Sjálfstæðismenn alltaf á toppnum

Sjálfstæðismenn ættu að vera ánægðir núna. Þeir eru alltaf á toppnum í fréttaflutningi þessa dagana. Hvort sem er vegna ofurstyrkja í eigin sjóði eða í stuðningi við nektardans.

Meirihluti vill banna nektardans

Er ekki Jón bara að einangrast?

Er ekki Jón Bjarnason frekar að einangrast? Mér sýnist að vilji sé hjá samflokksmönnum hans að fara í viðræður til að kanna hvar við Íslendingar stöndum. Síðan er það þjóðarinnar að kveða á um í þjóðaratkvæðagreiðslu hvort sótt verður um aðild eða ekki. Framsóknarmennskan í Jóni er hins vegar svo rík að hann getur ekki gefið neitt eftir í þessu máli.

Segir Samfylkinguna að einangrast í ESB-umræðunni

Stuttbuxnadeildin sein á sér

Eru ekki allir stjórnmálaflokkar búnir að upplýsa um styrki núna? Þar kemur fram að enginn þeirra kemst með tærnar þar sem Sjálfstæðisflokkurinn er með hælana. Heildarupphæðir hinna flokkanna ná ekki einu sinni upp í ofurstyrkinga tvo sem fóru í Valhöll. Hvað þá alla aðra styrki. Stuttbuxnadeildin er því heldur sein á sér að skora á aðra flokka núna.

Aðrir flokkar fylgi fordæmi Sjálfstæðisflokksins

Björn vill draga hina með

Björn vill, á sama hátt og Staksteinaritari Moggans í gær, draga aðra flokka inn í sukkmál Sjálfstæðisflokksins. Hann, ekki frekar en Staksteinahöfundur, hefur ekki tekið eftir að heildarstyrkir þeirr sem næst komust Sjálfstæðisfllokknum voru lægri en ofurstyrkirnir tveir.

Þó er Björn aðeins að hnýta í samflokksmenn sína þegar hann segir heiður Sjálfstæðisflokksins meira virði en greiðasemi við þá sem telji sér sæma að misnota nafn og virðingu flokksins til ósæmilegrar fjáröflunar eða í öðrum tilgangi.

Heiður Sjálfstæðisflokksins ekki metinn til fjár

Fólk er fífl

Í gær sagði Bjarni að báðir framkvæmdastjórarnir, Kjartan og Andri, hefðu vitað af "styrknum" stóra. Nú er Bjarni ekki viss. Halda þessir menn í forystu Sjálfstæðisflokksins að endalaust sé hægt að ljúga að fólki. "Fólk er fífl," var einhverntímann sagt. Því trúa þeir enn.

Fráleitt að draga nafn Kjartans inn í atburðarásina

Heiðarlega tekið á málinu!

"Heiðarlega tekið á málinu í Sjálfstæðisflokknum"! Hefur Einar Kristinn ekki einhvern trúverðugri páskaboðskap fram að færa en þetta?

„Augljós mistök“

Ekki upplýsa neitt- Bara bull

Auðvitað vilja þeir sem þessu ráða ekki láta neitt spyrjast út um múturnar til FLokksins. Einn helsti hrokagikkurinn í Sjálfstæðisflokknum, Kristján Þór Júlíusson, sagði í hádegisfréttum útvarps að umfjöllun um "styrkina" væri bull og ástæða til að taka á öðrum málum. Ólöf Norðdal ber fullt traust til Guðlaugs Þórs, eins helsta frumkvöðulsins í þessu mútumáli. Hvar er þetta lið? Það er ekki einu sinni 2007. Það er ekki í tengslum við neitt.

Nöfn fyrirtækja ekki rædd í miðstjórn

Lokað fyrir austan?

Samkvæmt þessari frétt virðast skíðasvæðin fyrir austan vera lokuð, bæði í Stafdal og Oddsskarði. Nema að ástæðan sé, eins og oft áður, að forsvarsmenn þessara frábæru skíðasvæða gleymi að láta fjölmiðla vita. Annars eru vefsvæði austfirsku skíðasvæðana þessi en kannski hafa þeir gleymt að uppfæra þau líka.

http://www.oddsskard.is/

http://isl.east.is/Forsida/Afthreying/Skidi/Stafdalur/

Viðrar vel til skíðaiðkunar

Klessti á!

Hvers konar málfar er þetta? "Klessti á." Er sá sem ritar þetta ennþá á leikskólaaldri? Í það minnsta í málfarsþroska. Ég hef séð þetta orðskrípi notað á vísi.is en þetta er í fyrsta skipti sem ég sé það á mbl.is. Sendið viðkomandi fréttaskrifara aftur í leikskólann.

Viðbót kl 11:29 Batnandi mönnum er best að lifa. Nú er búið að breyta fréttinni. Í stað þess að klessa á lenti bíllinn á ljósastaur. Öllu skárra. Svona var fréttin: Umferðarslys varð á mótum Bústaðavegar og Reykjanesbrautar á þriðja tímanum í nótt. Ökumaður missti stjórn á bíl sínum og klessti á ljósastaur. Kalla þurfti til slökkvilið til að aftengja rafmagnið í staurnum og klippa farþegana út. Þeir hlutu minniháttar meiðsl.

Hvernig getur staðið á því að ökumaður missi stjórn á bíl sínum við mjög góðar aðstæður.  Engin hálka, lítil umferð en ölvaður ökumaður.

Umferðarslys og fíkniefnaakstrar

Barnalegar afsakanir

Óttalega eru þær barnalegar þessar afsaknir Sjálfstæðismanna. Heldur Bjarni virkilega að fólk kaupi þetta allt saman hrátt? Mennirnir sem vissu ekki neitt, Kjartan og Andri, eiga nú að sögn Bjarna, að hafa vitað allt um "styrkina." Guðlaugur Þór hafði bara samband við tvo gamalgróna sjálfstæðismenn og bað þá að safna peningum fyrir flokkinn. Hann vissi svo ekkert meira um það mál. Þetta er álíka og að útgerðarmaður sendi skip sitt á sjó. Standi svo á bryggjunni þegar það kemur í land og honum dettur ekki í hug að spyrja um aflabrögð.

Svona er ruglið hjá sjálfstæðismönnum núna. Þeir eru búnir að ljúga í og úr og vita ekkert hvernig þeir eiga að snúa sig út úr klúðrinu. Allir vissu allt þótt enginn þættist vita neitt. Geir var hættur í pólitík og hann ákvað að taka þetta á sig. Bjarni hélt líka að nóg væri að skila 55 milljónunum aftur og þá væri málið dautt. Hvernig á skítblankur Sjálfstæðisflokkurinn að skila þessum peningum? Þar fyrir utan væri skynsamlegast að skila þessu til þjóðarinnar en ekki gjaldþrota fyrirtækja sem eru búin að hafa milljarða af þjóðinni.

Segir báða framkvæmdastjóra hafa vitað af styrkjunum