Skil ekki

Segi bara enn og aftur að ég skil ekki hvers vegna einhver strákgutti er settur inn fyrir að hífa upp Bónusfána við Alþingishúsið meðan allir sem þar starfa ganga lausir. Þeir sem eru innan dyra eru búnir að setja þjóðina á hausinn. Þetta er fáránlegt.

Fanganum sleppt

Athugasemdir

[Ingólfur Þór Guðmundsson, 22.11.2008 kl. 18:27]

Hann var settur inn vegna eldra brots...

Hann var dæmdur til sektar í Héraðsdómi Austurlands, fyrir að klifra uppí krana á Kárahnjúkum, sektin ekki greidd, og maðurinn þar af leiðandi þurfti að sitja sektina af sér (2-3 dagar væntanlega)... Það að þetta gerist viku eftir að hann skellir Bónus-fánanum á Alþingishúsið er tilviljun.

En nokkuð ljóst að þarna er atvinnumótmælandi á ferð :)

[Baldvin Mar Smárason, 22.11.2008 kl. 18:27]

Því að hann var ekki tekin fyrir að setja fánan á Alþingishúsið.

Heldur fyrir að stöðva framkvæmdir við Kárahnjúka og klifra upp í byggingarkrana.

Hann braut lög með því að brjótast inn á Kárahnjúka og stofna lífi annara í hættu.

En þeir sem eru á þingi hafa ekki brotið nein lög, þeir hafa starfað innan ramma lagana.

Þetta er það sem skilur að siðað fólk og skríl.

[Ingólfur Þór Guðmundsson, 22.11.2008 kl. 18:31]

Svo er forvitnileg klausa inná heimasíðu til styrktar Paul Ramses-->  "

"Við ætluðum að reyna að bjarga lífi Paul Ramses. En því miður held ég að það hafi ekki tekist," segir hinn 21 árs gamli Haukur Hilmarsson sem í morgun hljóp inn á flugbraut á Kelflavíkurflugvelli.

Með Hauki í för var hinn 31 árs gamli Bandaríkjamaður Jason. Bæði Haukur og Jason hafa áður komist í kast við lögin eftir mótmælaaðgerðir sem þeir hafa tekið þátt í. Meðal annars á vegum Saving Iceland.

Haukur og Jason segjast hafa hlupið út á flugbrautina til þess að stöðva flugtak vélar sem flytja átti pólitíska flóttamanninn Paul Ramses til Ítalíu. "

Þarf fleiri vitnanna við --> Hann er ATVINNUMÓTMÆLANDI !

[Már Þórsson (IP-tala skráð) 22.11.2008 kl. 18:39]

Síðustu tvær athugasemdir virðast skrifaðar af atvinnusópurum.

Staðreyndin er að lögreglan braut á mannréttindum Hauks

- Með því að handataka hann í gær og færa hann til afplánunar án lögboðins fyrirvara.

- Með því að slíta upp afplánun hans að tilefnislausu, því hann hafði afplánað 5 af 18 dögum fyrir ári.

Nánar um þetta hér http://visir.is/article/20081122/FRETTIR01/763380331/-1

Þá Baldvin og Ingólf hvet ég hins vegar til að halda áfram að skúra eftir Sjálfstæðismenn og ekki vera að menga hér umræður fólks sem vilja sjá betra Ísland fyrir börnin sín.

[Haraldur Bjarnason, 22.11.2008 kl. 18:54]

Bara til að hafa það á hreinu þá hefur enginn klifrað upp í krana við Kárahnjúka. Hins vegar gerðu það einhverjir við álverið á Reyðarfirði og stofnuðu með því sjálfum sér í hættu en engum öðrum. Þótt þessi drengur hafi verið þar þá er tímasetningin augljós núna. Það á að kæfa mótmælendur á Austurvelli.

[gilbert (IP-tala skráð) 22.11.2008 kl. 18:55]

Það þarf ekki að gefa fyrirvara ef einstaklingurinn fremur annað afbrot í millitíðinni sem þessi maður gerði oft. Þannig að engin mannréttindi voru brotin hér og þessi atvinnumótmælandi á enga samúð skilið.

