Skapa gjaldeyri, ekki fá hann að láni

Þessi síldveiði á Breiðafirðinum í fyrra og aftur núna þarf ekki að koma á óvart. Þetta er raunar það sem menn voru búnir að benda á fyrir nokkrum árum . Hins vegar er engin skýring á af hverju ekki er síld við Austfirði en það þarf þó ekki að koma á óvart þó hún fari að veiðast þar líka. Það er nóg af fiski í sjónum, ekki bara síld, heldur mikið meira af þorski en menn vilja vera að láta. Er ekki ráðið í þessari kreppu að skapa gjaldeyri, þá þarf ekki að taka eins mikið af honum að láni. Það þarf ekki bara að reka Davíð heldur yfirstjórn Hafró líka.

Á síld innan við Stykkishólm

Athugasemdir

[Sigrún Jónsdóttir, 12.10.2008 kl. 22:16]

Nú á að setja gjaldeyrisskapandi framleiðslu í forgang og það þarf að reka ansi marga toppa og fræðinga.............en hver ætlar að gera það?

[Lilja G. Bolladóttir, 13.10.2008 kl. 00:13]

Að sjálfsögðu er nóg af þorski í sjónum, og það gagnast ekkert að setja kvóta á þorskinn ef enginn er maðurinn til að veiða hann.... Við eigum að leggja áhrerslu á útflutningsgreinarnar núna, þegar gengið er okkur hagstætt til þess, en Halli og Sigrún..... hvern á að reka og einmitt, hverjir eiga að ákveða það og hverjir eiga að gera það?

Mér finnst tvímælalaust að Davíð eigi að fara frá, mér finnst hins vegar stjórnmálamenn hafa staðið sig með ágætum síðustu dagana, og ég tek hattinn ofan fyrir Geir Haarde, sem hefur staðið sína vakt 24/7 síðustu 2 vikurnar, heldur þó ró sinni og vinnur sína vinnu. Á bak við hann standa auðvitað fullt af embættismönnum og ef maður segir að þeir hafi ekki verið að vinna sína vinnu, þá er það heldur ekki rétt að reka Geir. Af hverju þá ekki bara að reka alla þessa embættismenn, sem eru ráðgefandi og reikna allar tölur, sem Geir er í raun bara talsmaður fyrir??

Hitt er annað mál, að sjálfsögðu áttu stjórnvöld að grípa mikið fyrr inn í málin, en þau gerðu. Geir átti ekki bara að standa þarna glottandi og segja að allt væri í himnalagi, þegar almenningur vissi vel að allt væri á leiðinni til andskotans. Geir fannst hins vegar bara að við værum á leið inn í smá efnahagslægð sem við kæmumst auðveldlega út úr.... Þorgerður í Kína, Geir í USA, allir einhversstaðar en alls ekki á Íslandi til að viinna í okkar málum.

[Steingrímur Helgason, 13.10.2008 kl. 00:35]

Mikið er Lilja G. Bolladóttir alveg að naglhitta þetta, alveg hringinn..

Fínn Reykáz í þessu...

[Hólmdís Hjartardóttir, 13.10.2008 kl. 01:00]

það á að þjóðnýta kvótann............nú er lag....og heimila auknar veiðar.