Við þurfum ekki nýjan flokk - Við þurfum nýtt fólk

"Viðtökurnar hafa verið ótrúlegar og það stoppar varla síminn hjá okkur. Það er greinilega þörf á nýju stjórnmálaafli sem ber hag fólksins í landinu fyrir brjósti,“  Þetta er haft eftir talsmanni undirbúningsnefndar fyrir stofnun Framfaraflokksins í fréttinni. Nýr flokkur er nefnilega alls ekki það sem þjóðin þarf. Þá dreifast atkvæðin meira, sem kemur aðeins þeim stærsta til góða. Frekar þurfum við nýtt fólk á framboðslista þeirra flokka sem fyrir eru. Fólk með nýjar áherslur og sem er laust við græðgishugsun nýfrjálshyggjunnar.

Framfaraflokkurinn stofnaður á næstu dögum

Athugasemdir

[Hólmdís Hjartardóttir, 14.11.2008 kl. 20:10]

En þetta er það sem mun gerast....og það koma fleiri framboð.  Erfitt að mynda stjórn eftir næstu kosningar

[Haraldur Bjarnason, 14.11.2008 kl. 20:17]

Nei það verður auðveldara að mynda stjórn eftir því sem flokkunum fjölgar. Þeir ná tæplega inn þingmönnum og atkvæði greidd þeim detta því dauð niður Línurnar verða þá skýrari hjá stærstu flokkunum. Þetta fólk á frekar að koma sér á framfæri hjá þeim flokkum sem fyrir eru, þeir eru þegar of margir.

[Atli Freyr Friðbjörnsson (IP-tala skráð) 14.11.2008 kl. 20:22]

Væri þá ekki bara réttast að taka núverandi flokkakerfi til gagngerrar endurskoðunar?

[Einar Vignir Einarsson, 14.11.2008 kl. 23:16]

Ég er sammál þér Halli, við þurfum endurnýjun í gömlu flokkanna nema að við mættum kjósa fólk en ekki flokka.

[Ragnar Gunnlaugsson, 14.11.2008 kl. 23:46]

Mér fynnst að Flokkurmótmælanda væri betra nafn.!!!!

[Jón Ragnar Björnsson, 15.11.2008 kl. 00:16]

Alveg sammála þér, Haraldur. Ekki nýjan flokk, heldur nýtt fólk í flokkana.

Augljóst er að mikill atgeftisflótti hefur orðið í stjórnmálum. Samfara því hefur áhugi fyrir stjórnmálastarfi dvínað. Ég hygg að það sé vegna þess að við höfum haft það of gott, orðið makráð og áhugalaus.

Ég hef trú á því að kreppan muni breyta þessu. Núna þurfum við úrvals fólk til starfa í stjórnmálaflokkunum, fólk sem hefur brennandi hugsjónir en er ekki atvinnukjaftaskar.

Ég vil eitt kjördæmi í landinu, um 30 þingmenn og tvo álíka stóra stjórnmálaflokka, sem væru nokkuð til skiptis við stjórnvölinn.

[Sigrún Jónsdóttir, 15.11.2008 kl. 00:53]

....þarf að hugsa þetta aðeins

[Nonni (IP-tala skráð) 15.11.2008 kl. 09:37]

VÍNLANDIÐ

Ísland er stoppu stöð á leið frá Noregi til Vínlands hins góða. Við erum útrásar víkingar, en við verðum að rasa út í rétta átt! Leifur Heppni var ekki áttavilltur. Nú er komið að því að þjóðin sæki um inngöngu í Kanada/USA/NAFTA. Þar eigum við “Fyrsta Veðrétt”, samkvæmt Leifi Heppna. Þarna er mestur fjöldi íslenskra afkomenda,sem er okkar eigið blóð. Þeir afkomendur hafa gert það svo gott, að þeir hugsa sjaldan um stoppu stöðina Ísland, í miðju Atlanthafi. Og þeir hafa dreyft sér um alla Norður Ameríku. Evrópa er búin að fá alveg nóg af okkur, eins og Noregur forðum. Vesturheimur bíður okkar án nokkurra fordóma.

[Birna M, 15.11.2008 kl. 10:33]

Ég er eiginlega sammála þér. Þetta eru ekki flokkarnir sem slíkir, þar virðist hver hönd uppá móti annarri. Kannski væri bara óskastaða að láta Kanana hernema okkur núna, áður en tjallarnir gera það í nafni skulda. áður en okkur tekst að fá inngöngu í ESB, því þar verður okkur örugglega sökkt.

[Haraldur Bjarnason, 16.11.2008 kl. 08:17]

Nokkuð sammála þér Jón. Þótt ég hafi mest alla tíð búið utan Reykjavíkur vil ég að landið verði eitt kjördæmi. Við sjáum að landsbyggðin hefur lengst af haft meirihluta þingmanna en það hefur ekkert haft að segja með byggðaþróun. Líklega er þetta sama hræðslan og gagnvart Evrópusambandinu, eitthvert ímyndað vald, sem er svo ekkert þegar á reynir.