Smámál

Uss og iss, smá spiss er smámál miðað við alla þá sem migið hafa yfir þjóðina undanfarin ár. Honum varð bara smámál. Er viss um að yfirlögregluþjóninn á Ísafirði kippir sér ekki upp við svona smá mál.

Pissaði framan við lögreglustöðina

Athugasemdir

[Hlynur (IP-tala skráð) 24.8.2009 kl. 21:31]

Hvað er þetta með suma í dag? Það er alveg sama hvað sorafrétt birtist, alltaf við viðkvæði; iss, þetta er nú ekkert miðað við það sem hinn gerði. Er sem sagt allt leyfilegt í dag sem er minna mál en að setja þjóina á hausinn? Er það þannig þjóðfélag sem þú vilt búa í haraldur?

Ef einhver skvetti málningu á húsið þitt, lakkaði bílinn þinn og kveikti svo í honum. gengi því næst upp á tröppurnar og skiti þar og migi. Myndirðu þá bara segja; iss þetta er nú ekkert miðað við alla þá sem hafa migið yfir þjóðina. Það er svona hugsun sem veldur hnignun samfélagsins. 

[Haraldur Bjarnason, 26.8.2009 kl. 09:20]

Þú, sem kallar þig Hlyn, ég skil ekki þessa samlíkingu þín með þetta smá piss og að skvetta málningu á hús, lakka bíl og kveikja svo í. Þetta er svo langt frá orðaleiknum sem ég var með í þessum pistli. Ég vil ekki búa í þjóðfélagi ofbeldis og ef þú lest það sem ég skrifaði ættirðu að sjá það.