Þarna var svoddan fyrirtaks keila

Þetta er slæmt. Þegar ég var að vinna á Akranesi í sumar fannst mér hún frábær þessi fiskbúð og margt gott að fá þar, vonaðist þá til að Fisksaga yrði opnuð hér á Akureyri. Man sérstaklega eftir keilunni, sem ég uppgötvaði þarna, sem fyrirtaks matfisk. Man þá tíð að hún var reitt af línunni við borðstokkinn og fékk að fjúka í sjóinn aftur. Skagamenn þurfa þó ekkert að kvíða, það er ágætis úrval af fiski í Einarsbúð. Sú búð stendur sig alltaf. - Svona í lokin. - Mér finnst að mbl.is eigi að linka á vef Skessuhorns, það er sjálfsögð kurteisi þegar skrif annarra eru notuð. Bæti úr því hér: http://www.skessuhorn.is/Default.asp?sid_id=24845&tId=99&Tre_Rod=001|002|&fre_id=77883&meira=1

Þremur verslunum Nordic Sea lokað

Athugasemdir

[Hólmdís Hjartardóttir, 11.10.2008 kl. 00:26]

Fyrir nokkrum árum gat ég farið í fiskbúð og keypt búra, keilu og háf.  Þetta virðist liðin tíð. Afhverju? 

[Haraldur Bjarnason, 11.10.2008 kl. 08:31]

Hólmdís það eru nú góðar fiskbúðir í Reykjavík en þetta er verra úti um land. Ég man eftir frábærri fiskbúð vestast í vesturbænum. Svo er Fiskisaga líka með nokkrar búðir líka, minnir að ein sé á Suðurlandsbraut, önnur á Skólavörðustíg.