemur að vinnslu sjávarafurða.

Nú bíð ég eftir að fá heitreyktan makríl frá Vopnafirði. Það yrði toppurinn.

Vinnslumet á Vopnafirði

Nú leggja þeir línurnar

Nú eru stjórnmálamennirnir strax farnir að leggja þeim línurnar sem kosnir verða á stjórnlagaþing. Eflaust er líka plottað bak við tjöldin og hver þeirra teflir sínum fram. Mér er skapi næst að taka ekki þátt í þessari vitleysu sem þetta stjórnlagaþing stefnir í að verða. Það er full þörf víða annars staðar fyrir peningana sem þetta brölt kostar.

Skuldir fyrnist á tveimur árum

Gott hjá Húsvíkingum

Gott hjá Húsvíkingum enda allar þessar tillögur um niðurskurð til heilbrigðimála á landsbyggðinni hreint rugl og enginn sparnaður. Þetta er nokkuð sem hlýtur að verða dregið til baka. Annað er stríðsyfirlýsing.

Húsvíkingar sækja um starf

Framsóknarmaðurinn Jón

Framsóknarmennskan er og hefur alltaf verið í hávegum höfð hjá Jóni Bjarnasyni. Annars er Bjarni hinn besti drengur þótt framsóknarmennskan sé fortíðardraugur sem seint verður hægt að kveða niður.

Bjarni ráðinn upplýsingafulltrúi

Bjarni Ben er misskilningur

Er þetta bara ekki einn allsherjar misskilningur, Bjarni Ben og tal hans um samstarf? Hann hefur endalaust talað um að samstarf skorti og að hans flokkur sé út í kuldanum. Bjarni Ben og það sem hann stendur fyrir er misskilningur. Það vita allir sem hafa horft fram á aðgerðir flokksins hans síðustu áratugi og séð afleiðingarnar.

Misskilningur um fundarboð

Allir vilja að börnin verði Skagamenn

Af þessu má ljóst vera að enn fleiri verðandi foreldrar gera sér grein fyrir því hve gott það er að börnin þeirra fæðist Skagamenn.

Fæðingamet á Akranesi