Hvernig reið er þessi langreið? - Glerhúsamenn hneykslast

Hvernig reið er er þessi langreið, er hún kannski eitthvað í ætt við gandreið? Ég hélt það væri langreyður sem ætti að veiða hér við land. Langreyður heitir hún, um langreyði, frá langreyði, til langreyðar.

Annars er það merkilegt fyrir þennan alþjóða dýraverndunarsjóð hve vel stjórnendur telja sig fallna til að hafa vit fyrir öðrum jafnt vísindamönnum sem stjórnvöldum. Þessar veiðar eru samkvæmt ráðum vísindamanna og ekki eru íslenskir vísindamenn þekktir fyrir að ofmeta stofna. Fimm ára veiðiáætlun er samkvæmt því sem gerist hjá Alþjóða hvalveiðiráðinu og til dæmis er notuð þegar hvalveiðikvóti einnar mestu hvalveiðiþjóðar heims, Bandaríkjamanna, er ákvarðaður. Það má vel færa rök fyrir því að engin dráp séu mannúðleg. Allra síst dráp á fólki, sem margar þjóðir stunda skipulega Hvalveiðar eru ekkert ómannúðlegri en margt annað sem mannskepnan gerir sér til fæðisöflunar. Þeim sem í glerhúsum búa ferst ekki að kasta steinum.

IFAW: Undrun og vonbrigði

Athugasemdir

[Óskar Þorkelsson, 27.1.2009 kl. 23:00]

þverskorin hval á grillið takk... án rengis

[Haraldur Bjarnason, 27.1.2009 kl. 23:08]

Súran hval í þorratrogin, Óskar!

[Óskar Þorkelsson, 27.1.2009 kl. 23:12]

já þar má rengið súrna..

[Steingrímur Helgason, 27.1.2009 kl. 23:45]

Hverzu reið væri þezzi lángreið eftir gandreið, of reið ?

[Guðmundur Ásgeirsson, 28.1.2009 kl. 01:10]

Hún yrði sennilega öskureið og myndi halda heim á leið, ergo: heimreið.

En frúin á mínu heimili verður langreið ef gleymist að skipta um kattasand...

Langreið, langreiðari, steypireið!