Eru Skagamenn að tapa sér í svartnættinu yfir fótboltanum?

Þessi frétt sem er á vef Skessuhorns setur mig hljóðan:

Í undirbúningi er að mála íþróttamannvirkin á Jaðarsbökkum í samræmdum litum. Arkitekt hefur gert tillögu um að mannvirkin verði blá að lit og bæjarráð var búið að samþykkja tillögu arkitektsins á fundi á dögunum. Ekki var einhugur um bláa litinn í bæjarráðinu og einnig kom í ljós að um tilfinningamál er að ræða hjá mörgum bæjarbúum, þar hefur guli liturinn víst talsvert fylgi. Á fundi bæjarstjórnar síðastliðinn þriðjudag lagði Eydís Aðalbjörnsdóttir fram tillögu fyrir hönd meirihlutans þess efnis að ákvörðunartöku um litaval á Jaðarsbakkasvæðinu verði frestað. Þess í stað verði skipaður þriggja manna starfshópur kjörinna bæjarfulltrúa sem fái það hlutverk að gera tillögu og ná sátt um litaval á íþróttamannvirkjunum á Jaðarsbökkum.

Sem sagt einhver arkitekt (hýtur að vera úr Reykjavík) segir að guli liturinn eigi að fara af íþróttamannvirkjum á Akranesi. Hvað er í gangi? Þótt illa gangi í fótboltanum tímabundið, þá eigum við Skagamenn fullt af frábæru íþróttafólki auk fótboltamanna og mér hefur alltaf leiðst hve svarti liturinn er að ná meiri yfirtökum, t.d. í yfirfötum íþróttafólks. UPP MEÐ GULA LITINN OG ÞENNAN ALVÖRUGULA AKRANESLIT !!

Athugasemdir

[Hafsteinn Viðar Ásgeirsson, 4.9.2008 kl. 23:49]

Tek undir þetta Haraldur þó Ég þurfi ekki að horfa á þessi mannvirki daglega. Hinsvegar hafa Skagamenn verið "mínir menn" í Íslenska boltanum alla tíð gegnum þykkt og þunnt og verða áfram hvað sem á dynur...

[Sigrún Jónsdóttir, 4.9.2008 kl. 23:56]

Blátt væri skelfilega kaldur litur á þessa stóru byggingu....gulan áfram ef ég hef atkvæðisrétt

[Jóhann Elíasson, 5.9.2008 kl. 00:02]

Skagamenn eru mínir menn í fótboltanum, hvernig sem fer, Eru búnir að vera mínir menn síðan 1969, eins og mínir menn í handboltanum eru Haukar, þessu verður ekki breitt.  Og ég vil hafa Skaga-gulalitinn yfirgnæfandi á íþróttamannvirkjunum ykkar. 

[Haraldur Bjarnason, 5.9.2008 kl. 00:06]

Þetta er bara svo vitlaust að tekur ekki nokkru tali. Allt frá því að Íþróttabandalag Akraness var stofnað árið 1946 hefur gulur litur verið einkennið. Mörg önnur félög á landsbyggðinni tóku gula litinn upp einfaldlega af því að ÍA varð fyrst liða utan Reykjaviíkur til að vinna Íslandsmótið í fótbolta árið 1951 og þetta varð hálfgerður einkennislitur landsbyggðarinnar. Þetta er því ekki bara tilfinningalegt heldur sögulegt líka og burt með allar fáranlegar hugmyndir arkitekta um eitthvað annað.  

[Lára Hanna Einarsdóttir, 5.9.2008 kl. 00:10]

En gult með nokkrum bláum röndum eða mynstri? 

[Haraldur Bjarnason, 5.9.2008 kl. 00:24]

Engin málamiðlun til í þessu máli Lára Hanna, bara gult. Gæti viðurkennt svart á sökklum og kannski þökum af því að buxurnar hafa alltaf verið svartar og stunum sokkarnir. - Annað ekki !!! 

[Einar Örn Einarsson, 5.9.2008 kl. 00:34]

GULA LITINN!!!!!!!

EKKERT ANNAÐ

Eru Skagamenn alveg að missa það????

[Víðir Benediktsson, 5.9.2008 kl. 06:01]

Styð tillögu Láru. Sænsku fánalitinir.

[Hafsteinn Viðar Ásgeirsson, 5.9.2008 kl. 08:44]

Aldrei þessu vant er ég ekki sammála henni Láru, ekki sænska litinn, látum Grindvíkinga eða bara einhverja um hann. Svart í bland er málið.

[Andrir (IP-tala skráð) 5.9.2008 kl. 09:36]

Gulir og glaðir!! Og kannski þá svart í bland eins og þið segið, ekkert annað kemur til mála að mínu mati.

Kom mér mikið á óvart fyrst þegar var byrjað að ræða um þetta, hélt að svona mál þyrfti ekkert að ræða, á eiginlega að vera sjálfgefið.