Malarvinnslan of stór biti

Slæmt er til þess að vita að Kaupfélag Héraðsbúa sé komið í þrot. Við þessu mátti þó búast eftir að Malarvinnslan fór á hausinn. Það að Kaupfélagið skyldi kaupa Malarvinnusluna undir lok framkvæmdatíma við stóriðju og virkjun á Austurlandi vakti athygli og líklega hefur þetta stóra verktakafyrirtæki verið of dýru verði keypt. Ekki er ólíklegt að einhverjir bændur geti farið illa út úr því ef KHB verður gjaldþrota. Þeir hafa haldið tryggð við það í eina öld og byggt það upp í eitt stærsta fyrirtæki sem starfað hefur á Austurlandi. Vonandi tekst mönnum að greiða eitthvað úr þessu svo fólk missi ekki vinnuna.

Kaupfélag Héraðsbúa í þrot

Athugasemdir

[Þórbergur Torfason, 7.2.2009 kl. 10:55]

Er ekki einhver vildarvinagreiðalykt af þeim gjörning þegar KHB keypti apparatið Halli?

[Haraldur Bjarnason, 7.2.2009 kl. 13:03]

Held varla Beggi.

[Þórbergur Torfason, 7.2.2009 kl. 14:31]

Þú þekkir andann þarna betur en ég og ég trúi þér þó reyndar mér mundi ekki bregða þó einhversstaðar hafi verið pinkill með klinki hjá kaupfélaginu til að bjarga vini.