Davíð minntist ekki á það

Peningaflutningar frá Bretlandi voru þá ekki ástæða þess að hryðjuverkalögin voru sett, eins og Davíð sagði í Kastljósi. Davíð minntist ekki á samtal Árna og Darling þó svo hann þykist allt vita. Hvert atriðið af öðru sem hann sagði þar hefur nú verið hrakið svo ekki var seinna vænna en hrekja hann úr Seðlabankanum. Eitthvert klúður í dýralækninum úr Hafnarfirði var ein aðalástæða þess að nú er þjóðin á hausnum. Heimili landsins og fyrirtæki stefna í þrot og allt vegna einhverra vanhugsaðra orða Árna Math. Hann hefur nú sem betur fer ákveðið að hætta í stjórnmálum en það eitt og sér bætir ekki skaðann sem orðinn er.

Hryðjuverkalög vegna samtals Árna við Darling

Athugasemdir

[Guðmundur Ásgeirsson, 27.2.2009 kl. 09:34]

Verði hann dæmdur fyrir þessi afglöp telst hann persónulega ábyrgur fyrir skuldbindingum sem af því hljótast (ekki þjóðin!) samkvæmt alþjóðalögum. Væri ekki hæfi að skoða það nú, fyrst hann ætlar sér hvort eð er ekki að vera áfram í pólitík hví ekki að fara í hvíldarleyfi á Kvíabryggju? Það eina sem gæti veitt manninum uppreisn æru væri einmitt ef hann myndi taka að sér að sitja af sér skuldina fyrir hönd þjóðarinnar. Auk þess höfum við fordæmi fyrir því að fangelsisdómur þarf ekki að koma í veg fyrir þingsetu í framtíðinni ef honum snýst hugur um það, en fyndið samt hvað það virðist ekki kunna góðri lukku að stýra að heita Árni og vera Sjálfstæðismaður...

[Gunnar Th. Gunnarsson, 27.2.2009 kl. 11:22]

Samtal árna við Darling var birt opinberlga hér í blöðum. Menn virtust þá sammála um að ekkert hefði verið athugavert við orð Árna.

[Sigrún Jónsdóttir, 27.2.2009 kl. 11:31]

Gunnar Th.  Sjálfstæðismenn virtust þá sammála um að ekkert hefði verið athugavert við orð Árna.  það voru um þetta deildar meiningar.

[Gunnar Th. Gunnarsson, 27.2.2009 kl. 11:58]

Ég vil nú draga mat manna á samtali Árna/Darling út fyrir flokkadrætti.

[Gunnar Th. Gunnarsson, 27.2.2009 kl. 11:59]

Ef það er faglegt mat að Árni hafi talað óvarlega, þá hvarflar ekki að mér að verja hann.

[Hlédís, 27.2.2009 kl. 15:15]

Er þörf á að ljúga upp á Árna? "Belive it, or not" Sagði Darling og laug lóðbeint, hafi hann kennt vesalings drengstaulanum um gjörðir bresku stjórnarinnar..

[Haraldur Bjarnason, 27.2.2009 kl. 18:34]

Hvort sem það var Árni eða Davíð....skiptir engu....Íhaldið sá til þess að hryðjuverkalögin voru sett.

[Hlédís, 27.2.2009 kl. 18:46]

" Það eru nú ekki allar syndir gvuði að kenna" sagði kellingin

[Hafsteinn Viðar Ásgeirsson, 27.2.2009 kl. 23:05]

Þar fyrir utan, þurfti og átti Árni þessi engu að svara Darling, þetta mál var bara ekki á hans könnu. En það er bara eftir öðru á þessum bæ...