Hvers vegna ekki austur?

Austfirðingar eru smá saman að tapa sínum þingmönnum eftir stækkun kjördæma. Framsóknarmennirnir fóru við síðustu kosningar og nú Samfylkingarfólkið. Sigmundur Ernir lítur greinilega sig sem fulltrúa Norðlendinga enda talar hann um að flytja norður. Hann veit kannski ekki að kjördæmið nær frá Siglufirði í norðri allt suður til Djúpavogs. Hvers vegna flytur hann ekki austur?

Næsta skref að flytja norður

Athugasemdir

[Óskar Þorkelsson, 8.3.2009 kl. 09:12]

frá landnámi hafa austfirðir alltaf verið utanveltu.. og svo mun einnig vera í framtíðinni.. ef valið stæði milli Egilstaða eða akureyrar þá væri valið auðvelt fyrir mig..

[Jónína Rós Guðmundsdóttir, 8.3.2009 kl. 09:52]

Bull og vitleysa, Austurland er afar vel í sveit sett, og við getum svo sannarlega eignast nýjan þingmann ef við ætlum okkur það - maður getur nefnilega allt sem maður ætlar sér

[Haraldur Bjarnason, 8.3.2009 kl. 10:25]

Óskar. Þú ert ruglaður og hefur alltaf verið!!!! Því miður Jónína Rós. Þetta var það sem réði úrslitum. Nú verða Austfirðingar án þingmanna. Líklega um ókomna framtíð. Gallinn er að Austfirðingar koma sér aldrei saman um nokkrun skapaðan hlut eins og til dæmis að forgangsraða jarðgöngum. Því sitja þeir eftir.

[Óskar Þorkelsson, 8.3.2009 kl. 10:38]

Þú mátt alveg kalla mig ruglaðan Haraldur ef þér líður eitthvað betur með það.. en austfirðir hafa ALLTAF verið afskiptir hvort sem þér líkar það betur eða verr..  þarft ekki annað en að skoða íslendingasögurnar til þess að sjá að svo hefur verið frá landnámi.   Svo ef þér finnst það vera rugl Haraldur þá ertu bara að afneita íslendingasögunum .....  Ég get vel farið miklu dýpra í þetta en það er óþarfi held ég því ég hef það oft á tilfinningunni að maður tali fyrir tómum eyrum og því óþarfi að elta ólar við það. ..

[Haraldur Bjarnason, 8.3.2009 kl. 10:49]

Óskar þetta með ruglið var nú bara djók. Fyrst þú ferð í Íslendingasögur þá er rétt að minn á Fljótsdælu og sjá hve framsýnir Austifrðingar hafa alltaf verið. Þeir voru á undan öllum öðrum seinna meir.  Þar byrjuðu t.d. síldveiðar. Þar kom síminn á land og fysta alemnningsrafveitan. Viltu að ég nefni meira.? Reykjavík hefði verið afskipt ef síminn hefði ekki komið til Seyðisfjarðar 1906 og loftlínur lagðar þaðan norður um land og suður. Hvað ertu svo að tala um afskipta Austfirðinga þeir hafa alltaf séð fyrir því að Suð-Vesturhornið hélst í sambandi við umheiminn. 

[Hjörtur Herbertsson, 8.3.2009 kl. 10:59]

Gott mál hjá Sigmundi að flytja til Akureyrar, þá sé ég ekki betur en þessir tilvonandi þingmenn séu dreifðir um kjördæmið, Siglufjörður, Akureyri og Egilstaðir. Sf fær pottþétt 3 þingmenn, spurning með 4, hvað vilji þið hafa þetta betra.

[Óskar Þorkelsson, 8.3.2009 kl. 11:00]

Þetta er allt rétt hjá þér Haraldur, austfirðingar hafa verið framsæknir enda hafa þeir verið þeirra gæfu aðnjótandi að hafa meiri aðgang að erlendum sjómönnum en aðrir landshlutar , kannski fyrir utan vestfirði.. en að vera afskiptur þá er ég að tala um hið ríkjandi vald að sunnan.. úr landnámi Ingólfs frá landnámstíð..

fyrir ár 1974 var akstursleiðin að Höfn í Hornafirði óhemjulöng og ef styttri leiðin var valin , einnig óhemju hættuleg.  

almennilegir vegir austur koma ekki fyrr en undir 1980.. 

veggöng fara ekki að sjást þarna fyrr en fyrir örfáaum árum.. á meðan eru norðlendingar og vestfirðingar að grafa göng í hvert krummaskuð sem þeir finna...  þetta er að vera afskiptur.. 

ef við förum út í heilsugæslu á svæðinu þá sést vel hvar ríkið hefur sparað !! 

Svo þá erum við komnir að ástæðu bloggsins.. afhverju velur Sigmundur Ernir Ak framyfir hérað ?   Ég sé margar augljósar ástæður fyrir því..

[Haraldur Bjarnason, 8.3.2009 kl. 11:14]

Einfalt Óskar. Sigmundur Ernir var að bjóða sig fram fyrir norðan, ekki austan. Enda er kjördæmið orðið Norðlendinga.