Akureyringar kunna ekki að aka í snjó

Hálkuvarnir á Akureyri eru ótrúlega lélegar. Þar er aldrei byrjað að ryðja snjó fyrr en umferðin er búin að þjappa hann. Akureyringar hafa alltaf talið sig manna best kunna að aka í snjó og telja því snjóruðning aukaatriði. Þessu kynntist ég vel í þann tíma er ég bjó á Akureyri. Aldrei hef ég séð fleiri árekstra og smá nudd á milli bíla en þar. Bæjaryfirvöld þurfa að gera átak í snjómokstri og byrja fyrr á morgnanna áður en umferðin fer af stað.

Bílvelta á Akureyri

Athugasemdir

[Stefán (IP-tala skráð) 7.10.2009 kl. 09:41]

Það er ekki það að Akureyringar kunna ekki að aka í snjó.... barnalegt að halda því fram að íbúar í einu bæjarfélagi kunni ekki eitthvað ... bara heilt yfir línuna.  Hér á árum áður var snjóþyngra á Akureyri en er í dag og sú kynslóð kannski betur tilfallinn að keyra í snjó en óhöppinn gerast og getur hver sem er lennt í því.. Það er ekki mikill snjór á götum bæjarins í dag en hálkublettir hér og þar, snjómokstur??  maður spyr sig

[Anna Guðný , 7.10.2009 kl. 10:48]

Hvaða snjó átti að moka í morgun? Var sjálf á ferð í þorpinu í morgun. Þar var enginn snjór. En það var hrikalega hálka og því keyrðum við mjög varlega. Komumst líka hjá árekstri.

Það skiptir ekki máli hvar þú ert á landinu. Ef bíllinn þinn er ekki undirbúinn fyrir þessar aðstæður þá skiptir góður bílstjóri minna máli.

Auðvitað eru vitleysingar hér eins og annar staðar á landinu.

Hafðu það gott þar sem þú býrð í dag.

[corvus corax, 7.10.2009 kl. 11:26]

Ólyginn sagði mér að ökumaðurinn í viðkomandi frétt hafi lært á bíl í Reykjavík og sé nýfluttur í bæinn. Sel þetta ekki dýrar en ég keypti.

[Hjörtur Herbertsson, 7.10.2009 kl. 11:59]

Er ekki alveg sammála höfundi, að Akureyringar kunni ekki að aka í snjó. Að vísu er einn og einn sem eflaust þyrfti meiri reynslu í snjóakstri. En eins og fram hefur komið hér, þá er varla hægt að tala um að það hafi verið snjór, smá föl en fljúgandi hálka. Hvað hálkuvarnir varðar, þá tel ég þær síður en svo lélegar, við sjálfsagt flestir Akureyringar viljum ekki fá sama saltaustur á götur bæjarins eins og gert er í Reykjavík. Fólk verður svo að temja sig við það að keyra miðað við aðstæður, og leggja fyr af stað í vinnu og skóla þegar aðstæður eru slæmar til aksturs.

[Haraldur Bjarnason, 7.10.2009 kl. 13:56]

Þetta hefur örugglega verið utanbæjarmaður

[Árni Viðar Björgvinsson, 7.10.2009 kl. 20:52]

Ekki skal ég dæma ummæli þín Haraldur þrátt fyrir að Norðlendingar kunni svo sannarlega betur að keyra í snjó en sambýlingar mínir á höfuðborgarsvæðinu. Ef ég færi út í slíka sálma yrði ég pirraður og tel það óþarfa hér.

Hins vegar má kannski bæta því við fréttina sem auðvitað enginn veit nema keyra reglulega á Akureyri, að Borgarbraut er vegur sem mér skilst að sé rúmlega leyfilegan halla, og hlykkjast eins og snákur niður heljarinnar gil meðfram Gleránni. Það þarf ekki einu sinni glæru til þess að ökumenn eigi auðvelt með að missa stjórn á bílnum þegar verið er að keyra niður þessa götu hraðar og óvarlegar en aðstæður leyfa. Þegar þú blandar saman óreyndum ökumanni (alveg sama þó hann sé innfæddur og uppalinn Akureyringur, þá eru 'loggaðir' hálkudagar í akstri það sem skiptir höfuðmáli), óvarlegum akstri og glæru, þá hlýtur alltaf að fara eins og fór þarna. Þó gæti alveg eins hafa farið svona ef amma mín hefði verið að keyra þarna á 40.

Hann má bara þakka fyrir að hafa ekki farið framaf, oní ánna,

Hvað snjómokstur á Akureyri þá hefur það nú aldrei verið vandamál þau 10 ár sem ég keyrði í snjó og hálku þar. Það reyndar klikkaði fyrsta veturin eftir að maðurinn sem sá alltaf um þetta hætti störfum (2-3 vetur síðan) og það gleymdist að bóka gröfur og hefla fyrir fyrsta snjó, en að því frátöldu skilst mér að hann hafi bara staðið sig ágætlega í nýja starfinu síðan.

[Eyrún Huld Haraldsdóttir, 8.10.2009 kl. 18:53]

Heyrðu gamli - passaðu samhengið á milli fyrirsagnar og innihalds! Flestir Akureyringar eru vaflaust góðir bílstjórar en það er við mokstursmálin að sakast fyrst og fremst. Auk þess sem þessi bær er nær ófær á veturna vegna hálku, lítið sandað og auðvitað ekkert saltað nema kannski gilið.

Mín gata hefur verið rudd þrisvar sinnum þessi þrjú ár sem ég hef búið hér...eitt skiptið hringdi ég um miðjan vetur þegar mér blöskraði hæðarmunurinn á minni götu og aðalgötunni! Kveðja að norðan.

[Haraldur Bjarnason, 9.10.2009 kl. 09:36]

Þetta er auðvitað rétt hjá þér Eyrún. Akureyringar kunna alveg að aka í snjó. Þetta er hins vegar skemmtileg fyrirsögn og kallar á viðbrögð.