Fáum við þá að heyra í Valdimar aftur?

Kemur þá ekki að því að við heyrum Valdimar Örnólfsson stýra morgunleikfiminni? - Það verður örugglega mikið um endurflutning á næstunni hjá Ríkisútvarpinu, sérstaklega þættir á Rás 1 en það er athyglisvert að RÚV hefur leitað leyfis fyrir endurflutningi hjá Halldóru, enda er höfundarréttur hennar ótvíræður. Svo getur Sjónvarpið endurflutt ýmislegt, sem gaman væri að sjá á ný. Gamalt barnaefni stendur t.d. fyllilega fyrir sínu því áhorfendur endurnýjast stöðugt.

Gamlir morgunleikfimiþættir endurfluttir

Athugasemdir

[Anna Ragna Alexandersdóttir, 1.12.2008 kl. 16:34]

Ekki aftur

[Sverrir Einarsson, 1.12.2008 kl. 16:44]

Stofnum þrýstihóp og mætum í anddyrirð hjá RÚV og heimtum (með góðu eða illu) Valdimar aftur í morgunleikfimina.

[Sigurður Bogi Sævarsson (IP-tala skráð) 1.12.2008 kl. 16:50]

Já, og Magnús Pétursson sem spilaði undir hjá Valdimar í morgunleikfiminni. Ef hægt er að redda málum hjá RÚV með endurflutningi á gömlu efni þá er þetta bara fínt.  Vil sömuleiðis fá Stefán Jón aftur í Þjóðarsálina. Gamlar upptökur duga.

Kv.

sbs

[Hólmdís Hjartardóttir, 1.12.2008 kl. 17:38]

Hvernig væri svo að fá gamla "góða" fréttatíma líka.

[Haraldur Bjarnason, 1.12.2008 kl. 18:10]

Þessar upptökur af morgunleikfimi Valdimars og Magnúsar Péturssonar hljóta að vera til. Svo eru til gamlar fréttaupptökur Hólmdís. Við fáum þær ábyggilega. Sigurður Bogi. Nú fáum við útvarp síðustu áratuga í endurflutningi af segulböndum og stálþráðum. Það má spara helling með þessu!!!

[Magnús Sigurðsson, 1.12.2008 kl. 18:15]

Hvernig væri svo að láta Pál Magnússon sprikla í morgunn leikfiminni, taka flykk flakk og heljarstökk, hægri vinstri snú í beinni í sjónvarpinu.  Þá væri nú aldeilis hægt að halda því fram að hann vinni bæði fyrir jeppa og launum.

[Guðmundur Ásgeirsson, 2.12.2008 kl. 18:37]

Ég er sannfærður um að Valdimar frændi minn tæki því fagnandi ef þættirnir hans yrðu endurfluttir. Svo væri kannski ráð að senda fyrrverandi bankastjóra og útrásarvíkinga í prógramm hjá honum, þeir gætu lært mikið á því varðandi heilbrigðari viðhorf og almennilega mannasiði! ;)