[Haraldur Rafn Ingvason, 22.11.2008 kl. 18:59]

Ingólfur, þú er þá væntanlega atvinnumeðmælandi

Baldvin dregur þetta upp sterkum svarthvítum litum. Alþingismenn og ráðherrar sem bera ábyrgð á stórkostlegasta fjármálaklúðri þróaðs ríkis (miðað við höfðatölu) eru hinir siðuðu, þeir sem mótmæla eru skríll.

Lifi skríllinn 

[Georg P Sveinbjörnsson, 22.11.2008 kl. 21:10]

Ef við berum saman alvarleika gjörða fjárglæframannana og stjórnmálamanna í vasa þeirra fyrir þjóðina og andóf Hauks lítur Haukur bara ansi vel út við hliðina á fúskurunum við stjórn og eigendum þeirra. Mýtan um að aðgerðarsinnar séu atvinnumótmælendur er lífseig hjá smáborgurum þessa volaða lands.

[Hólmdís Hjartardóttir, 23.11.2008 kl. 00:26]

Það eru náttúrulega bara stórglæpamenn sem hengja bónuspoka á Alþingishúsið!

En allir hinir ganga lausir.

[Ingólfur Þór Guðmundsson, 23.11.2008 kl. 11:02]

Rétt skal vera rétt...... og bið ég hlutaðeigandi forláts fyrir að hafa nefnt krana og Kárahnjúka í sama orðinu :)

 ---------------------------------------------------------------------------------

Ákæruvaldið

(Ólafur Helgi Kjartansson sýslumaður)

gegn

Evu Hauksdóttur, (móðir)

(Ragnar Aðalsteinsson hrl.)

Hauki Hilmarssyni, (sonur)

(Ragnar Aðalsteinsson hrl.)

með því að hafa að morgni fimmtudagsins 26. júlí 2007 við mótmælaaðgerðir á vegi að Hellisheiðarvirkjun, Sveitarfélaginu Ölfusi, þar sem ákærðu lokuðu umræddum vegi við aðgerðir sínar, ekki hlýtt fyrirmælum lögreglu um að opna veginn aftur fyrir umferð og hverfa frá vettvangi.

Telst brot ákærðu varða við 19. gr., sbr. 41. gr. lögreglulaga nr. 90/1996, 1. mgr. 1. gr. og 11. gr., sbr. 1. mgr. 90. gr. lögreglusamþykktar fyrir Árnessýslu nr. 134/1939 frá 10. júlí 1939, sbr. 1. mgr. 6. gr. laga um lögreglusamþykktir nr. 36/1988.

----------------------------------------------------------------------------------------

Héraðsdóms Austurlands fimmtudaginn 21. desember í máli nr. S-113/2006:

Ákæruvaldið

(Lára Huld Guðjónsdóttir sýslumannsfulltrúi)

gegn

Hauki Hilmarssyni

fyrir eftirgreind brot framin mánudaginn 7. ágúst 2006 á Fljótsdalsheiði, við Desjarárstíflu á lokuðu vinnusvæði Suðurverks:

1. Fyrir brot gegn almennum hegningarlögum, með því að hafa, ruðst heimildarlaust inn á lokað vinnusvæði og synjað að fara þaðan þegar lögreglan skoraði á þau að gera það.

Telst þetta varð við 231. gr. laga nr. 19, 1940, sbr. 123. gr. laga nr. 82, 1998.

2. Brot á lögreglulögum, með því að hafa neitað að hlýða fyrirmælum lögreglu um að yfirgefa lokað vinnusvæði umrætt sinn,

Telst þetta varða við 19. gr. lögreglulaga nr. 90, 1996, sbr. 41. gr. sömu laga.

