Palli í rugli

Þarna held ég að Palli Magg sé í algjöru rugli. Veit hann ekki um höfundarrétt? Við sem höfum starfað við fréttamennsku og dagskrárgerð á RÚV eigum höfundarrétt á öllu því efni sem við höfum gert. RÚV var bara með okkur á launum. Höfundarréttur er ótvíræður og meira að segja svo sterkur að RÚV má ekki nota efni okkar nema með leyfi.  G. Pétur var í fullum rétti að nota þetta og ég get alveg upplýst Pál um að ég á í fórum mínum fullt af efni sem ég kem einhvern tímann til með að nota. http://www.youtube.com/watch?v=E3zqtGWEc8U Þetta er Davíðsstíllinn, hroki út í gegn.

Krafa um að viðtali við Geir verði skilað

Athugasemdir

[Sigrún Jónsdóttir, 25.11.2008 kl. 11:34]

....og veit hann ekki að "það er of seint að byrgja brunninn, þegar barnið er dottið í hann?"

[Heimir Eyvindarson, 25.11.2008 kl. 11:51]

Er þetta svona Halli? Ég vona það svo sannarlega, áfram G. Pétur!

[Haraldur Bjarnason, 25.11.2008 kl. 11:55]

Já Heimir, þetta er alveg sama og með tónlistarmenn. Það tekur enginn frá þeim sem þeir hafa samið eða gert.

[Anna Svavarsdóttir, 25.11.2008 kl. 11:56]

Takk fyrir að segja frá þessu.

[Hólmdís Hjartardóttir, 25.11.2008 kl. 11:58]

Páll hefur fengið fyrirskipanir að ofan.

[Rut Sumarliðadóttir, 25.11.2008 kl. 12:19]

Takk fyrir þetta Halli, gott til þess að vita að höfundarétturinn gildir.

[Haraldur Bjarnason, 25.11.2008 kl. 15:49]

Segjum sem svo að tónlistarmaður spili á balli eða tónleikum og flytji furmsamið efni. Með rökum Páls Magnússonar ættu allir, sem kaupa sig inn, rétt á efni tónlistarmannsins. RÚV kaupir sig bara inn á efni starfsmanna, þeir eiga höfundarréttinn.