Látum Breta gjalda fyrir ofbeldið

Rökin fyrir því að semja ekki við Breta um eitt eða neitt verða sífellt sterkari. Það sem þessi sérfræðingur í mannréttindamálum hjá Sameinuðu þjóðunum segir, hlýtur að vega þungt. Það er orðið greinilegt að þetta mál þarf að leysa fyrir dómstólum. Látum Breta gjalda fyrir ofbeldið. Við höfum alltaf unnið stríð gegn þeim.

Gott dæmi um misnotkun laga

Athugasemdir

[Guðmundur Ásgeirsson, 23.10.2008 kl. 10:03]

Nýja Herkvaðningin í þessu efnahagsstríði verður að taka til allra almannatengsla- og auglýsingastofa í landinu, markaðsfræðinga, fjölmiðlafólks, utanríkisþjónustunnar, sem og íslendinga erlendis og þeirra sem hafa tengsl við erlenda aðila. Mikilvægasta hlutverk Íslands í "báráttunni gegn hryðjuverkum" er nú loksins komið í ljós, en það er að berjast gegn hinum raunverulegu hryðjuverkamönnum UKUSA! Nú þarf að snúa vörn í sókn og stofna til herferðar á alþjóðavettvangi gegn þeim mannréttindabrotum sem felast í svona ólögum og öðrum hliðum "stríðsins gegn hryðjuverkum", sem er löngu búið að snúast upp í andhverfu sína. Eins og nú er bersýnilega komið á daginn þá stafar alþjóðlegum almannahagsmunum mun meiri ógn af misbeitingu svona víðtækra lagaheimilda, en af þeim fámennu öfgahópum sem upphaflega stóð til að beita þeim gegn. Almenningur hvarvetna þarf að átta sig á því að ef ekki er spornað strax við þessari þróun þá mun það leiða til aukinnar alræðishyggju stjórnvalda og við munum öll enda undir eftirliti Stóra Bróðurs í einhverskonar fangelsi (ekki endilega áþreifanlegu með rimlum og gaddavír, en fangelsi engu að síður). Athyglin sem þessi ágreiningur okkar og breta hefur fengið skapar einstakt tækifæri, sem er ekki endilega víst að muni gefast aftur ef fram heldur sem horfir, til aðkoma af stað alþjóðlegri vitundarvakningu um það hversu hættulega braut þessi mál er komin inn á. Fyrst hægt er að beita svona lögum gegn skyrtuklæddu skrifstofufólki frá vinaþjóð, hvað mun þá stoppa þá frá því að koma og sækja þig næst og fjölskyldu þína, og gera eignir ykkar upptækar? Ekki má heldur gleyma þeirri meðferð sem jafnvel saklaust fólk í vestrænum ríkjum hefur þurft að sæta í skjóli slíkra laga, án þess að fá einu sinni tækifæri til að halda uppi sjálfsögðum og eðlilegum málsvörnum. Það þarf ekki einungis að draga breta fyrir dómstól vegna efnahagslegra úrlausnarefna er varða skaðabótaskyldu þeirra, heldur þarf líka að draga fyrir mannréttindadómstóla og jafnvel stríðsglæpadómstól þar sem aðgerðir þeirra geta hugsanlega talist falla undir skilgreiningu þjóðernisofsókna.

[Haraldur Bjarnason, 23.10.2008 kl. 10:07]

Góður og þarfur pistill, Guðmundur.

[Hólmdís Hjartardóttir, 23.10.2008 kl. 13:05]

Við förum bara í mál við Bretana...