---------------------------------------------------------------------------------------

Héraðsdóms Austurlands fimmtudaginn 30. nóvember 2006 í máli nr. S-112/2006:

Ákæruvaldið

(Helgi Jensson sýslumannsfulltrúi)

gegn

Haukur Hilmarssyni

1. Fyrir brot gegn almennum hegningarlögum, með því að hafa miðvikudaginn 16. ágúst 2006 ruðst í heimildarleysi inn á afmarkað vinnusvæði Bectels á álverslóð í Reyðarfirði og ákærðu Haukur Hilmarsson, Yuhki-Javier Menendez Ohta og Albert Fernandes Suares, þegar inn var komið, klifrað upp í kranabómur og njörvað sig þar fasta. Með þessari háttsemi stöðvuðu ákærðu vinnu á svæðinu í um átta klukkustundir.

----------------------------------------------------------------------------------------

30 nóv 2006

Ákærði, Haukur Hilmarsson, greiði 200.000 krónur í sekt til ríkissjóðs innan fjögurra vikna frá uppkvaðningu dómsins, en sæti ella fangelsi í 14 daga.

------------------------------------------------------------------------------------------

21 desember 2006 

Ákærði, Haukur Hilmarsson, greiði sekt að fjárhæð 50.000 krónur til ríkissjóðs innan fjögurra vikna frá uppkvaðningu dómsins en sæti ella fangelsi í 4 daga.

-------------------------------------------------------------------------------------------

30. júni 2008

Ákærði Haukur Hilmarsson greiði 100.000 krónur í sekt til ríkissjóðs en sæti ella fangelsi í átta daga.

--------------------------------------------------------------------------------------------

Það er mjög líklega síðastnefnda brotið sem knýr lögreglu til þess að handtaka manninn. Við skulum ekki gleyma því að það er munur á því að vera dæmdur fyrir brot og vera ekki dæmdur fyrir brot, eins og sumir hér að ofan virðast illa geta áttað sig á.

Miðað við ofangreint, þá held ég að það væri varla sanngjarnt að kall Hauk annað en atvinnumótmælanda, eða í versta falli, verulega athyglissjúkann.

-------------------------------------------------------------------------------------------

Skorrdal: "hver borgar honum fyrir að mótmæla? Hann er aðgerðarsinni; ef þú getur ekki borið virðingu fyrir slíkum í lýðræðissamfélagi - hvaða alræði ert þú þá að tala um fyrir? "

Það borgar honum örugglega enginn fyrir að mótmæla, í orðinu atvinnumótmælandi þarf ekki endilega að eiga sér stað greiðsla fyrir viðvikið, heldur má lýsa atvinnumótmælanda á þann veginn, að hann hafi ekkert annað fyrir stafni en mótmæla, burtséð hvort greiðsla á sér stað eður ei.

Hér í Danmörku er gríðarlega mikið af svokölluðum "aðgerðarsinnum", fólk sem klæðir sig í svart, hylur andlit sitt, og grýtir lögreglu. Hér er það yfirleitt nefnt hústökufólk, s.br. ungdomshus-málið allt saman.

Að stærstum hluta er þetta fólk sem hefur ekkert betra að gera en að rífa niður það samfélag sem búið er að byggja upp, og flokkast flest undir anarkista. Staðfest er að stór hópur frá "ungdoms-hús" málinu, hafi gagngert komið til Íslands til að mótmæla á vegum Saving Iceland, enda atvinnumótmælendur á ferð.

-------------------------------------------------------------------------------------------

Haraldur Rafn: " Alþingismenn og ráðherrar sem bera ábyrgð á stórkostlegasta fjármálaklúðri þróaðs ríkis (miðað við höfðatölu) eru hinir siðuðu, þeir sem mótmæla eru skríll."

Við verðum að gera greinamun á annars vegar dæmdu niðurrifsfólki, og öðrum. Það getur vel verið að Geir Haarde og allt Alþingi verði dæmt á endanum. Það mun tíminn leiða í ljós.

-------------------------------------------------------------------------------------------

[Haraldur Bjarnason, 23.11.2008 kl. 12:47]

Ragnar Aðalsteinsson lögmaður sagði allt sem segja þarf um þetta í hádegisfréttum útvarps í dag.