Hann ökklabrotnaði

Þyrlur Gæslunnar hafa marg sannað sig að undarnförnu og vonandi að þessi gangnamaður jafni sig sem fyrst.  Hitt er annað. Málfarið hjá mbl.is Skoðum þetta: Hlaut hann opið ökklabrot og var þyrla Landhelgisgæslunnar fengin til að flytja hann á sjúkrahús. Að hljóta eitthvað er yfirleitt tengt happi; hlaut lottóvinning, hlaut happdrættisvinning...o.s.frv. Ég held að maðurinn hafi alls ekki verið heppinn að ökklabrotna. - Var ekki bara einfaldlegra að segja þarna að maðurinn hefði ökklabrotnað? 

Gangnamaður slasaðist á afrétt

Athugasemdir

[Haraldur Bjarnason, 13.9.2008 kl. 19:01]

Guðundur Egill. Vandinn er að lögfræðingar eru einhverjir þeir mestu málsóðar sem til eru. Þess vegna eru margar málvillur komnar inn í lög landsins.

[Lára Hanna Einarsdóttir, 13.9.2008 kl. 19:48]

Sammála þér, Haraldur. "Hann ökklabrotnaði..." er betra og eðlilegra málfar. Lögfræðingastagl er eitthvað það tyrfnasta lesefni sem hægt er að hugsa sér og nafnorða- og stofnanamálfar lögfræðinga er ekki til eftirbreytni.

[Víðir Benediktsson, 13.9.2008 kl. 22:38]

Lögfræðingar tala ekki sama tungumál og aðrir.

[Gulli litli, 13.9.2008 kl. 23:31]

Hann hlaut frítt far í bæinn..

[Bjarni Benedikt Gunnarsson (IP-tala skráð) 14.9.2008 kl. 14:04]

Ég er sammála því að þetta sé ljótt, en eiginlega ekki sammála því samt að þú hljótir lottóvinning... að hljóta finnst mér að ætti bara að notast þegar ekki er að hægt að nota sögn, betra er að segja: hann vann í lottó. Þú hlýtur stöðuhækkun. Málfarið á þessu blessaða vefmiðli er hins vegar bara alveg skelfilegt. Var að lesa áðan frétt um leik FH og Vals. Þar er haft eftir þjálfaranum að liðið hafi orðið líkt sjálfum sér...... Það versta er samt að við þriðju hverju frétt sést blogg við fréttir þar sem fólk er að finna að málfarinu. Hvað þarf til að þeir reyni að bæta sig? Ætli þeim sé bara alveg sama?

[Leifur Finnbogason (IP-tala skráð) 15.9.2008 kl. 20:01]

...."hann ökklabrotnaði" lýsir þessu samt ekki nógu vel, því miður málfarslöggurnar mínar. OPIÐ ökklabrot er annað en venjulegt ökklabrot.

 Hvernig væri að finna sér bara helli?

[Haraldur Bjarnason, 15.9.2008 kl. 23:37]

Hann ökklabrotnaði og brotið var opið. Það leysir þetta.

[Haraldur Bjarnason, 15.9.2008 kl. 23:39]

Menn "hljóta" ekki opið ökklabrot frekar en fótbrot eða hvert annað brot á limum