Auðveldara að semja við hálaunastéttir

Gott mál. Búið að semja við lækna. Þarna er að vísu ekkert getið um samningana hvernig þeir eru eða hvort þeir eru kannski sambærilegir við samninga ljósmæðra. Kannski er sú leiðrétting, sem þær fóru fram á nú fokin út í veður og vind, má vera, veit ekki. Merkilegt samt hve auðveldlega það gengur alltaf hjá ríkinu að semja við hálaunastéttirnar meðan láglaunastéttir standa í strögli. Kjaradómur leysir svo alltaf launamál þeirra allra hæstlaunuðu hjá ríkinu með glans. 

Samið við lækna

Athugasemdir

[Ragnar Freyr Ingvarsson, 1.10.2008 kl. 20:18]

Sæll Haraldur

Ég sé að þú hefur áhyggjum af launum lækna. Það þarf ekki að sjá ofsjónir yfir þeim og seint kalla ég þetta hálaunastétt. 

kandidat - 6 ára háskólanám - 274 þús

deildarlæknir 7-10 ára háskólanám - 310-340 þús

Sérfræðingur 10-15 ára háskólanám - 478-540 þús

yfirlæknir um 600 þúsund

Miðað við menntun, ábyrgð og kröfur verða þetta seint talin til hárra launa á Íslandi í dag. Ef menn vinna svo mikið má auðvitað auka tekjurnar og það geta flestir. 

Ragnar Ingvarsson, á leið í sérnám í Svíþjóð

[Haraldur Bjarnason, 1.10.2008 kl. 20:35]

Hef engar áhyggjur af þeim Ragnar. Gleðst bara yfir því að samið hafi verið við þá en þrátt fyrir allt eru þeir hálaunamenn á ríkisvísu (fyrir utan ríkisbankann nýja) og einhvern veginn gengur betur að semja við þá en þá sem lægst hafa launin. Þessar tölur sem þú nefnir eru fyrir samninga, sem nú voru gerðir, er það ekki?

[Hólmdís Hjartardóttir, 1.10.2008 kl. 20:49]

Ég sá einu sinni tölur um launakostnað á Landakoti.  Læknasvið kostaði margfalt á við hjúkrunarsvið.  Undir læknasvið heyrðu læknar, sjúkraþjálfarar, lyfjafr. og meinatæknar.  Undir hjúkrunarsvið heyrði allt annað starfsfólk.  Starfsfólkið sem heyrði undir hjúkrunarsvið var  sennilega nálægt 80% starfsfólks spítalans.

[Ragnar Freyr Ingvarsson, 1.10.2008 kl. 20:54]

Ekki er búið að birta samninginn á heimasíðu félagsins - þannig að ég er ekki búinn að sjá þetta.

Þetta er skelfingarmýta sem læknar þurfa að glíma við - að vera hálaunafólk.

Það er mjög erfitt að finna samanburðarhæfar stéttir þar sem læknar er með eitt lengsta háskólanám sem þekkist en samt tekst þeim ekki að komast ofar í launum. Millistjórnandi hjá Reykjavíkurborg er með hærri grunnlaun en yfirlæknir (yfirumsjón með fjölda starfsmanna, fagleg ábyrgð á öllum sjúklingum innan þessarar greinar og miklu fleira). Svona má endalaust telja...viðskiptafræðingar, endurskoðendur, jafnvel tölvufólk hjá hinu opinbera eru kominn yfir laun lækna en menntun þeirra nær oft ekki helmningi þess sem læknir (unglæknir) þarf að sækja sér. 

Allir geta fengið hærri laun með því að vinna mikið. Ég var með sæmileg laun á Íslandi - hægt að sjá það í launablaði Mannlífs - en það var ekki hægt að ná þessu nema með 100%dagvinnu í klínískri vinnu + umsjónardeildarlæknisstörf (umsjón með vöktum, fræð=slu 50 unglækna) + 100 vaktatímum á mánuði og svo afleysingar í héraði þegar tími gafst (í sumar og páskafríum). Allir sem leggja á sig mikla vinnu fá hærri laun.

[Hólmdís Hjartardóttir, 1.10.2008 kl. 20:59]

Ég er reyndar sammála þér Ragnar að grunnlaun aðstoðarlækna hafa lengi verið allt of lág.

[Haraldur Bjarnason, 1.10.2008 kl. 21:13]

Ragnar ég er enn og aftur sammála þér að læknar eiga að hafa góð laun og ég er viss um að byrjunarlaun eru undir sultarlaunum. Svo er einnig með marga aðra ríkisstarfsmenn, jafnvel með 6 ára háskólanám. En hvað eru góð laun í DAG? Ef þú náðir inn í launablað Mannlífs með sæmileg laun fyrir 100% vinnu (hélt að allir þyrftu að vera í 100% vinnu), þá hefurðu verið þokkalega staddur. Hef að vísu ekki skoðað þetta launablað Mannlífs. Það sem ég á við með mínu innslagi hér er að það gengur alltaf best hjá ríkinu að semja og ÚRSKURÐA um laun þeirra ríkisstarfsmanna sem tekjuhæstir eru. - Fagna því enn og aftur að læknar hafi náð samningum svo frekari vandræði verði ekki í því mikilvæga kerfi sem okkar heilbrigðiskerfi er. - Gangi þér vel í framhaldnámi í Svíþjóð og ég vona að við endurheimtum þig að því loknu.

[Andrir (IP-tala skráð) 2.10.2008 kl. 00:35]

Er alveg sammála því að "byrjunarlaun" lækna og laun þeirra samkvæmt kjarasamningum eru fáránleg, en er oft farið eftir þessum kjarasamningum? Allavega flokka ég alla lækna landsbyggðarinnar undir hálauna fólk, þar sem þeir eru í lang flestum tilfellum með LANGT yfir þessum blessuðu kjarasamningum. En veit svosem lítið um laun lækna á höfurborgarsvæðinu, og hef heyrt að skýringin á ofurlaunum landsbyggðar lækna sé einfaldlega til að halda þeim þar.

[Ragnar Freyr Ingvarsson, 2.10.2008 kl. 05:10]

Sæll Haraldur.

Ég fer að hafa það lúmskt á tilfinningunni að þú sért viljandi að reyna að misskilja orð mín. Fullt af fólki er ekki í 100% vinnu og er með mannsæmandi laun. 

Ég, eins og flestir læknar, eru í meira en 100% vinnu. Sennilega flestir í 120-200% vinnu. Flestir ná þannig ágætum heildarlaunum með þannig vinnu. Það gildir um nær allar stéttir.

[Haraldur Bjarnason, 2.10.2008 kl. 08:59]

Nei nei það er engin misskilningur, lang flestum veitir ekkert af 100% vinnu og dugar varla til.