Verðfelldur þjófnaður

Minn lífeyrissjóður ætlar að lækka dráttarvexti hjá vinnuveitendum niður í 10% í 18% verðbólgu. Nú veltir maður fyrir sér hvort þeir sem eru með lán hjá sjóðnum njóti sömu kjara? Hvaða rétt hefur sjóðurinn, frá okkur sem eigum hann, til að gera þetta? Vinnuveitendur eru líka búnir að draga þetta af sínum starfsmönnum og það að skila því ekki til lífeyrissjóðsins er því hreinn þjófnaður, sem þarna er verið að verðfella. Skildi stjórnarseta vinnuveitenda í lífeyrissjóðum launafólks eitthvað hafa með þetta að gera? 

Stapi lækkar tímabundið dráttarvexti af iðgjaldskröfum

Athugasemdir

[, 20.12.2008 kl. 09:39]

Ja það skyldi þó ekki vera?

[Magnús Sigurðsson, 20.12.2008 kl. 11:02]

Halli enn og aftur það þarf að stefna stjórnendum lífeyrissjóðanna, okkur er gert með lögum að láta 12% tekna okkar til þeirra. 

Núna er Pétur Blöndal með hugmyndir um þriggja ára skyldusparnað á launafólk svo að hægt verði að endurfjármagna bankakerfið. 

Það hefur engum dottið í hug að fækka ríkisbönkunum til að draga úr kostnaði skattgreiðenda.  Þetta fólk sem stjórar er ga, ga, og pikkfast í úreltum gildum.

[Rut Sumarliðadóttir, 20.12.2008 kl. 11:16]

Fækka þingmönnum um helming, hvað höfum við að gera við yfir 60 manns á þingi? 90 % óvirkir hvort eð er. Engan forseta, nýta rándýra útanríkisþjónustuna. Lestu bloggið hennar Jakobínu Ólafs, hún er að segja frá því að Vigdís Finnboga fái enn greitt úr ríkissjóði fyrir utan eftirlaunin.