Trillukarlar

Trillukarlar hafa alltaf verið sér á báti. Í eina tíð veiddu menn frjálst. Það hentaði trillukörlum vel. Svo komu einhverjir sóknardagar, að mig minnir og svo kvótakerfi á smábáta og dagakerfi á smábáta sem ekki mátti selja úr. Síðan var trillukörlum heimilt að selja yfir til stóru bátanna. Þá var fjandinn laus. Menn græddu á tá og fingri. Fóru með peningana í allskonar sjóði en nú eru þeir hrundir en auðvitað eru þessir menn þá í vandræðum. En spurningin er hver á bjarga þeim. Þjóðin eða?????

Veruleikafirrtur grátkór

Athugasemdir

[Ómar Bjarki Smárason, 21.5.2009 kl. 00:35]

Það er nokkuð ljóst, frændi, að trillukarlar eru mjög sér á báti og jafnvel oft einir.... En af hverju ekki að kanna hvort kenningar Jóns fisks og Krisins Péturssonar eru réttar eður ei og leyfa trillukörlunum að draga björg í bú í auknum mæli og bjarga þannig sjálfum sér frá atvinnuleysi og leiðindum auk þess að skaða störf í landi út um allt land.  Ég held að þetta gæti alveg verið tilraunarinnar virði.  Þetta má vonandi gera án þess að spyrja LÍÚ og varla lætur Jón ráðherra þá beygja sig ef hann vill leggja sitt lóð á vogaskálar og efla atvinnu, velsæld og sjálfsvirðinu þegnanna.

[Fannar frá Rifi, 21.5.2009 kl. 01:57]

"Síðan var trillukörlum heimilt að selja yfir til stóru bátanna." síðan hvenær var það leyft? veistu ekki að þetta er ekki svona? þessu er algjörlega öfugt farið. það er ekki hægt að færa úr minna kerfinu (trillunum) yfir í stórakerfið. en trillur geta keypt af stærri bátum kvóta og veitt hann.

[Haraldur Bjarnason, 21.5.2009 kl. 08:49]

Fannar það var leyft þegar þeir fóru í kvótakerfið. Þá skipti stærð báta engu. Þetta veistu.

[Anna Sigríður Guðmundsdóttir, 21.5.2009 kl. 10:55]

Kristinn Pétursson hefur rétt fyrir sér og við höfum ekki efni á að hafa hann ekki við stórnvölinn í fiskveiði.

Hef fylgst með skrifum hans í dálítinn tíma og gladdist mjög yfir að einn skuli vera með allann pakkann. það er þekkingu, reynslu, hæfileika til að koma visku sinni á framfæri á skilmerkilegann hátt.

Heilbrigða skynsemi hefur hann líka.

Hann er semsagt einn með öllu.

[Haraldur Bjarnason, 21.5.2009 kl. 13:56]

Anna. Ég er sammála þér með Kristinn. Hann hefði fyrir löngu átt að vera sjávarútvegsráðherra. Gallinn er sá að hann er svo gegnsýrður sjálfstæðismaður drengurinn og þar komast þessi sjónarmið ekki fyrir.