Þurfum við á þessu þessu að halda?

Það virðist eitthvað hafa verið flutt inn af írsku svínakjöti, samkvæmt fréttinni. Þurfum við eitthvað á innfluttu svínakjöti að halda? Hvernig er svo merkingum háttað í verslunum og hvaða kjöt fer í unnar vörur eins og hakk eða kjötfars? Kannski er það innflutt í bland við íslenskt.

Engin hætta vegna svínakjöts

Athugasemdir

[Jóhann Elíasson, 7.12.2008 kl. 17:35]

Eftir því sem ég hef heyrt, þá er til mikið meira en nóg af svinakjöti í landinu.  Innflutningurinn fer meira og minna í hakk.  Eina kjötið sem hefur orðið vöntun á er nautakjöt og það hakk sem er boðið uppá sem "nautahakk" er blanda af svínahakki og lambakki.

[Jóhann Elíasson, 7.12.2008 kl. 17:36]

Lambahakki átti þetta að vera.

[Steingrímur Ingi Stefánsson, 7.12.2008 kl. 22:58]

Hvaðan hefur þú þínar uplísingar félagi?? Það er hreyn fásinna að halda því fram að nautahakk sé blanda af lambi og svíni!! kyntu þér málið áður en þú fullyrðir.

[Jóhann Elíasson, 8.12.2008 kl. 08:03]

Steingrímur, ég hef mínar upplýsingar frá manni sem vinnur í kjötvinnslu, ég hef ekki reynt þennan mann að því að fara með fleipur hins vegar veit ég ekkert um þig og þá er ekki spurning um hvorn maður tekur trúanlegan.  En þú gætir kannski frætt mig um það, fyrst þú þekkir kjötbransann svona vel, hvernig stóð á því að alltaf var hægt að fá "nautahakk" þegar erfitt var að fá nautakjöt?  Og svo skalt þú hafa eitthvað á bak við þínar fullyrðingar framvegis.

[Steingrímur Ingi Stefánsson, 9.12.2008 kl. 12:58]

Jæja Jóhann ég get sagt þér það ég hef sjálfur unnið í kjöti, faðir minn er kjötiðnaðarmeistari að mennt þótt nýlega hafi hann haldið til sjós, besti vinur minn er kjötmeistari íslands 2007 Helgi Jóhannsson og ég er mjög tengdur einu stærsta kjötiðnaðarfyrirtæki íslands ef ekki því stærsta í dag, og ég skal fullyrða þó í hart fari að það viðgengst ekki að blanda lambi og svíni saman og kalla það nautahakk, það er einfaldlega ólöglegt, og háalvarlegt mál ef þetta viðgengst. Engin þeirra sem ég talaði við um þetta kannaðist við það að það hefði orðið skortur á nautakjöti og fæ ég það helst á tilfinninguna að þessi vitorðsmaður þinn sem þú trúir svo heitt á sé að vinna í einhverri mjög vafasamri bílskúrskjötvinnslu sem ekki hefur efni á að versla inn naut! Sýndu nú sóma þinn og upplýstu hvaða vinnsla þetta er svo hægt sé að sniðganga þetta svínarí!!

[Jóhann Elíasson, 9.12.2008 kl. 16:45]

Það er nú eitthvað undarlegt að KJÖTIÐNAÐARMENN kannist ekki við að erfitt hafi verið að nálgast nautakjöt í sumar, það fór nú ekki leyndara en svo að það kom frétt um nautakjötshallæri í fréttum RÚV í sumar.  Þessir kjötiðnaðarmenn, sem þú þekkir Steingrímur, hafa sennilega verið uppteknir við eitthvað annað.  Þarna er ekki um neina "bílskúrskjötvinnslu" að ræða heldur er þetta með þeim stærri í bransanum.

[Steingrímur Ingi Stefánsson, 9.12.2008 kl. 16:59]

Málið er einfalt þetta er ólöglegt ef merking á matvælum er röng! Og þetta þarf að kanna betur erum við ekki sammála um það Jóhann?

[Haraldur Bjarnason, 9.12.2008 kl. 17:16]

Þið í stóra nautahakksmálinu. Hvað haldiði að verði um allt beljukjötið. Farið í næstu verslun og biðjið um kýrkjöt. Það er hvergi til. Það lendir í nautahakki og jafnvel það besta er selt sem nautakjöt. Þetta væri í lagi ef hakkið héti nautgripahakk. En þarna er kjöti sem bændur eru að fá miklu lægra verði laumað út á markaðinn á nautakjötsverði. Svo er ég viss um að frosið kjöt sem flutt hefur verið inn og selst ekki, er þýtt upp og hakkað, án þess að þess sé getið á umbúðum að það sé innflutt.

[Jóhann Elíasson, 9.12.2008 kl. 18:08]

Þetta er vel þekkt úr öllum greinum Halli, hérna fyrir mörgum árum, þegar ég var að byrja ´´a togurunum, var einn fisksali, sem keypti alltaf af okkur siginn fisk, ýsuhakk, ýsu og lúðu og ýmislegt fleira.  Einu sinni, þegar við vorum nýkomnir í land, auglýsti hann í útvarpinu "nýja línuýsu", við ákváðum að atast í karlinum og fengum, konu sem við þekktum, til að fara til hans og spyrja að því hvort hann ætti ekki "togaraýsu", hún var EKKI til hjá honum og svo bætti hann við "hún er aldrei á boðstólum í þessari búð".