Svo rífa Norðmenn kjaft

Þetta er eftir sjávarútvegsspekúlöntum Evrópusambandsins og Norðmanna. Skrítið að Færeyingar skuli haga sér eins. Svo koma Norðmenn rífandi kjaft og segja Íslendinga stunda rányrkju, hóta að kaupa ekki mjöl af Íslendingum, sem þeir geta þó ekki verið án, vegna stórfellds laxeldis. Auðvitað veiðum við makrílinn í íslenskri lögsögu eins og aðrar fisktegundir sem eru farnar að venja komu sínar í íslensku lögsöguna með auknum sjávarhita. Sérstaklega má þar nefna skötuselinn sem gengur orðið upp undir fjörur hér við land.

Svara ekki boði um makrílfund

Athugasemdir

[Jóhann Elíasson, 9.4.2009 kl. 15:20]

Þessi framkoma Norðmanna undirstrikar það bara hvernig þeir haga sér gagnvart minni þjóðum.  Íslendingar hafa aldrei riðið feitum hesti eftir samskipti sín við Norðmenn.

[Haraldur Bjarnason, 9.4.2009 kl. 20:12]

Hárrétt Jói. Svona hafa þeir látið út af síld og loðnu þessir eiginhagsmunaseggir. Í samskiptum við Íslendinga í sjávarútvegsmálum hafa Norðmenn alltaf verið úlfar í sauðagæru. Svona verður þetta í olíunni á Drekasvæðinu líka.