Er ráðherrann ekki í ríkisstjórn?

Er ekki sjávarútvegs- og landbúnaðarráðherrann í ríkisstjórn? Það hlýtur að vera einfaldasti hlutur fyrir hann að beita áhrifum sínum til lækkunar vaxta, fyrst fjármagnskostnaður ætlar allt lifandi að drepa. Ef þessi umhyggja fyrir fjármagnseigendum væri ekki svona ríkjandi í hans flokki þá væru vextir ekkert hærri hér á landi en annarsstaðar. Hvað þá lánskjaravísitalan. Hann mætti beita sér fyrir því að leggja hana niður.

Landbúnaður í kröggum

Athugasemdir

[Guðrún Þóra Hjaltadóttir, 11.9.2008 kl. 09:36]

Ég er nú voðalega hrædd um að landbúnaðarráðherra geri lítið annað en að verja hag þeirra sem eiga peninga og hann mun líka gera allt til að þeir ríku verði ríkari.

[Hafsteinn Viðar Ásgeirsson, 11.9.2008 kl. 12:38]

Það er nú vandséð að hann Einar sé yfir höfuð að verja eitt eða neitt, hann veltist bara þarna eins og rekald kallskepnan.

[Helga Guðrún Eiríksdóttir, 11.9.2008 kl. 14:17]

Hann er eins og korkur í brælu, það er bara sári sannleikurinn.

[Hólmdís Hjartardóttir, 11.9.2008 kl. 14:36]

Það er engin ríkisstjórn hér.  Hún er í útlöndum.........

[Haraldur Bjarnason, 11.9.2008 kl. 21:07]

Landbúnaðarráðherrann er í sama koppi og allir hinir í þessari ríkisstjórn Guðrún Þóra. Þeir tala út um allt en gera ekki neitt. Láta Davíð valta yfir sig. "Eins og korkur í brælu", góð samlíking Helga Guðrún kannski svipað og rekaldið sem Hafsteinn talar um. Hólmdís veistu hvar Geir og Solla eru núna?

[Guðrún Þóra Hjaltadóttir, 11.9.2008 kl. 21:14]

Mér dauðbrá áðan þegar ég sá fréttirnar. Geir kíkti upp úr sandinum og allt var betra en hann átti von á.

Svei mér þá ef ekki tók sig upp gamalt bros.

Hann er ekki í lagi, hann virðist alls ekki vita hvað er að gerast, alltaf jafn hissa .