Er tímabært að fagna?

Þarna voru, þegar ég átti leið hjá áðan, nálægt 50-100 manns að berja bumbur og ljósastaura, sem greinilega eru orðnir málningar þurfi eftir atgang síðustu daga. Alþingishúsið hefur líka látið á sjá, brotnar rúður eggjarauðuklessur á veggjum. Kannski er ekki alveg ljóst strax hverju á að fagna og því hafi ekki fleiri þarna. Davíð situr enn og allir topparnir í stjórnkerfinu, sem eiga ekki síst sinn hlut í því hvernig málum er komið. Nú er spurning hvernig gengur hjá Ólafi Ragnari að ræða við formenn flokkanna í kvöld. Hverju það skilar og hvaða stjórnarmyndun verður reynd.

  Frá Austurvelli kl. 16.30 í dag

Fámennur fögnuður

Athugasemdir

[Óskar Þorkelsson, 26.1.2009 kl. 18:50]

Þetta er áfangasigur.. DO verður rekinn fyrir helgi , Jóhanna sér um það .. þá er að nást fullnaðarsigur fyrir mótmælendur.

[Haraldur Bjarnason, 26.1.2009 kl. 20:58]

Get svo sem tekið undir þetta með þér Óskar um áfangasigurinn en hvenær Davíð fýkur, veltur allt á hvernig gengur að mynda stjórn og hverjir verða í henni. Hvorki þjóðstjórn né utanþingsstjórn kom til með að sparka Davíð en stjórn Samylkingar og VG með aðkomu Framsóknarflokks og jafnvel Frjálslyndra, sparkar honum strax. Þá er líka leiðin greið framundan.

[Þórbergur Torfason, 26.1.2009 kl. 23:20]

Halli minn. Dettur þér í hug að eitthvað sem heitir "framsókn" stuggi við Davíð Oddssyni? Nei vinur minn hann Davíð hefur nú of mikið á eigendur framsóknar (þá sem skiptu um formann í miðri talningu) til að þeir taki þátt í að hrófla við honum hróinu.

[Hólmdís Hjartardóttir, 27.1.2009 kl. 00:29]

DO verður rekinn fyrir helgi

[Þórbergur Torfason, 27.1.2009 kl. 00:49]

Hólmdís! Vona að fullyrðing eigi við einhver rök að styðjast.

[Hólmdís Hjartardóttir, 27.1.2009 kl. 02:03]

Haraldur nú er ég bara alveg bit