Hvar eru lánskjaravísitölugaurarnir?

Getur það verið að við þurfum að semja um hækkað orkuverð þegar heimsmarkaðsverð á orku hleypur upp úr öllu valdi. - Hvar eru þessir lánskjaravísitölutölutryggðu gaurar eins og Frikki Sóph???? - Hvar er Davíð???? - .....eða Geir???

Verð í orkusölusamningum er ekki óbreytanlegt

Hreindýr i í vernduðu umhverfi

Sé þarna í fréttinni vangaveltur um að hreinkýrin hafi ekki fellt horn. Getur það ekki haft með það að gera að hún lifir í vernduðu umhverfi og þarf ekki að krafsa eftir fæðu eins og hún þyrfti ef hún lifði á fjöllum. Náttúran gerir  ráð fyrir svona löguðu. Til dæmis leita hreintarfar alltaf niður á láglendi eftir að hafa þjónað kúnum og þær halda þá hornunum til að hafa í sig og á.

Regína fæddist í húsdýragarðinum

Af hverju ekki lóðrétt?

Ekki veit ég hvers vegna sveitungar mínir hér nyrðra kjósa frekar að láta skrokkinn ósviðinn í jörðu. Sama er mér hvað verður um minn að anda mínum dauðum en vil samt benda á góðan möguleika sem íslenskukennari minn á Skaganum áður fyrr benti oft á. Sjáiði til, sagði hann, hversvegna ekki að jarða menn lóðrétt? - Þá þarf ekki nema staurabor og plássið sem hvert lík tekur er nánast ekki neitt. 

Bálfarir einungis um 1% útfara á Akureyri

Bara misskilningur

Er það ekki bara hreinn misskilningur að Björn Bjarnason sé dómsmálaráðherra?  Hann segist ekkert hafa með þessi mál að gera og vísar í lögin. Samt er það nú svo að Alþingi setur lögin og Björn er yfirmaður dómsmála og á sæti á Alþingi. - Þetta er einn allsherjar misskilningur.

Björn: „Ég hef ekki valdið“

Tími til kominn

Það er gott til þess að vita að einhver hreyfing er á stjórnmálamönnum varðandi úrskurð mannréttindanefndarinnar. Það sem bent er á í þessari ályktun er fullrar athygli vert og löngu orðið tímabært að fara yfir úthlutunarreglur kvótakerfisins. Nú er bara að sjá hvort ályktunin nær inn á borð ríkisstjórnarinnar en þetta er lofsverð viðleitni hjá Sjávarútvegs- og landbúnaðarnefnd Samfylkingarinnar.

Samfylkingin: Nauðsynlegt að taka úrskurð mannréttindanefndar alvarlega

Þar kom að því......

.....að Ingibjörg Sólrún gerði eitthvert gagn eftir að hún varð utanríkisráðherra....og það í einhverri vitlausustu keppni sem við tökum þátt í.

Íslendingar eiga marga stuðningsmenn í Eistlandi

Brýnt mál á góðri leið

Það er gott til þess að vita að unnið sé hratt að undirbúningi samgöngumiðstöðvar í Reykjavík. Hverri höfuðborg er nauðsynlegt að hafa slíka miðstöð. Það styttist því í að flugfarþegar til og frá höfuðborginni hætti að notast við stríðsminjarnar, sem núna þjóna sem flugstöð. Ekki er nú fullkomlega hægt að átta sig á byggingunni á þessari mynd en hún verður á góðum stað og á að þjóna öllum samgöngum í lofti og á landi . Við skulum vona að þessi þúsund bílastæði nægi en skortur á þeim hefur verið við helstu flugstöðvarnar hingað til hvort sem er í Reykjavík, á Akureyri eða Egilsstöðum. Það er nefnilega þannig að flugfarþegarnir taka ekki bílana með sér.

Myndir af væntanlegri samgöngumiðstöð sýndar

Það má ekki pissa bak við hurð

Ætli þetta sé rétt haft eftir manninum: „Þetta er hluti af þessari vinstristefnu, að tala niður atvinnulífið: Að hér megum við ekki virkja, ekki byggja upp atvinnutækifæri út um land byggð á framkvæmdum við okkar náttúruauðlindir, hér megum við ekki veiða hvali með sjálfbærum hætti," - getur verið að þetta hafi verið sagt á alþingi núna árið 2008? Hann er að minnsta kosti sagður þingmaður í fréttinni, sá sem sagði þetta. Þessi orð hefðu verið líklegri í þingræðu þegar kalda stríðið var í hámarki. Greyið karlinn, allt bannað, ekkert hægt að gera fyrir þessu bullandi vinstra liði kannski að það segi næst hið sama og skáldið: "Það má ekki pissa bak við hurð"

Burt séð frá þessu, þá er ég sammála honum um að skilja ekki afstöðu Samfylkingarráðherra varðandi hvalveiðar. Þær eru orðnar lífsnauðsynlegar fyrir þjóðina ef við ætlum að halda áfram fiskveiðum

Vinstristefna að tala niður atvinnulífið

Sameining lögregluumdæma kallar á meira eldsneyti

Auðvitað er það góðra gjalda vert að hvetja lögregluna til eldsneytissparnaðar eins og aðra. Einhvern veginn finnst manni samt að þetta fari illa saman við þær sameiningar sem gerðar hafa verið á lögregluumdæmum landsins. Þau ná sum hver yfir mjög stór landssvæði og það kallar því á mikinn akstur. Kannski er hægt að vera með einhverja neyslugrennri bíla en þó ekki allsstaðar því aðstæður kalla oft á stóra og orkufreka jeppa. Hún snýst stundum upp í andhverfu sína hagræðingin við sameiningar.

Lögreglan dragi úr eldsneytisnotkun

Ætli það sé ekki fleira en grænmetið undir fölsku flaggi

Íslenskt vatn það eina íslenska við sumt af grænmetinu. Sumir hafa nú verið að segja svipað um Volvoinn að ekkert sé sænskt í honum nema vatnið á vatnskassanum og loftið í dekkjunum, en það er nú önnur saga.

Það er gott hjá Jónsen að vekja athygli á þessu. Líklega er þó víða pottur brotinn í þessu. Í það minnsta eru sardínur í dósum með íslenskri áletrun örugglega ekki íslenskar. Hvað með grænu baunirnar, maískornið, þurrkaða ávexti og margt fleira? Sumu af þessu er kannski pakkað hér á landi en ekki nærri öllu þótt áletranir séu íslenskar. Hvernig er það svo með kjötfarsið og hakkið? - Ætli það sé allt úr íslensku kjöti? - Svona má ábyggilega lengi telja, því eftirliti er ábótavant. - Örugglega er ýmislegt, sem við kaupum undir fölsku flaggi.

Grænmeti þvegið úr íslensku vatni og selt sem íslenskt