Yfirborðskenndar sameiningar

Fyrir um áratug eða meira var öll heilsugæsla á Austurlandi sameinuð undir einn hatt í Heilbrigðisstofnun Austurlands, HSA. Ég get ekki séð að nokkur sparnaður hafi falist í því. Í það minnsta hafa stöðug peningavandræði verið hjá þessari stofnun síðustu ár. Kannski er það vegna þess að ríkisvaldið skammtar naumt og ákveður fyrirfram sparnaðinn, sem ekki verður. Allar þessar sameiningar í heilbrigðiskerfinu eru yfirborðskenndar.

Læknaráð HAK lýsir ánægju með núverandi rekstrarform

Athugasemdir

[Gunnar Th. Gunnarsson, 15.1.2009 kl. 22:41]

Ég held að ástæðan fyrir blankheitum stofnunarinnar hafi verið sú að kostnaður vegna Kárahnjúka og Bechtel-búðanna á Reyðarfirði var mun meiri en gert var ráð fyrir.

[Þórbergur Torfason, 16.1.2009 kl. 00:22]

Var ekki gert ráð fyrir fjölgun íbúa meðan framkvæmdir stóðu yfir. Mig minnir að læknir uppfrá hafi sérstaklega verið á aukafjárlögum.

[Gunnar Th. Gunnarsson, 16.1.2009 kl. 00:47]

Ég heyrði einhverntíma þá skýringu að kostnaðurinn vegna fjölgunarinnar hafi verið vanreiknaður.

[Þórbergur Torfason, 16.1.2009 kl. 00:55]

Það er mjög líklegt og samkvæmt viðtekinni venju. Þ.e. að kostnaður fari fram úr áætlun. Þarf ekki að vera vanreiknað heldur kannske helst til laus taumurinn eins og svo oft vill verða þegar vantar hæfan stjórnanda.